desucúnas , avb: desuncuna, desuncunas Definitzione de un'improntu, de irbotu, de botu, de repenti, a s'ispessada Sinònimos e contràrios desupetoni, induninduna, totinduna Frases bella madixedha, ti poniast in is pértias de sermentu e desuncuna ti fuias ◊ sa morti est arribbada desuncuna ◊ si ndi fiat istrantaxau desuncuna coment'e una molla ◊ si fiat firmau de suncuna totu ispantau e iat fatu cuatru passus a coa ◊ sa tristesa de sucunas ndi dhi fuat torrada a apillai in sa faci Tradutziones Frantzesu soudainement Ingresu suddenly Ispagnolu de repente, de pronto Italianu improvvisaménte Tedescu plötzlich.

impróntu , avb Definitzione de un'i. = induninduna, a s'ingrundha Sinònimos e contràrios aprontu 1, improntuitu, induninduna, totinduna Frases faghet otavas de improntu ◊ a s'improntu est rutu mortu ca l'ant isparadu! ◊ sas féminas, de un'improntu, si ponent a irgrighillare che disatinadas Tradutziones Frantzesu soudainement Ingresu suddenly Ispagnolu de repente Italianu improvvisaménte Tedescu plötzlich.

indunindúna, indunindúnu , avb Definitzione totu a unu cropu e fintzes chentza si dh'ibertare, a s'ingrundha, de repente Sinònimos e contràrios desucunas, innuna, totinduna Frases issu fit giambendhe: mi ndhe abbizaia dae su mudímine chi li beniat induninduna, de calchi momentu de isvàriu o de una foscigada de mutzighile Ètimu srd. Tradutziones Frantzesu soudainement Ingresu suddenly Ispagnolu de repente Italianu improvvisaménte Tedescu plötzlich.

totindúna, totindúnu , avb: totuinunu Definitzione de un'improntu, a s'ingrundha, de repente Sinònimos e contràrios desucunas, induninduna Frases pagu s'ora sos campos fint che mare acuiladu, ma totinduna si at pesadu bentu ◊ est una cosa chi ti benit chene mancu ti ne abbitzare, totindunu ◊ totinduna chi est andhendhe, custa màchina, si frimmat e no andhat prus ◊ totindunu chi est arriendi dhu bis prangendi! ◊ totindunu sa pitzinna l'at preguntadu: Tue a mi crees? Tradutziones Frantzesu soudainement Ingresu suddenly Ispagnolu de repente Italianu improvvisaménte Tedescu plötzlich.

«« Torra a chircare