A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lepéri , agt Definitzione nau de ccn., chi est falsu, trasseri, lepa mala Sinònimos e contràrios arrebuseri, imbodhiosu, imbovadori, improseri, matracheri, tramperi, trancamallosu Terminologia iscientìfica ntl Ètimu srd.

lèperi lèpere

leperína , nf Definitzione is lèperes Ètimu srd.

leperíncu lebreríncu

leperínu , agt: leporinu, lepurinu Definitzione de lèpere, chi pertocat is lèperes, nau mescamente de colore; nau de gente o de animale, chi est lestru, chi no si lassat aciapare Sinònimos e contràrios leperaju / cdh. leparinu Frases cun sas ancas che fenu leperinu sunt Giommaria e Giara ◊ los currio in caminu lestru che un'astore leporinu (T.Ziranu) Ètimu srd. Tradutziones Frantzesu de lièvre Ingresu leporine Ispagnolu leporino Italianu leprino Tedescu Hasen…

lepidamènti , avb Definitzione a sa manera de is lépidos, cun lepidesa.

lepidèsa , nf Definitzione su èssere lépidos, su si mòvere lestros, lébios, cun facilidade; nada o fata de lépidos Sinònimos e contràrios lestesa Frases cantu a lepidesa pentzo de dh'àere assimbizau faendhe su sartu mortale ◊ sunt bantandho sa lepidesa de duos balladores ◊ candu su pastori abarràt unu pagu a fuedhai, nci sighiat infatu de su tallu cun bona lepidesa Ètimu srd. Tradutziones Frantzesu agilité Ingresu agility Ispagnolu agilidad Italianu agilità Tedescu Gelenkigkeit.

lépidu , agt: lípidu Definitzione chi est curiosu, fintzes abbistu; chi camminat o si movet a sa lestra, cun lebiesa e abbilidade; a logos si narat po airósigu, arrennegaditu / l. che gatu, che furitu = lestru meda Sinònimos e contràrios coriosu, físchidu, galanu / lestru, lestrulinu / inchietosu, tzacosu Frases ciai est pagu lépidu, melessendu! ◊ meda ses lépidu… no si podit mancu chistionai?! ◊ fit unu pitzinnu lépidu e cun mísera cartzadura ◊ cantendhe seo lépidu candho bi at iscultadores atentos 2. Conchiatu, stellau currendi sou, sempri lépidu prus pariat unu crabiou (S.Baldino)◊ no fadiat a si fidai de sa buca a su nasu: arratza de genti lépida cussus romanistus! ◊ funt capitanus de vascellus lépidus capatzus de fai passai mari (I.Ortu)◊ no iat cassaus is piciochedhus ca fuant prus lépidus de issu

lepièsa lebièsa

lepilépi , nm Definitzione bobboi chi est sa muda de s'erruca: giughet alas totu coment'e pintadas, a marcos de diferentes colores e paret chi portent farra ca a dhas tocare lassant pruinedhu / avb. èssiri a ogus l. = drommíndhesi, cun sos ogros tanchèndhesi de su sonnu; andai l. = chentza si fàghere sapire Sinònimos e contràrios abadegasu, barabàtula, cabagasu, carravarina, folacasu, maniposa, pabedha, seisei Terminologia iscientìfica crp Ètimu srd.

lepiónzu , agt Definitzione chi est unu pagu lébiu, chi no est grae.

lèpiri lèpere

lepirispósu , nm: lepurisposu Definitzione genia de frore, orrubiedhu, cun is fogighedhas chi parent origas de lèpere (isposu!), de comente funt postas candho su frore est apertu, coment'e incrubadas apalas; a sa patatedha chi faet asuta dhi narant pane de sirbone, pane o fà de procus, patata pórchina, fior'e padedha Sinònimos e contràrios cacacú, cacamalune, ciciugojuadu, cuchedhu 1, cucú 1, cucubberrita, ortiedhu, lepuritanu Frases frunziat su bruncu che lepirisposu ◊ intr'e is perdas arrandadas de muscu s’incarat su lepurisposu (G.Piras) Terminologia iscientìfica rba, Cyclamen repandum Ètimu srd. Tradutziones Frantzesu cyclamen Ingresu sowbread Ispagnolu ciclamino, pamporcino Italianu ciclamino Tedescu wildes Zyklamen.

lepitédhu , agt Sinònimos e contràrios lépidu.

lépiu lébiu

lepixèdha , nf Definitzione lepa pitica Sinònimos e contràrios lepedha, leputza.

leporàre , vrb Definitzione andhare a lèperes, cassare lèperes Ètimu srd.

lèpore lèpere

leporèdha, leporédhu , nf, nm Definitzione genia de bobboi a duas alas pintadas / leporedhas de tadhàine = tàpiles de froca Sinònimos e contràrios bellacasu, carravarina, lepilepi, maniposa, pabaritu, pabedha, seisei Frases candho sos puzonedhos ndi esseint dae s'ou lis batiazis a prou muschitos e leporedhos (A.Casula) Terminologia iscientìfica crp.

lèpori lèpere