A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

disterràu , pps, agt Definitzione de disterrare; chi che dh'ant bogau de su logu suo, o si ndh'est dépiu andhare Tradutziones Frantzesu exilé, expatrié Ingresu exile Ispagnolu desterrado Italianu esiliato, èsule Tedescu verbannt.

distérru , nm Definitzione su che bogare, leare e istesiare cun sa fortza a unu o fintzes gente meda de logu suo a logu istràngiu po chi no potzat fàere che in logu e cun gente chi connoschet, o su chi onestamente dhi aggradat o serbit, mescamente po no fàere umbra a su guvernu, o po dh'isfrutare: fintzes su logu de custu istare atesu; su èssere emigraos, in logu angenu po trebballu, po bisóngiu / segai su d. = lassare su logu ue unu che est disterradu Sinònimos e contràrios confinu, emigrassione, isterru Frases unu tempus su pópulu de Israeli fut in su disterru in Babbilónia ◊ cantas disamistades e disterros li sunt passados cue sut'a ojos! (P.Casu)◊ at a finire su disterru chi nos grusat sas dies de sa vida! (P.Mossa) 2. penso gai a sos fizos de Sardigna, in disterru e pelea in logu anzenu Ètimu ctl., spn. desterro Tradutziones Frantzesu exil, relégation Ingresu exile, political confinement Ispagnolu destierro Italianu esìlio, confino, deportazióne Tedescu Verbannung.

distérru 1 , nm Definitzione gisterru, gisterra, ma nau de logu cofudu meda comente si ndhe faet desesi in is montes comente dhos istuvonat s'abba Sinònimos e contràrios gruta, ispéntumu, isprefundhu Terminologia iscientìfica slg.

distèsa , avb Definitzione tratare una cosa o faedhare a sa d. = cun intertenimentu, a fundhu, naendho totu su chi dhu’est de nàrrere Frases s'algumentu si diat chèrrere tratare a sa distesa Tradutziones Frantzesu avec beaucoup de détails Ingresu diffusely Ispagnolu con detalles Italianu diffusaménte Tedescu ausführlich.

distilladòre , nm Definitzione aparíciu chi serbit a lambicare; chie lambicat ccn. cosa Sinònimos e contràrios lambicu.

distilladúra , nf Definitzione su lambicare ccn. cosa (es. binu, binatza po fàere abbardente) Ètimu srd.

distillàre , vrb Sinònimos e contràrios lambicai.

distimóngiu , nm: distimonzu Definitzione (f. -a) chie atrogat calecuna cosa chi ischit cun seguresa de chistiones angenas, fintzes chie si agatat o andhat apostadamente a tretu de averguare unu fatu; su atrogare sa cosa chi s'ischit Sinònimos e contràrios innetu, testimonia Maneras de nàrrere csn: bogare distimonzos = portai genti a nàrriri su chi iscít ananti de s’autoridadi o de chini depit o bollit isciri sa beridadi; essire d. = cunfirmare su chi est naendho ccn.; distimonzu de gàrrigu = distimonzu chi atrogat carchi curpa de s'imputadu Frases si est comente ses nendhe tue, bògami distimonzos, si ndhe tenes! ◊ puntore, sos carabbineris ant unu distimonzu de gàrrigu chi mi ndhe ghetat a galera! ◊ cojendhe si ponent duos distimonzos ◊ cussu distimonzu at atrogadu su fassu ◊ pro su chi mi bisòngiat mi sias distimòngia tue! Ètimu ltn. testimonium Tradutziones Frantzesu témoin Ingresu witness Ispagnolu testigo Italianu testimòne, testimònio Tedescu Zeuge, Zeugnis.

distimonzàre , vrb: atestimonzare Definitzione fàere a bíere cun craresa, ammostare, fàere de testimóngiu a calecuna cosa Sinònimos e contràrios atorgare, testificai Frases bos at a dare s'ocasione de distimonzare ◊ tevimos distimonzare die cun die su chi creimos! Ètimu srd.

distimónzu distimóngiu

distinài, distinàre destinài

distínghede, distínghere, distínghiri , vrb Definitzione agatare is diferéntzias inter duas cosas; bíere crara una cosa de dha pòdere connòschere bene, fintzes arrennèscere a bíere una cosa chi si biet male, cun dificurtade Sinònimos e contràrios apubai, issebertare, scerai Frases fipo totu sa die illughinau: ne crapas ne crapitos distinghio ◊ s'ómine tzecu e gadhighinosu non distinghet su bonu de su malu 2. dae tesu goi no resesso a distínghere su chi mi ses ammustrendhe Ètimu itl. Tradutziones Frantzesu distinguer Ingresu to distinguish Ispagnolu distinguir Italianu distìnguere, discèrnere Tedescu unterscheiden, erkennen, erblicken.

distintívu , agt, nm Definitzione chi distinghet una cosa de un'àtera; genia de medalliedha o figura chi si ponet in dossu, in su bestimentu, coment'e singiale de calecuna cosa 2. Pepinu portat su distintivu de is Bator Moros.

distíntu , pps, agt Definitzione de distínghere, distínghiri; chi est diferente de un'àteru; chi est méngius de un'àteru, singialau Sinònimos e contràrios nodidu 2. olia vera e pramma, dae totu distintu ◊ depiat èssere una die distinta, sa die, e no una calesisiat 3. una mente distinta at carculadu… Tradutziones Frantzesu distingué, distinct Ingresu distinct, distinguished Ispagnolu distinguido Italianu distinto Tedescu verschieden, gekennzeichnet.

distintziòne, distintziòni , nf Definitzione sa diferéntzia chi si faet tra duas cosas; su distínghere Sinònimos e contràrios difarénsia, sceru Frases tra sos macos, meda che est in bassu chie no usat sa distintzione Tradutziones Frantzesu distinction Ingresu distinction Ispagnolu distinción Italianu distinzióne Tedescu Unterschied.

distínu deltínu

distivíllu , nm Definitzione genia de istrégiu Sinònimos e contràrios bassina Tradutziones Frantzesu cuvette, catin Ingresu basin Ispagnolu palangana Italianu catino Tedescu Becken.

distonàre , vrb Sinònimos e contràrios disintonai, istonai Ètimu itl. distonare.

distónu , nm Definitzione su no èssere a tonu, su no èssere cuncordu Sinònimos e contràrios disintonu, istonadura Ètimu srd.

distraíri , vrb Sinònimos e contràrios disviare, stòdhiri.