A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dissiníre dessiníre

dissínnu, dissínzu dessígnu

dissinzàre disegnài

dissionàriu , nm: ditzionàriu Definitzione líbberu inue funt chistios, assentaos in órdine, is foedhos de una limba ispiegaos cun is significaos chi tenent, maneras de nàrrere, ammostu de s’impreu chi si ndhe faet Sinònimos e contràrios bocabbolàriu Frases custu chi ses lezindhe est unu ditzionàriu Tradutziones Frantzesu dictionnaire Ingresu dictionary Ispagnolu diccionario Italianu dizionàrio Tedescu Wörterbuch.

dissipàda , nf Definitzione su dissipare Sinònimos e contràrios digididura, tizirida Ètimu srd.

dissipài, dissipàre , vrb Definitzione foedhandho prus che àteru de papóngiu, digirire, immartire, consumare su sustentu chi giaet su chi si papat; ispaciare a tropu Sinònimos e contràrios digidire, immartire, ispultidhire, matiri / ispeldisciare Frases custu lu devides digilire e dissipare ◊ cussu est sanu de càssia e dissipat fintzas sas pedras Tradutziones Frantzesu digérer Ingresu to digest Ispagnolu digerir Italianu smaltire Tedescu verdauen, verbrauchen.

dissipèlla dessipèlla

dissiprína disciplína

dissiprinàu , agt Definitzione chi istat atentu a sa disciplina, a si cumportare a régula Sinònimos e contràrios reguladu | ctr. irreguladu Tradutziones Frantzesu discipliné Ingresu disciplined (well-) Ispagnolu disciplinado Italianu disciplinato Tedescu fleißig.

dissípu , nm Definitzione su dissipare, su digirire sa cosa chi si papat, su consumare su sustentu de su chi si papat; su isperditziare sa cosa Sinònimos e contràrios burrúsciu 1, dispéndiu, disperdíssiu, isperdíciu, istradhúsciu, istrubberia, stràgiu | ctr. avitu, rispàrmiu Tradutziones Frantzesu dissipation, gaspillage Ingresu dissipation Ispagnolu disipación Italianu dissipazióne, sciupío Tedescu Verschwendung.

dissípulu discípulu

dissusségu , agt Definitzione chi est inchietu, in malumore, mescamente nau de pipiu chi no s’ischit ite tenet.

distacaméntu , nm Definitzione parte de calecunu corpus militare chi s'istacat po calecuna faina.

distacàre , vrb Sinònimos e contràrios ispitzigare, istacare, spodhai.

distàcu , nm Definitzione su distacare, s'istesióngiu, nau mescamente foedhandho de gente Sinònimos e contràrios disapegu, spodhiamentu, stesiamentu Frases dae dandho est istadu unu distacu continu: de essire paris chin mamma non si ndhe faedhaiat! ◊ obbrigaus seus a bivi in distacu!

distàntzia , nf Definitzione su tretu chi dhu’est de unu logu a un'àteru, su tanti chi est atesu unu puntu de un'àteru; sa diferéntzia inter duas cosas Frases sendhe a chilómitros de distàntzia no nos podimos chistionare comente cherimus ◊ serbit a mannus e piticus s’arregodu de is antigus, genti chi at iscípiu aguantai e no si funt arréndius a malaria, distàntzia e fàmini! 2. girandhe inoghe, girandhe in cudhane, ah cantu noto manna sa distàntzia dae chie at totu e chie mancu at pane! (S.Angioy) Tradutziones Frantzesu distance Ingresu distance Ispagnolu distancia Italianu distanza Tedescu Entfernung, Distanz, Unterschied.

distémpus , avb Definitzione fora de tempus, fora de su tempus suo giustu o útile po fàere una cosa / fàghere una cosa a d., bènnere a d. = candu su tempus de dha fai, de bènniri, est giai passau Ètimu srd. Tradutziones Frantzesu en temps inopportun Ingresu unfit weather Ispagnolu destiempo Italianu tèmpo inadatto, fuòri tèmpo Tedescu außer der Zeit.

distèrra , nf Definitzione cisterra, genia de forada cofuda po arregòllere abba Sinònimos e contràrios chisterra*.

disterradúra , nf Sinònimos e contràrios emigrascione Ètimu srd.

disterrài, disterràre , vrb Definitzione mandhare a su cunfinu, bogàreche o istesiare cun sa fortza a unu o gente meda puru de su logu suo de nadia, o inue bivet, a logu istràngiu po chi no potzat fàere coment'e in logu e cun gente chi connoschet, o su chi onestamente dhi aggradat o serbit, o fintzes po dh'isfrutare trebballandho; andhare a terra angena po si campare Sinònimos e contràrios isbandhire, isterrare, terrafinare / bocare / essire Frases Deus at disterradu sos dimónios dae su paradisu a s'inferru 2. bollu torrai a domu mia, si seu disterrau 3. de su coru tuu disterra dogna modu de pecai! Ètimu ctl., spn. Tradutziones Frantzesu exiler Ingresu to banish Ispagnolu desterrar Italianu esiliare, sbandire, deportare Tedescu verbannen.