ischídu , pps, agt: ischiu 1, scípiu Definitzione de ischire; nau de ccn., chi ischit, chi tenet istúdiu, nau de cosa, chi s'ischit Sinònimos e contràrios ischípidu / istudiadu / connotu, ladinu | ctr. segretu Frases ischidu ndh'as de cussa cosa? ◊ pro bi l'àere ischidu chi faghiat gai!… de seguru no mi l'aia cramadu a domo! 2. sas cantones sardas las legent prus sos illiterados chi no sos ischidos ◊ intendhendhe a issu, ischiu de totu custas cosas, si ndhe fit cuntentau Tradutziones Frantzesu cultivé, savant Ingresu known, learned Ispagnolu sabido, docto, erudito Italianu saputo, cólto, dòtto Tedescu bekannt, gebildet.

ischídu 1 , agt, nm: ischitu 1, iscidu, issidu, schidu Definitzione chi o chie est a ogos apertos, giaendho atentzione, chi no tenet sonnu; genia de sonu, de moida o àteru chi giaet a ischire o po giare a ischire ccn. cosa Sinònimos e contràrios ischidadu / abbillu, abbistu, speltu / ischimuzu, istrepitzu | ctr. dormiu Frases a babbu e a mamma los pinto chin sa fantasia, ischidu o dromiu ◊ a iscidu e a drommiu s'amori miu est netu ◊ sa poesia sendhe ischidu ti faghet sonniare ◊ si la colat ischidu totu note ◊ chin sos ocros tancaos, ischidu ti pessabo sonniandhe! (F.Satta)◊ aperie is ogos e manteniebbosi issidos ca no issís canno est su tempus 2. caminaiat chentza fàghere ischidu, che un'umbra ◊ is canis tzaulendu faint iscidu ◊ sonandhe sas càmpanas si dat ischitu po sas funtziones de crésia ◊ fachítemi ischitu si cras andhates a Núgoro ◊ cussu cane faghet ischidu pro donzi pisighinzu Ètimu srd. Tradutziones Frantzesu éveillé Ingresu awake Ispagnolu despierto Italianu désto Tedescu wach.

«« Torra a chircare