A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dossíle, dossíli , nm Definitzione totu su corpus, ma mescamente sa parte de su bustu, de chintzu in pitzu Sinònimos e contràrios carena, dóssina, dossu Frases cussas torrànt a postu is artus de su dossili nostu.

dóssina , nf Sinònimos e contràrios carena, dossu.

dóssiu , pps Definitzione de dòlere Sinònimos e contràrios dólidu, dófidu, dórtziu, incréschidu Frases unu mi at astrintu sa manu e mi est dóssia! (G.Chironi)

dóssu , nm Definitzione totu su corpus, ma mescamente sa parte de sa carena foras is cambas e bratzos / min. dossighedhu Sinònimos e contràrios carena, dossili / corporzale Frases mi dolet totu su dossu ◊ m'intendho su fritu in dossu ◊ cossos e bunnedhas de furesi nos faghiant su dossu a faighedhas ◊ sos pinzos pariat chi che li fint naschios in dossu ◊ e chie bondhe tostat dai sos pecados chi azis in su dossu?! ◊ cussu càntigu nos poniat sa tudha in dossu 2. cudhu zòvanu fit chena camisa, a dossu nudu, betèndhesi abba a cara Ètimu itl. dorso Tradutziones Frantzesu torse Ingresu physique, trunk Ispagnolu complexión, tronco Italianu corporatura, trónco del còrpo umano Tedescu Körperbau, Rumpf.

dotài, dotàre , vrb Definitzione giare sa doda, mescamente nau de calidades de sa persona; pigare, giare, lassare, pònnere cosas chi podent serbire Sinònimos e contràrios achipagiai, frunire Frases eis dotau tres giòvunas in istadu de poberesa 2. su Signori ti at dotau de sa prus rara bellesa Tradutziones Frantzesu doter Ingresu to provide Ispagnolu dotar Italianu dotare Tedescu begaben, versehen.

dotatziòne , nf Definitzione cosa giada, posta a dispositzione, provista.

dotoràdu , nm Definitzione títulu de istúdiu superiore, de unu chi at fatu s'universidade.

dotòre, dotòri datòri

dotrína , nf: drotina, dutrina, lotrina Definitzione prus che àteru, s'imparu de su catechísimu, totu su chi imparat sa Crésia de sa fide cristiana; totugantu su chi pertocat un'isciéntzia / tocai (sa campana) a d. = sonare avisendhe de andhare a sa dotrina Sinònimos e contràrios indrotina Frases duas iscatzuladas ti deviat zare, ca ses cumportandhedi male meda in sa dotrina! ◊ si no sa crésia, sa dotrina chini si dha imparat? ◊ nara, sa dotrina istudiandhedha ses? ◊ est tochendi a dotrina: andaus a crésia! Ètimu ltne. doctrina Tradutziones Frantzesu catéchisme, doctrine Ingresu doctrine Ispagnolu doctrina Italianu dottrina Tedescu Glaubenslehre, Lehre.

dotrinàlla , nf Definitzione cultura de pagu contu, chentza fundhamentu, ma cun calecuna pretesa.

dótu , agt Definitzione chi ischit meda ca at istudiau, ca est unu chi istúdiat Sinònimos e contràrios ischidu, istruidu 1 Tradutziones Frantzesu savant Ingresu learned Ispagnolu docto Italianu dòtto Tedescu gebildet.

dótu 1 , nm Definitzione manera de fàere, su fàere comente si costumat Sinònimos e contràrios costuma, usàntzia.

dóu , nm Definitzione dolu, dolore Terminologia iscientìfica mld Tradutziones Frantzesu rhumatisme Ingresu rheumatic pains Ispagnolu reumatismo Italianu dolóre reumàtico Tedescu rheumatischer Schmerz.

dòva dòa

dovàtu , nm Definitzione corria de terrinu ororu de làcana illimpiada (arada, abbruxada) de siguràntzia po is fogos Sinònimos e contràrios addóidu, doa Ètimu srd.

dovère, dovèri dobère

dòxi dòagi

dòza, dózu dògia

drabèssi debrèsse

dragòne , nm: dragoni Definitzione sordau chi cumbatit prus a cuadhu chi no a pei; genia de mata po bellesa, ma chi faet fintzes unu vernissu orrúbiu, tinta, bona po meighina Frases apo a girare dae mata in mata, che bandhidu chi giàgarant dragones Terminologia iscientìfica mtm, dracaena draco Tradutziones Frantzesu dragon, sang de dragon Ingresu dragoon, tarragon Ispagnolu dragón, drago de Canarias Italianu dragone, sàngue di drago Tedescu Drachenbaum.