A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

apaltadòre , nm Definitzione impresàriu chi leat unu trebballu, calecunu progetu a fàere Tradutziones Frantzesu adjudicataire Ingresu contractor Ispagnolu contratista Italianu appaltatóre Tedescu Verpächter.

apaltài , vrb Definitzione pigare o giare in apaltu (trebballu, cosa a bèndhere e àteru).

apaltaméntu , nm: apartamentu Definitzione logu po istare cun aposentos de letu, coghina, cómudu e àteru Sinònimos e contràrios domo Tradutziones Frantzesu appartement Ingresu flat Ispagnolu piso, apartamento Italianu appartaménto Tedescu Wohnung.

apaltàre , vrb: apartai, apartare, partare Definitzione pònnere a una parte; su si giare o pònnere a una parte, su si cuare po sa giustítzia o àteru / a. unu pensamentu = bogaresiche un'idea dae conca Sinònimos e contràrios abbandhare, coigiare / abbuare, aclisare, acuae, ammagare, apatai, frànghere, impertusare, intanae, intupai, intuvedhare, istichire, istugiai Frases medas si sunt apartados e ti ant negadu provinas unu lughinzu! ◊ ahi cantu atesu mi seu apartau de bosu, Sennori! ◊ propongu de apartai dónnia perígulu de pecai ◊ no istes annuzada pro mi èssere pagu tempus apartadu ◊ ipèrradi una canna e tzoca, si sos iltrunellos si podent apaltare! ◊ cun signalis de tristesa sa Crésia apartat is fielis de is allirghias de su mundu 2. si est apartadu ca lu sunt chirchendhe sos carabbineris ◊ s'amante a ue si est apartada? Ètimu ctl., spn. Tradutziones Frantzesu mettre de côté, se réfugier Ingresu to put aside, to shelter Ispagnolu apartar, refugiarse Italianu méttere da parte, accantonare, rifugiarsi Tedescu beiseitelegen, sich flüchten.

apàltu , nm Definitzione trebballu (o cosa) chi si giaet o chi si leat a gara prúbbica Tradutziones Frantzesu adjudication Ingresu contract Ispagnolu contrata, licitación Italianu appalto Tedescu Vergebung.

apamentàda , nf Definitzione su apamentare Sinònimos e contràrios apamentadura Ètimu srd.

apamentadúra , nf Sinònimos e contràrios apamentada Ètimu srd.

apamentàe, apamentài, apamentàre , vrb: apomentai, apomentare, apumentai, pamentare Definitzione pònnere o fàere su pomentu, mescamente in logu de istare; foedhandho de terrenu, intostare meda su primu pígiu, fàere tostau che unu pomentu / apomentai a tàula = istèrriri a tàulas unu pomentu, fàghere su pamentu a tauladu Sinònimos e contràrios afamentai, arrazolare, impamentare Ètimu srd. Tradutziones Frantzesu planchéier Ingresu to pave Ispagnolu pavimentar Italianu pavimentare Tedescu den Fußboden belegen.

apamentàu , pps, agt Definitzione de apamentare; chi est fatu a pomentu, a pígiu de pitzu intostau che pomentu Sinònimos e contràrios arregiolau 2. su caminu novu como est bene apamentatu.

apampài , vrb: apampiai, pampai Definitzione pigare fogu, intrare in tènnere, fàere fràmula meda, abbruxare cun sa fràmula Sinònimos e contràrios abbrugiai, acispare, aframmiare, avampai, papadare / aflachilai, alluscorare | ctr. studai Frases su fogu apampendu at fatu sa foresta a cinus ◊ unu fogu dh'apampit! 2. mi apampu in su gosu de podi ammesturai s'ispíritu miu cun totu cussas luxis de su celu 3. bentu de soli chi sulas apampendi is piturras mias… Ètimu srd. Tradutziones Frantzesu prendre feu Ingresu to flare up Ispagnolu arder Italianu avvampare Tedescu aufflackern.

apampallucàre , vrb Sinònimos e contràrios abbabballocai, abbambanai, abbrabbalucai, abbucallotare, ammammalucai, atontai Ètimu srd.

apampalussàu , agt Definitzione chi est totu bene bestiu Tradutziones Frantzesu élégamment vêtu Ingresu smartly dressed Ispagnolu acicalado Italianu vestito eleganteménte Tedescu elegant gekleidet.

apampiài apampài

apàmpu , nm Definitzione su apampai, su tènnere de su fogu Sinònimos e contràrios frama, pampa / brujadura Frases sa cria de su dolore est s'ohi, est s'ahi, che de su fogu s'apampu (G.Addis) Ètimu srd.

apanài , vrb Definitzione fàere a cumossedhos a bisura de pane, a panes Frases su ladiraju apanat s'arxidha impastada cun palla Ètimu srd.

apanedhadòre , agt, nm Definitzione chi o chie faet panedhas, cosa a panedhas Terminologia iscientìfica prf Ètimu srd.

apanedhadúra , nf Definitzione su apanedhare Ètimu srd.

apanedhàre , vrb Definitzione fàere panedhas, una genia de pane, fàere a bisura de panedha Ètimu srd. Tradutziones Frantzesu embuer Ingresu to give the form of loaves Ispagnolu hacer pan Italianu appanare Tedescu in Form von Brotlaiben bringen.

apaneditài , vrb Definitzione betare in tita, nau de animale fémina chi dhi cumènciat a crèschere sa mola de sa tita po angiare a presse Frases is crabas funt apaneditendi (G.Pili) Ètimu srd.

apangadòri , agt, nm Definitzione chi o chie trebballat sa terra a panga Ètimu srd.