A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pachédhu , agt, avb: paghedhu, poghedhu Definitzione min. de pagu / min. pachedhedhu Sinònimos e contràrios agigu, aizaredhu, atzítzigu, izedhu, pachitzedhu, paghitu, tzúniu | ctr. meditu Frases immoi gei s'est unu poghedhu cramau.

pachédhu 1 , nm: pechedu Definitzione genia de pígione mannu, chi abbitat meda in Sardigna, curiosu ca che faet sa cria in su niu de àteros pigiones Sinònimos e contràrios cucu, cucuerrai, cucuevai, cucuggregu, cucumareu Terminologia iscientìfica pzn Ètimu srd.

pachète, pachètu , nm Definitzione pacu pitichedhu Sinònimos e contràrios boeta, pachighedhu Frases ti l'apo comporadu su pachete de sas aguzas Tradutziones Frantzesu paquet Ingresu packet Ispagnolu paquete pequeño Italianu pacchétto Tedescu Päckchen.

pachighédhu , nm: pachixedhu Definitzione pacu piticu Sinònimos e contràrios pachete, pachitedhu.

pachiósu , agt: paghiosu, pagiosu (pa-gi-o-su) paxiosu Definitzione nau de ccn., chi est de paghe, chi no giaet ifadu, chi istat asseliau, chi est amantiosu de sa paghe; chi tenet unu fàere e foedhare chentz'arrennegu, chentz'airu, chi tirat a sa cuncórdia Sinònimos e contràrios pagili / adasiosu, trancuillu | ctr. derredhu, gherristu / spaxiosu Frases est unu pipiu paxiosu: mancu ti acatas ca dhoi est ◊ in domo de su parente fit faghindhe una vida paghiosa ◊ s'annu paxiosu chi eus passau in sa càscia de su coru miu dhu pongu! (F.I.Congiu)◊ is animabis maus si funt fatus paxiosus Ètimu srd. Tradutziones Frantzesu paisible, pacifique, calme, placide Ingresu peaceful, pacifist, calm Ispagnolu pacífico, pacifista, calmo Italianu pacífico, pacifista, pacato, nonviolènto Tedescu friedlich, pazifistisch, ruhig.

pachitàte , nf: paghidade Definitzione su èssere pagu de sa cosa; cositedha de perunu contu, de nudha Sinònimos e contràrios gnagneria, innennériu Frases a fàghere male in sa paghidade de s’ideale meu ndhe l’apo segadu una borta pro sempre Ètimu ltn. paucitate(m) Tradutziones Frantzesu peu, étroitesse Ingresu meanness, scarcity Ispagnolu poquedad, escasez Italianu pochézza, esiguità Tedescu Wenigkeit.

pachitédhu , nm Definitzione min. de pacu 1, pacu piticu Sinònimos e contràrios pachete, pachighedhu.

pachitzédhu , agt, nm: paghighedhu, paghitzedhu, pazichedhu Definitzione min. de pachitzu: chi est in cantidade pitichedha, de pagu contu, chi est cosa de pagu contu Sinònimos e contràrios acantedhu, agigu, aizaredhu, apenighedhu, izedhu, pachedhu, pagaredhu, pibidedhu, pódhixi, talighedhu, tzúniu / paghitu, paghitzedhedhu | ctr. meda Frases abbarrae galu unu patzichedhu inoche! ◊ cun cudhu paghighedhu s'ingrassat e si campat mes'annu Tradutziones Frantzesu assez peu Ingresu not much Ispagnolu poquito Italianu pochino Tedescu wenig, ein klein wenig.

pachítzu , agt, nm Definitzione min. de pagu.

pachixédhu pachighédhu

pacía , nf Definitzione manera de fàere (mescamente de is pipios) coment'e a giogu, a isciolóriu, coment'e bolendhosi pigaos a milindros Sinònimos e contràrios denga, dengheria, imbérriu, imbímbinu, imbràmbulu, iscancériu, melindru Frases bècia gi est bècia, scerada, ma caminat aici, parit chi no ndi podit sa vida, po sa pacia, ca bollit atentzioni de is àterus.

pacíficu , agt Sinònimos e contràrios pachiosu.

paciòcia , nf Definitzione fémina bella e manna, imbénnida, chi prenet s'ogu Ètimu srd.

paciòcio, pacióciu , nm Definitzione sa natura de sa fémina Sinònimos e contràrios brodho, cunnu, pilicarju, pillitu, piricochedhu, porposeo Ètimu srd.

paciócu , agt Definitzione chi est paghiosu, trancuillu, chi istat asseliau Ètimu itl. pacioccone.

pacionítu , agt Sinònimos e contràrios bonàciu, paciotu Frases como acollu in oriolos, bajanu betzu, in penas de amore pro una batia rassa e pacionita (N.Cuccureddu).

paciósu , agt Definitzione nau de ccn., chi est totu pacia, chi si faet tocare e pigare a frandhigos Sinònimos e contràrios pàciu.

paciótu , agt Definitzione chi est grassu, in prupas Sinònimos e contràrios macioci.

pàciu , agt Definitzione nau de ccn., chi est totu pacia, chi si faet tocare e pigare a milindros, prus che àteru a vítziu; nau de erbas, chi funt créschias filivili, a cannàile, chentza fortza, in colore malu po sa pagu lughe Sinònimos e contràrios dengheri, dengosu, giodhone, melindrosu, minghenghi, mirringhengu, paciosu, scanceriosu Frases creint ca custa fémina bollit a dh'agiudai a camminai ca est pàcia, ma est ca no nci dha fait a sola! ◊ pagu pàciu cussu gatu!… 2. prantancedhu in cortili, custu frori, ca innòi aintru est pàciu! Tradutziones Frantzesu câlin, cajoleur Ingresu tattler, softy Ispagnolu mimoso Italianu coccolóne, ciancióso Tedescu wer sich gern hätscheln läßt.

paciúrru , nm: piciurru Definitzione praxere, giogu, ispàssiu Frases si pigas is cosas a piciurru no as a bessiri mai ómini ◊ labai de no dha pigai meda a piciurru, sa vida, poita est cosa séria!