A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

astratziòni , nf Definitzione un'idea chi si formaus cun sa mente apustis de àere bistu cosas e fatos diferentes chi tenent unu matessi significau Tradutziones Frantzesu abstraction Ingresu abstraction Ispagnolu abstracción Italianu astrazióne Tedescu Abstraktion.

astràu 1 astràdu

astràu 2 , agt Definitzione arriscau currendho, chi curret tropu, chi tenet unu fàere deasi comente dhi benit a conca, comente dhi meledat, chentza cunsideru Sinònimos e contràrios atreviu, berrinosu, bizarrosu, brenniosu, pruaxu Ètimu srd.

astràu, àstrau àstragu

astraúra , nf Definitzione fritu a meda e a tempus longu Sinònimos e contràrios arragore, astra, astragore, bedhia, celexia | ctr. caentu Ètimu srd. Tradutziones Frantzesu gel persistant Ingresu persistent cold Ispagnolu frío intenso y durable Italianu gèlo insistènte Tedescu Frost.

astrebozàe , vrb rfl Definitzione istare frimmu.

astriàda , nf Definitzione trementa, tremedhera de su fritu Sinònimos e contràrios erpiliu, istriore, tidilia, titifrius 2. sento un'astriada de fritu: est iscuru e de totu cussa zente no ndhe connosco mancunu! Ètimu srd. Tradutziones Frantzesu frisson Ingresu shiver Ispagnolu escalofrío Italianu brìvido Tedescu Schauder.

astriàdu , pps, agt Definitzione de astriare 2. su cane de su padronu, abbudegadu, bidu su cane meu, si pesaiat reu totu pili astriadu! (G.A.Cossu)

astriadúra , nf Definitzione su astriare Sinònimos e contràrios astriamentu Ètimu srd.

astriaméntu , nm Sinònimos e contràrios astriadura Ètimu srd.

astriàre , vrb Definitzione sentire istriore, de su fritu o de sa timoria Sinònimos e contràrios arpilare / acicai, apramare, arrorisai, asciuconare, asciustrare, istriai Frases ite frita s'aera: oe est astriendhe! ◊ titia, inoghe mi àstriat sas intragnas che chi siat su logu cobertu de nie! ◊ si mi sunt astriadas sas palas 2. in s'istante s'intendhet unu tronu tzachedhosu chi l'at totu astriada (N.Cucureddu)◊ li at astriadu dogni tudhu de pilu ◊ in cussu líbbaru bi at una torrada chi batit sa tudha e àstriat sa cara pro sas cosas chi contat Ètimu srd. Tradutziones Frantzesu frémir d'horreur Ingresu to be horrified Ispagnolu quedarse helado Italianu agghiacciare, raccapricciare Tedescu erstarren.

astríle astíle

astrínghere , vrb Definitzione acapiandho o aguantandho, tirare forte is càbudos o mantènnere istrintu, chi no fatzat giogu, no movat; acostire, bènnere o pònnere prus acanta, in istrintu; foedhandho de cosas de papare, isserrare de su corpus Sinònimos e contràrios afianzare, afíere, isserrare, istrígnere / acoltziare | ctr. illalgare, illascare Frases astringhe a forte su presorzu ca sinono si che torrat a isòrbere! 2. no astringhides a bos combidare? ◊ no astringas a inoghe ca no cherzo! ◊ su babbu si astringhet e li dat dinari ◊ mastru Conzu est astrintu a sa buteca de Pascualinu ◊ no ti astringas a mie! 3. de morisca, de superba, o cosas gai, no ndhe cheret manigadu meda ca astringhent Ètimu ltn. astringere Tradutziones Frantzesu serrer, s'approcher (de) Ingresu to grip, to draw up Ispagnolu estrechar, acercar Italianu strìngere, avvicinare Tedescu zuschnüren, aneinander rücken.

astrínghidu , pps Definitzione de astrínghere Sinònimos e contràrios astrintu.

astringhíngiu , nm Definitzione su astrínghere, su afíere Frases sas ancas mi doliant pro s'astringhíngiu a su múciu de s'àrvore prenu de milli atzas.

astrínta , nf Definitzione su astrínghere; dificurtade manna Sinònimos e contràrios afissa, istrinta, supressura / astrintógliu, strintu / apretu Maneras de nàrrere csn: dare un'a. = dare un'afissa; bíderesi un'a. = agatàresi in apretu 2. arratza de astrinta, sa chi si at bidu!… Ètimu srd. Tradutziones Frantzesu étreinte Ingresu grip Ispagnolu apretón, aprieto Italianu strétta Tedescu Druck.

astrintèsa , nf Definitzione su èssere pagu largu, istrintu, nau de sa cosa, de su logu Sinònimos e contràrios strintura Ètimu srd.

astrintichedhàu , agt Sinònimos e contràrios astrintu / cagiau Ètimu srd.

astríntinu , agt Definitzione astrintonzu, chi est unu pagu istrintu Sinònimos e contràrios sucicu | ctr. larghixi Ètimu srd.

astrintógliu , nm: astrintorju, astrintorzu Definitzione passadórgiu istrintu, logu po passare bistu in su tretu prus pagu largu Sinònimos e contràrios istrintógliu, strintura Frases chene nos ischervicare nche colaimus in gurutinos e astrintòglios Ètimu srd. Tradutziones Frantzesu chaussée rétrécie Ingresu bottleneck, path Ispagnolu estrechamiento Italianu strettóia, vïòttolo Tedescu Engpass.