A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ruspidúra , nf Definitzione su ruspire; cosa ispudada, ispudu Sinònimos e contràrios carràschiu, grúspidu, larodhu, ruspiada, spudu Ètimu srd.

ruspièdha , nf Definitzione saliedha chi essit in buca candho si pentzat a calecuna cosa de papare licàngia, chi praghet Ètimu srd. Tradutziones Frantzesu eau à la bouche Ingresu mouth water Ispagnolu boca agua (hacérsele la) Italianu acquolina Tedescu Wasser das im Mund läuft (Appetit).

ruspíre , vrb: arruspire* Definitzione fuliare cun fortza salia, a bortas fintzes coment'e singiale de disprétziu po gente o cosa, e fintzes fuliare àteru (es. cosa mala) chi si tastat o si portat in buca Sinònimos e contràrios gruspire, isbodhare, iscupiri, ispudai, rispiare, tzuspire Frases no istes a su ruspi ruspi, putzidha! ◊ si at sabore malu ruspichela, cussa cosa! Sambenados e Provèrbios prb: chie ruspit a su chelu, in buca li torrat.

ruspísta , nm Definitzione autista de ruspa.

ruspísu , nm Definitzione cosighedha de pagu contu / èssere a r. (nau de unu, de animale) = marriu, làngiu meda, a befa Frases cun berrisones, ruspisos e matas perdes tempus e pudas in debbadas ◊ ses su ruspisu de totugantos.

ruspíu , nm Definitzione genia de busciuchedha chi essit aintru de buca Sinònimos e contràrios bucamala 1 Terminologia iscientìfica mld Tradutziones Frantzesu aphte Ingresu aphta Ispagnolu afta Italianu afta Tedescu Aphte.

rúspiu, rúspu rúspia

rúspu 1 , nm Definitzione s'arrana mudhitzosa Sinònimos e contràrios rana Frases boghes porosas e astudhidoras de corvos, ruspos e de tirrioncas (B.Truddaju) Terminologia iscientìfica anar, Bufo viridis, B. v. viridis Tradutziones Frantzesu crapaud Ingresu toad Ispagnolu sapo Italianu ròspo Tedescu Kröte.

russàrgia, russàrza , nf Definitzione sa parte prus grussa, su pígiu de fora de su granu Sinònimos e contràrios bilinzone, chilinzone, frúfere, gràngia, linzone, mussu, podhi, talau Frases s'órgiu móliu dhu passànt in su sedatzu po ndi sceberari su scete dae su pódhini e de sa russàrgia Ètimu srd.

russària , nf: grussària* Definitzione su èssere grussu de is cosas, sa distàntzia de una parte a s'àtera Sinònimos e contràrios grussesa / ttrs. grussétzia | ctr. finària Frases za ndhe zughet de russària cussu truncu de chercu!… Tradutziones Frantzesu robustesse, force, vigueur Ingresu sturdiness Ispagnolu grosor Italianu robustézza Tedescu Stärke.

russàtzu , agt Definitzione nau de ccn., chi portat carena grussa, nau de cosa, chi est grussita, prus grussa de su chi serbit Sinònimos e contràrios aurratzu, bagarinu, introssiu, trunchedhinu / cdh. grossatzu | ctr. iltrízile, ispídine, schirriolu Ètimu srd. Tradutziones Frantzesu robuste Ingresu sturdy Ispagnolu robusto Italianu robusto Tedescu stark.

russèra , avb Definitzione essiresindhe a sa r. = a sa russa, chentza crabbu, chentza delicadesa Sinònimos e contràrios grussera*.

russéri , agt: grosseri Sinònimos e contràrios gavàciu, marranzone, spolitigau.

russèsa , nf Definitzione su èssere grussu de is cosas, sa distàntzia de una parte a s'àtera de una matessi cosa (es., paperi, muru) Sinònimos e contràrios grussesa*, maciochesa, russària | ctr. finària Tradutziones Frantzesu grosseur, épaisseur Ingresu largeness Ispagnolu grosor Italianu grossézza Tedescu Größe.

russèta, russète, russètu , nf, nm Definitzione pobedha ortziada, maladia apicigosa chi benit prus che àteru a is piciochedhos e faet a callentura e a essiduras orrúbias in cara e in totu sa carena Sinònimos e contràrios arrosa 1, elmizolu, òrcia, orrosedhu, rugiore, rusete Terminologia iscientìfica mld Ètimu itl. rossetto Tradutziones Frantzesu rougeole Ingresu measles Ispagnolu sarampión Italianu morbillo Tedescu Masern.

russítu , agt Definitzione chi est unu pagu grussu Sinònimos e contràrios russonzu | ctr. finonzu.

russónzu , agt Sinònimos e contràrios russitu Ètimu srd.

rússu , agt, nm Definitzione chi tenet grussària meda, sa parte grussa de una cosa Sinònimos e contràrios fungudu, grossu* | ctr. fine Maneras de nàrrere csn: ira russa, dannu russu = dannu mannu, cosa meda; terra russa = funguda, chi est terra chentza pedra fintzas a fundhu meda; mare russu = ue s'abba est arta meda, atesu de sa costera; ómine fatu in russu = de carena russatza; ómine fatu a sa russa (ma fintzas "in russu")= de cumportamentu pagu atentu o pagu díligu, pagu grabbosu; bèndhere a sa russa = in grussu, in cantidadi manna; bessiresindhe a sa russa (dae carchi chistione)= chentza fàghere bene sa cosa o sos contos; faedhare a sa russa = chentza delicadesa, cun pagu educassione, chentza pretzisione Frases su cartone est prus russu de su pabilu de iscríere ◊ su filu russu est forte, ma no est bonu a fàghere triballu in fine 2. in cussos paris bi at terra russa ◊ est torradu a note russa ◊ bi depet àere sutzessu ira russa, totu custas boghes! ◊ mineto dannu russu ◊ a bortas, navighendhe in mare russu, bido chi sentza remos as sa barca… (Cubeddu) 3. tue ti ndh'essis a sa russa, ca no ti ndhe importat nudha ◊ in medas cosas mi ndh'esso a sa russa: cumpàtimi, so unu molente! ◊ maleducau, tuponadi, ca si no foedhas a sa russa tue no ses cuntentu! Sambenados e Provèrbios smb: Russu Tradutziones Frantzesu épais, robuste Ingresu thick Ispagnolu espeso, macizo, grueso Italianu spésso, robusto Tedescu robust.

rússu 1 , agt, nm Definitzione chi pertocat sa Rússia, chi o chie est de sa Rússia Tradutziones Frantzesu russe Ingresu russian Ispagnolu ruso Italianu russo Tedescu russisch, Russe.

russúra , nf Definitzione su èssere grussu, su tretu inter duas afaciadas de una matessi cosa a pígiu Sinònimos e contràrios grussesa, maciochesa, russària | ctr. finària Frases illadiendhe a cannone minnanna fit mastra: sos panes lados tundhos li essiant pretzisos e de sa matessi russura Ètimu srd. Tradutziones Frantzesu épaisseur Ingresu thickness Ispagnolu espesor, grosor Italianu spessézza Tedescu Dicke.