dislindàdu , pps, agt Definitzione de dislindare; chi si podet bíere bene Sinònimos e contràrios ciaru, ladinu Tradutziones Frantzesu clair, net Ingresu distinct Ispagnolu claro, deslindado Italianu distinto, chiaro Tedescu klar.

distíntu , pps, agt Definitzione de distínghere, distínghiri; chi est diferente de un'àteru; chi est méngius de un'àteru, singialau Sinònimos e contràrios nodidu 2. olia vera e pramma, dae totu distintu ◊ depiat èssere una die distinta, sa die, e no una calesisiat 3. una mente distinta at carculadu… Tradutziones Frantzesu distingué, distinct Ingresu distinct, distinguished Ispagnolu distinguido Italianu distinto Tedescu verschieden, gekennzeichnet.

nodídu, nódidu , agt: nodiu, nódiu, nóidu, noriu, nótitu, notitu, nótiu, nudiu Definitzione chi est connotu, famau, chi s'ischit; chi est de calidades bonas; su chi praghet de prus, su preferiu, istimau meda Sinònimos e contràrios connotu, distintu, famadu, noditzau / fentomadu, nídidu, signaladu Maneras de nàrrere csn: die nódida = de festa; nodidu a totus = chi dhu scint totus; giúchere una cosa a nótitu = a notu, marcaresila, ammentàrela Frases ciai est nodiu ca est unu bravu giòvunu ◊ custas sunt cosas nódias e sinnaladas ◊ cantant tzivilidades nótias a sos mannos bénnias dae mare e pérdias in caminu (N.Trunfio) 2. no ti apo mai dadu unu fiore, mancu in die nodida pro ammentu ◊ sezis gasi acorrutadas pro calchi bonu maridu o calchi fizu nodidu? ◊ fut totu genti nodia ◊ prenda mia noria, chini ti at aciotau?! Ètimu srd. Tradutziones Frantzesu connu, distingué, préféré Ingresu well-known, favourite, valuable, refined Ispagnolu conocido, preciado, distinguido, predilecto Italianu nòto, pregévole, distinto, predilètto Tedescu bekannt, berühmt, Lieblings…

signalàdu , pps, agt: signalau, sinnalau Definitzione de signalare; postu a notu, chi est connotu meda, famau, tentu a númene Sinònimos e contràrios marcau 1 / connotu, distintu, famadu, fentomadu, nódidu 2. custas sunt cosas nódias e sinnaladas Tradutziones Frantzesu célèbre, distinct, distingué Ingresu marked, distinguished Ispagnolu señalado Italianu segnalato, distinto, insigne Tedescu angezeigt, vornehm, berühmt.

«« Torra a chircare