Legenda Incurtzaduras | Legenda Sìmbulos

aurràtzu , agt Definitzione nau de unu, chi giughet carena grussatza, bàscia e grassa puru Sinònimos e contràrios bagarinu, burràsciu, imbudigurtzu, introssiu | ctr. finigosu, iltrízile, ispídine, stinghiritzu Terminologia iscientìfica zcrn Tradutziones Frantzesu trapu Ingresu stocky Ispagnolu macizo, rechoncho Italianu tarchiato Tedescu untersetzt.

imbudigúrtzu , agt Definitzione nau de ccn., chi de carena est curtzu meda de su chintzu a su tzugu Sinònimos e contràrios aurratzu, bagarinu, introssiu, trumpudhu, trunchedhinu, trunconàciu | ctr. altu, finigosu Frases perunu bestire l'istat bene ca est imbudigurtza Terminologia iscientìfica zcrn Ètimu srd. Tradutziones Frantzesu trapu Ingresu stocky Ispagnolu macizo, achaparrado Italianu tòzzo, tarchiato Tedescu untersetzt.

rússu , agt, nm Definitzione chi tenet grussària meda, sa parte grussa de una cosa Sinònimos e contràrios fungudu, grossu* | ctr. fine Maneras de nàrrere csn: ira russa, dannu russu = dannu mannu, cosa meda; terra russa = funguda, chi est terra chentza pedra fintzas a fundhu meda; mare russu = ue s'abba est arta meda, atesu de sa costera; ómine fatu in russu = de carena russatza; ómine fatu a sa russa (ma fintzas "in russu")= de cumportamentu pagu atentu o pagu díligu, pagu grabbosu; bèndhere a sa russa = in grussu, in cantidadi manna; bessiresindhe a sa russa (dae carchi chistione)= chentza fàghere bene sa cosa o sos contos; faedhare a sa russa = chentza delicadesa, cun pagu educassione, chentza pretzisione Frases su cartone est prus russu de su pabilu de iscríere ◊ su filu russu est forte, ma no est bonu a fàghere triballu in fine 2. in cussos paris bi at terra russa ◊ est torradu a note russa ◊ bi depet àere sutzessu ira russa, totu custas boghes! ◊ mineto dannu russu ◊ a bortas, navighendhe in mare russu, bido chi sentza remos as sa barca… (Cubeddu) 3. tue ti ndh'essis a sa russa, ca no ti ndhe importat nudha ◊ in medas cosas mi ndh'esso a sa russa: cumpàtimi, so unu molente! ◊ maleducau, tuponadi, ca si no foedhas a sa russa tue no ses cuntentu! Sambenados e Provèrbios smb: Russu Tradutziones Frantzesu épais, robuste Ingresu thick Ispagnolu espeso, macizo, grueso Italianu spésso, robusto Tedescu robust.

«« Torra a chircare