A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

destróssu destròssa

déstru darétu

destrúi , vrb: destrúiri, distrúere Definitzione bogare de pare, isconciare, fàere una cosa de no ndhe pòdere bàlere prus, fàere dannu isperdendho o perdimentandho totu: si narat prus che àteru de css. fata chi benit isconciada o ispérdia; in física, tenet su sensu de fàere iscumpàrrere sa cosa de no si agatare prus in logu perunu e in nudha, cosa chi mai podet èssere ca in natura nudha si distruet ma solu totu si mudat, càmbiat bisura Sinònimos e contràrios destruire, idarrocai, ifàghere, isciusciai, isconciare, istrúere, torrocai Frases che fut sa pesta de is conillos chi distruiat totu su laore ◊ chi tenis idea de distrui aderetzadiri o ti aderetzu! ◊ si gosi distruimus s'ambiente sa salude ndhe perdet cadiune! (T.Pinna)◊ unu fogu lu distruat!◊ cust'undha at covacadu totu, distruendhe cantu sas tziviltades aiant produidu ◊ si mi abbandhonas tue mi distruo, mi fracasso! Ètimu spn. Tradutziones Frantzesu détruire Ingresu to destroy Ispagnolu destruir Italianu distrúggere Tedescu zerstören, vernichten.

destruidòre, destruidòri , agt: distruidore Definitzione chi distruet sa cosa, su logu, sa gente, chi faet dannu meda Sinònimos e contràrios arruinadore, bistrasceri, ghetadommos, isfaghidore Frases in mesu a sas proas terrorosas de una realtade distruidora, semus istados chentza dannu pro gràscia tua! ◊ fogu, ódiu istruidore ◊ no fit unu pisedhu istruidore de nidos, ma los chilcaiat pro los abbaidare ebbia Tradutziones Frantzesu destructeur, exterminateur, dévorant Ingresu destroyer, destroying, destructive, devouring Ispagnolu destruidor, destructor Italianu distruttóre, sterminatóre, divoratóre Tedescu zerstörend, Zerstörer.

destruídu , pps, agt: destruiu Definitzione de destruire; chi est isfatu, totu bogau de pare, isconciau, guastau, chi no ndhe balet prus Sinònimos e contràrios dilabadu, distrutu, irfatu, sciusciau, sderrutu Tradutziones Frantzesu détruit Ingresu destroyed Ispagnolu destruido Italianu distrutto Tedescu zerstört.

destruíre, destruíri , vrb: diltruire, distruire, distruiri Definitzione guastare, isconciare, fàere una cosa de no ndhe pòdere bàlere prus, fàere dannu isperdendho totu Sinònimos e contràrios destrui*, idarrocai, ifàghere, isciusciai, isconciare, istrúere, torrocai | ctr. fàchere Frases fachent isfortzos pro la distruire ◊ Deus fatzat mossa po ti distruiri: no ses cosa de biri ne biu ne mortu! Tradutziones Frantzesu détruire Ingresu to destroy Ispagnolu destruir Italianu distrùggere Tedescu zerstören, vernichten.

destrúiri destrúi

destruíu destruídu

destrussiòne, destrutziòne, destrutziòni , nf: distruiscione, distrussione, distrutzione, distrutzioni Definitzione su distrúere totu; s’arresurtau de su distrúere Sinònimos e contràrios assàssinu, degógliu, isperdíciu, istralia, istruénscia, istruiscione, sagrastu, sciàsciu, sciúsciu Ètimu itl. distruzione.

désu , nm Definitzione terrenu o logu a cara a sole e a bàrigu a bentu (in aprigu) Sinònimos e contràrios solianu.

desucúnas , avb: desuncuna, desuncunas Definitzione de un'improntu, de irbotu, de botu, de repenti, a s'ispessada Sinònimos e contràrios desupetoni, induninduna, totinduna Frases bella madixedha, ti poniast in is pértias de sermentu e desuncuna ti fuias ◊ sa morti est arribbada desuncuna ◊ si ndi fiat istrantaxau desuncuna coment'e una molla ◊ si fiat firmau de suncuna totu ispantau e iat fatu cuatru passus a coa ◊ sa tristesa de sucunas ndi dhi fuat torrada a apillai in sa faci Tradutziones Frantzesu soudainement Ingresu suddenly Ispagnolu de repente, de pronto Italianu improvvisaménte Tedescu plötzlich.

desufiàre , vrb Definitzione isunfiare Frases so in megus chilchendhe de m'istrejare desufiendhe sas benas pro no isfoltzare donzi arrejonu.

desumàre , vrb: addesumare* Definitzione ispartzire in partes oguales una cosa, pruschetotu s'interessu Sinònimos e contràrios cumpaltire, ispartzire, paltire Frases cada tantu mi mutiat pro mi nàrrere chi in cussa e in calecun'àtera, desumendhe, ndhe aio postu paca de sida.

desuncúna, desuncúnas desucúnas

desupetòni , avb Definitzione de un'improntu, de irbotu, de botu, de repenti, a s'ispessada, a s'ingrundha Sinònimos e contràrios desucunas, induninduna, totinduna Frases lompit s'ómini desupetoni a sa becesa Ètimu spn. de sopetón.

desvàlidu , agt Definitzione chi est isentu, chi no ndhe balet ca at tentu dannu, tenet male a sa carena de no pòdere Sinònimos e contràrios irvàlitu | ctr. àbbile 1 Ètimu spn. desvalido.

desvanèssiri , vrb Definitzione iscumpàrrere in su nudha, de no si agatare e ne bíere in logu perunu Sinònimos e contràrios ilvanessire, isvanèssere Ètimu spn. Tradutziones Frantzesu disparaître Ingresu to vanish Ispagnolu desaparecer, desvanecer Italianu svanire Tedescu verschwinden, verfliegen.

desvànu , nm Definitzione su logu chi abbarrat, in sa domo, asuta de sa teulada in mesu cun s'úrtima bòveda o s'úrtimu intaulau, inue si chistit cosa o, si est mannu, faet fintzes a dhue istare Sinònimos e contràrios isoltre, pitzigedhu, salàgiu Terminologia iscientìfica dmo Ètimu spn. desván.

desvélu , nm: disvelu Definitzione su istare ischidaos po castiare calecuna cosa o a ccn. Sinònimos e contràrios bigiadórgiu, billamentu, billóngiu, bizadura Ètimu spn. desvelo.

desviài , vrb Definitzione su che essire de camminu cunsiderau coment’e ibbàlliu o curpa; fintzes su si pigare is divertimentos Sinònimos e contràrios deragliare, irvertzare, iscansae, stressiai / desogai | ctr. incarrebai Ètimu ctl., spn. Tradutziones Frantzesu tourner, dérailler, détourner Ingresu to swerve Ispagnolu desviar Italianu deviare Tedescu abweichen.