A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

astulósu, astuósu , agt Definitzione chi che andhat o essit a àstulas; in cobertantza nau de ccn., chi si tzacat, chi si dha leat o arrennegat po dónnia cosa Sinònimos e contràrios gliescosu / airósigu, arrennegaditu, inchietosu Ètimu srd. Tradutziones Frantzesu qui éclate facilement Ingresu splinterful Ispagnolu astilloso Italianu scheggióso Tedescu splitterig.

asturdíre , vrb Sinònimos e contràrios atolondrai, atordire*, atronai, ispantare, istronae, scilibriri.

asturolía astorolía

astússia astrúscia

astutèsa astrutèsa

astútzia astrúscia

astúza , nf Definitzione ascruza, bículu de linna Sinònimos e contràrios alciuza, àstua.

asúa, asúba assúa

asubài , vrb Definitzione pònnere asuba, in pitzu, pònnere subràbare, a muntone, arrimare a una parte Sinònimos e contràrios imbarrigare, incarrutzai / aremai 1 / ammuntonae Frases si fut postu a fraigai una domu e iat fatu is fundatzionis asubendidhas a sa roca ◊ unus cantu iant betiu is piciochedhus insoru e dh'iant domandau de dhis asubai is manus (Ev)◊ est dormiu cun sa conca asubada a unu cuscinu ◊ su segretàriu at abertu su registru e si dhui est asubau cun is manus 2. asubau su bestimentu a una parti e pigau unu pannu, si dh'iat trogau a sintzu Ètimu srd. Tradutziones Frantzesu appuyer sur… Ingresu to put on Ispagnolu apoyar sobre Italianu poggiare sópra Tedescu stellen.

asubàsta , nf: subasta Definitzione genia de cómporu o de bendhisione a baratu meda Frases su chi tengu mi dh'apu trabballau, no dh'apu fatu a s'asubasta! Tradutziones Frantzesu encan (à l'), enchères (aux e.) Ingresu auction Ispagnolu subasta Italianu incanto, asta Tedescu Versteigerung.

asúbra assúa

asulàssu, asulàtzu , agt Definitzione chi est unu pagu asulu, druchesau Sinònimos e contràrios asullastu, biaitognu Frases in s'iscàtula de su cosíngiu tenia unu lúmburu de cotoni asulatzu Terminologia iscientìfica clr Ètimu srd. Tradutziones Frantzesu bleuâtre Ingresu bluish Ispagnolu azulado Italianu azzurrógnolo Tedescu bläulich.

asulàu , agt Sinònimos e contràrios biaitu, lidu.

asulédhu , agt Sinònimos e contràrios asuleta, biaitinu, índagu.

asulèta , nf, nm: asuletu Definitzione colore prus cotu de su colore de aera; pruine po giare su coloredhu a is trastos samunaos; una genia de erba bona a tínghere in colore de aera Sinònimos e contràrios asuledhu, biaitinu, índagu Frases bendhiat de totu, in cussa buteghedha: púncias, tzafaranu e asuletu Terminologia iscientìfica clr, rba, Indigofera suffruticosa Ètimu spn. azulete Tradutziones Frantzesu bleu turquin Ingresu deep blue Ispagnolu celeste Italianu turchino Tedescu Tiefblau.

asuletài, asuletàre , vrb Definitzione tínghere de asuletu Frases asuletat s'arrobba límpia e dh'ispraxit po asciutai Ètimu srd.

asuletàu , pps, agt Definitzione de asuletai; de colore asuletu.

asulètu asulèta

asulínu , agt Definitzione chi est in colore de aera Sinònimos e contràrios asuleta, biaitinu Ètimu srd.

asullài , vrb Definitzione fàere biaitu, druchesau Ètimu srd.