A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

astorédhu , nm Definitzione min. de astore; astoritu feridore Terminologia iscientìfica pzn.

astoremarínu , nm Definitzione stori de pisci, de sa púliga, genia de pigione papadore de petza chi faet abbitu in logos de istagnu Terminologia iscientìfica pzn, circus aeruginosus Tradutziones Frantzesu faucon de marais Ingresu duck-hawk Ispagnolu arpella, borní Italianu falco di palude Tedescu Rohrweihe.

astòri astòre

astorínu , agt Definitzione de astore, chi pertocat is istores Ètimu srd.

astorítu , nm: istoritu, storitu Definitzione min. de astore: duas arratzas diferentes de pigiones petzàrgios, ambas in passera in Sardigna, una in beranu (vespertinus), iscuriosu in pitzu, orrúbiu in petorras, in cambas e peis, s'àtera in atóngiu (columbarius) iscuriosu in pitzu ma prus craru asuta Sinònimos e contràrios vedidore Terminologia iscientìfica pzn, falco vespertinus, f. columbarius aesalon Tradutziones Frantzesu faucon kobez Ingresu red-footed falcon Ispagnolu cernícalo patirrojo Italianu falco smerìglio, falco cùculo Tedescu Rotfußfalke.

astorolía , nf: asturolia, atiloria, atoloria, atularia, aturolia, aturulia Definitzione genia de pigione mannu papadore de petza Sinònimos e contràrios ciciulia, cirolia, tziodhia, tzurudhia Frases falat calchi atoloria, o calchi tilibriu, dae su chelu ◊ in cuss'iscuru, a su túnciu de sa tzonca, o a sos tichírrios de s'atularia, mi pesaiant sos pilos in conca (S.Baldino) Terminologia iscientìfica pzn, milvus milvus Ètimu srd. Tradutziones Frantzesu milan Ingresu kite Ispagnolu milano Italianu nìbbio reale Tedescu Gabelweihe.

àstra , nf Definitzione abba cagiada de su fritu meda, fritu etotu candho est astrandho, fintzes bentu astrau / est a. mala = dí lègia, tempus malu Sinònimos e contràrios arragore, àstragu, bedhia, belu, celexia, ghiàciu, marcóriu Frases sa luna frita est incoronada de nues de astra chi brúsiat s'erva Ètimu ltn. astra Tradutziones Frantzesu gel Ingresu ice Ispagnolu hielo Italianu ghiàccio Tedescu Eis.

astràdu , pps, agt: astragau, astrau 1 Definitzione de astrare; chi est fridu meda Sinònimos e contràrios agghidhighiatu, arragorau, astroradu, bidhiarzu, merrulau | ctr. caente Frases istanote s'aera fit neta e at astradu su logu 2. ohi pitzinna astrada, ahi malassortada! ◊ totu su logu astradu est, custu manzanu: pagu su fritu chi at fatu istanote!…◊ non dia cherrer bívere tra coros mudos astraos che màrmuru Tradutziones Frantzesu gelé, glacé Ingresu frozen Ispagnolu helado, gélido Italianu ghiacciato, gèlido Tedescu gefroren, eiskalt.

astràdu 1 , agt Definitzione chi dh'ant marcau o singialau is astros, s'ostinu Sinònimos e contràrios imprenetau, ustinadu Frases míseru cudhu chi est nàschidu astradu: de sicuru li picat s'atzidente Ètimu srd. Tradutziones Frantzesu destiné, prédestiné Ingresu destined Ispagnolu predestinado Italianu destinato, predestinato Tedescu bestimmt, voherbestimmt.

astragàre , vrb: astrare Definitzione fàere a astrau, a ghiàciu, ifridare meda Sinònimos e contràrios achirdinae, agiatzare, ammarmurai, astraorare, belare, cancarai, chilighiai, cungelai, ghiaciai, istriorai, marcoriare, marmurizai | ctr. caentare, isastragare, iscagiae Frases est una note de traconarza chi astrat sas funtanas e assutat sa terra (L.Pusceddu) Terminologia iscientìfica tpm Ètimu srd. Tradutziones Frantzesu geler Ingresu to freeze Ispagnolu helar Italianu gelare, ghiacciare, raggelare Tedescu gefrieren.

astragàu astràdu

astraghèra , nf Definitzione su fàere astrau, fritu meda, temporada de fritu forte Sinònimos e contràrios arragore, astragore, àstragu, astraura, belu Ètimu srd.

astragòre , nm: astraore Definitzione fritu forte meda, fintzes s’abba cagiada de su fritu / candhelobbru de astraore = candheloto, astrau Sinònimos e contràrios arragore, astraghera, àstragu, astraura, astrore, belu / cdh. strimentu Frases est falendhe s'astraore, custas notes ◊ zuchet sos pilos tèteros che brocu dae s'astragore ◊ cun s'astrore bi at perígulu de illiscigare ◊ su picapedreri in s'ierru fit sempre fresadu de s'astraore Sambenados e Provèrbios prb: astrores e traschias, annúntziu de maladias Terminologia iscientìfica tpm Ètimu srd. Tradutziones Frantzesu gel persistant Ingresu persistent cold Ispagnolu frío intenso Italianu gèlo insistènte Tedescu Frost.

àstragu , nm: astrau, àstrau Definitzione àcua cagiada de su fritu forte Sinònimos e contràrios arragore, astra, astragore, astraura, bedhia, belu, bistradu, celexia, marcóriu, scitore Frases a bandha de foras bi aiat carchi tupichedha de frores brusiada de s'àstragu ◊ titia, caèntadi chi pares unu cantu de astrau! Ètimu ltn. astratum Tradutziones Frantzesu glace, gel Ingresu ice, cold Ispagnolu hielo Italianu ghiàccio, gèlo Tedescu Eis, Frost.

astràli , agt Definitzione de is astros Tradutziones Frantzesu astral Ingresu astral Ispagnolu astral Italianu astrale Tedescu astral.

astraoràre , vrb: astrorare Definitzione fàere astraore, fàere fritu meda, fritu forte de cagiare totu Sinònimos e contràrios agiatzare, ammarmurai, astragare, chilighiai, ghiaciai Terminologia iscientìfica tpm Ètimu srd. Tradutziones Frantzesu geler Ingresu to ice Ispagnolu helar Italianu ghiacciare, gelare Tedescu gefrieren.

astraòre astragòre

astraósu , agt Definitzione chi astrat Sinònimos e contràrios frígidu, astradu | ctr. caentosu Frases tirat bentu astraosu chi intrat che lantzas ◊ in manzanos astraosos rechedit unu cichete! Ètimu srd.

astràre astragàre

astràtu , agt Definitzione chi no faet a dhu bíere e ne tocare, chi no si ndhe bodhit cun mancunu de is chimbe sentidos, ma chi si podet cumprèndhere cun sa mente Tradutziones Frantzesu abstrait Ingresu abstract Ispagnolu abstracto Italianu astratto Tedescu abstrakt.