A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

dossíle, dossíli , nm Definition totu su corpus, ma mescamente sa parte de su bustu, de chintzu in pitzu Synonyms e antonyms carena, dóssina, dossu Sentences cussas torrànt a postu is artus de su dossili nostu.

dóssina , nf Synonyms e antonyms carena, dossu.

dóssiu , pps Definition de dòlere Synonyms e antonyms dólidu, dófidu, dórtziu, incréschidu Sentences unu mi at astrintu sa manu e mi est dóssia! (G.Chironi)

dóssu , nm Definition totu su corpus, ma mescamente sa parte de sa carena foras is cambas e bratzos / min. dossighedhu Synonyms e antonyms carena, dossili / corporzale Sentences mi dolet totu su dossu ◊ m'intendho su fritu in dossu ◊ cossos e bunnedhas de furesi nos faghiant su dossu a faighedhas ◊ sos pinzos pariat chi che li fint naschios in dossu ◊ e chie bondhe tostat dai sos pecados chi azis in su dossu?! ◊ cussu càntigu nos poniat sa tudha in dossu 2. cudhu zòvanu fit chena camisa, a dossu nudu, betèndhesi abba a cara Etymon itl. dorso Translations French torse English physique, trunk Spanish complexión, tronco Italian corporatura, trónco del còrpo umano German Körperbau, Rumpf.

dotài, dotàre , vrb Definition giare sa doda, mescamente nau de calidades de sa persona; pigare, giare, lassare, pònnere cosas chi podent serbire Synonyms e antonyms achipagiai, frunire Sentences eis dotau tres giòvunas in istadu de poberesa 2. su Signori ti at dotau de sa prus rara bellesa Translations French doter English to provide Spanish dotar Italian dotare German begaben, versehen.

dotatziòne , nf Definition cosa giada, posta a dispositzione, provista.

dotoràdu , nm Definition títulu de istúdiu superiore, de unu chi at fatu s'universidade.

dotòre, dotòri datòri

dotrína , nf: drotina, dutrina, lotrina Definition prus che àteru, s'imparu de su catechísimu, totu su chi imparat sa Crésia de sa fide cristiana; totugantu su chi pertocat un'isciéntzia / tocai (sa campana) a d. = sonare avisendhe de andhare a sa dotrina Synonyms e antonyms indrotina Sentences duas iscatzuladas ti deviat zare, ca ses cumportandhedi male meda in sa dotrina! ◊ si no sa crésia, sa dotrina chini si dha imparat? ◊ nara, sa dotrina istudiandhedha ses? ◊ est tochendi a dotrina: andaus a crésia! Etymon ltne. doctrina Translations French catéchisme, doctrine English doctrine Spanish doctrina Italian dottrina German Glaubenslehre, Lehre.

dotrinàlla , nf Definition cultura de pagu contu, chentza fundhamentu, ma cun calecuna pretesa.

dótu , agt Definition chi ischit meda ca at istudiau, ca est unu chi istúdiat Synonyms e antonyms ischidu, istruidu 1 Translations French savant English learned Spanish docto Italian dòtto German gebildet.

dótu 1 , nm Definition manera de fàere, su fàere comente si costumat Synonyms e antonyms costuma, usàntzia.

dóu , nm Definition dolu, dolore Scientific Terminology mld Translations French rhumatisme English rheumatic pains Spanish reumatismo Italian dolóre reumàtico German rheumatischer Schmerz.

dòva dòa

dovàtu , nm Definition corria de terrinu ororu de làcana illimpiada (arada, abbruxada) de siguràntzia po is fogos Synonyms e antonyms addóidu, doa Etymon srd.

dovère, dovèri dobère

dòxi dòagi

dòza, dózu dògia

drabèssi debrèsse

dragòne , nm: dragoni Definition sordau chi cumbatit prus a cuadhu chi no a pei; genia de mata po bellesa, ma chi faet fintzes unu vernissu orrúbiu, tinta, bona po meighina Sentences apo a girare dae mata in mata, che bandhidu chi giàgarant dragones Scientific Terminology mtm, dracaena draco Translations French dragon, sang de dragon English dragoon, tarragon Spanish dragón, drago de Canarias Italian dragone, sàngue di drago German Drachenbaum.