A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

destróssu destròssa

déstru darétu

destrúi , vrb: destrúiri, distrúere Definition bogare de pare, isconciare, fàere una cosa de no ndhe pòdere bàlere prus, fàere dannu isperdendho o perdimentandho totu: si narat prus che àteru de css. fata chi benit isconciada o ispérdia; in física, tenet su sensu de fàere iscumpàrrere sa cosa de no si agatare prus in logu perunu e in nudha, cosa chi mai podet èssere ca in natura nudha si distruet ma solu totu si mudat, càmbiat bisura Synonyms e antonyms destruire, idarrocai, ifàghere, isciusciai, isconciare, istrúere, torrocai Sentences che fut sa pesta de is conillos chi distruiat totu su laore ◊ chi tenis idea de distrui aderetzadiri o ti aderetzu! ◊ si gosi distruimus s'ambiente sa salude ndhe perdet cadiune! (T.Pinna)◊ unu fogu lu distruat!◊ cust'undha at covacadu totu, distruendhe cantu sas tziviltades aiant produidu ◊ si mi abbandhonas tue mi distruo, mi fracasso! Etymon spn. Translations French détruire English to destroy Spanish destruir Italian distrúggere German zerstören, vernichten.

destruidòre, destruidòri , agt: distruidore Definition chi distruet sa cosa, su logu, sa gente, chi faet dannu meda Synonyms e antonyms arruinadore, bistrasceri, ghetadommos, isfaghidore Sentences in mesu a sas proas terrorosas de una realtade distruidora, semus istados chentza dannu pro gràscia tua! ◊ fogu, ódiu istruidore ◊ no fit unu pisedhu istruidore de nidos, ma los chilcaiat pro los abbaidare ebbia Translations French destructeur, exterminateur, dévorant English destroyer, destroying, destructive, devouring Spanish destruidor, destructor Italian distruttóre, sterminatóre, divoratóre German zerstörend, Zerstörer.

destruídu , pps, agt: destruiu Definition de destruire; chi est isfatu, totu bogau de pare, isconciau, guastau, chi no ndhe balet prus Synonyms e antonyms dilabadu, distrutu, irfatu, sciusciau, sderrutu Translations French détruit English destroyed Spanish destruido Italian distrutto German zerstört.

destruíre, destruíri , vrb: diltruire, distruire, distruiri Definition guastare, isconciare, fàere una cosa de no ndhe pòdere bàlere prus, fàere dannu isperdendho totu Synonyms e antonyms destrui*, idarrocai, ifàghere, isciusciai, isconciare, istrúere, torrocai | ctr. fàchere Sentences fachent isfortzos pro la distruire ◊ Deus fatzat mossa po ti distruiri: no ses cosa de biri ne biu ne mortu! Translations French détruire English to destroy Spanish destruir Italian distrùggere German zerstören, vernichten.

destrúiri destrúi

destruíu destruídu

destrussiòne, destrutziòne, destrutziòni , nf: distruiscione, distrussione, distrutzione, distrutzioni Definition su distrúere totu; s’arresurtau de su distrúere Synonyms e antonyms assàssinu, degógliu, isperdíciu, istralia, istruénscia, istruiscione, sagrastu, sciàsciu, sciúsciu Etymon itl. distruzione.

désu , nm Definition terrenu o logu a cara a sole e a bàrigu a bentu (in aprigu) Synonyms e antonyms solianu.

desucúnas , avb: desuncuna, desuncunas Definition de un'improntu, de irbotu, de botu, de repenti, a s'ispessada Synonyms e antonyms desupetoni, induninduna, totinduna Sentences bella madixedha, ti poniast in is pértias de sermentu e desuncuna ti fuias ◊ sa morti est arribbada desuncuna ◊ si ndi fiat istrantaxau desuncuna coment'e una molla ◊ si fiat firmau de suncuna totu ispantau e iat fatu cuatru passus a coa ◊ sa tristesa de sucunas ndi dhi fuat torrada a apillai in sa faci Translations French soudainement English suddenly Spanish de repente, de pronto Italian improvvisaménte German plötzlich.

desufiàre , vrb Definition isunfiare Sentences so in megus chilchendhe de m'istrejare desufiendhe sas benas pro no isfoltzare donzi arrejonu.

desumàre , vrb: addesumare* Definition ispartzire in partes oguales una cosa, pruschetotu s'interessu Synonyms e antonyms cumpaltire, ispartzire, paltire Sentences cada tantu mi mutiat pro mi nàrrere chi in cussa e in calecun'àtera, desumendhe, ndhe aio postu paca de sida.

desuncúna, desuncúnas desucúnas

desupetòni , avb Definition de un'improntu, de irbotu, de botu, de repenti, a s'ispessada, a s'ingrundha Synonyms e antonyms desucunas, induninduna, totinduna Sentences lompit s'ómini desupetoni a sa becesa Etymon spn. de sopetón.

desvàlidu , agt Definition chi est isentu, chi no ndhe balet ca at tentu dannu, tenet male a sa carena de no pòdere Synonyms e antonyms irvàlitu | ctr. àbbile 1 Etymon spn. desvalido.

desvanèssiri , vrb Definition iscumpàrrere in su nudha, de no si agatare e ne bíere in logu perunu Synonyms e antonyms ilvanessire, isvanèssere Etymon spn. Translations French disparaître English to vanish Spanish desaparecer, desvanecer Italian svanire German verschwinden, verfliegen.

desvànu , nm Definition su logu chi abbarrat, in sa domo, asuta de sa teulada in mesu cun s'úrtima bòveda o s'úrtimu intaulau, inue si chistit cosa o, si est mannu, faet fintzes a dhue istare Synonyms e antonyms isoltre, pitzigedhu, salàgiu Scientific Terminology dmo Etymon spn. desván.

desvélu , nm: disvelu Definition su istare ischidaos po castiare calecuna cosa o a ccn. Synonyms e antonyms bigiadórgiu, billamentu, billóngiu, bizadura Etymon spn. desvelo.

desviài , vrb Definition su che essire de camminu cunsiderau coment’e ibbàlliu o curpa; fintzes su si pigare is divertimentos Synonyms e antonyms deragliare, irvertzare, iscansae, stressiai / desogai | ctr. incarrebai Etymon ctl., spn. Translations French tourner, dérailler, détourner English to swerve Spanish desviar Italian deviare German abweichen.