A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

lepéri , agt Definizione nau de ccn., chi est falsu, trasseri, lepa mala Sinonimi e contrari arrebuseri, imbodhiosu, imbovadori, improseri, matracheri, tramperi, trancamallosu Terminologia scientifica ntl Etimo srd.

lèperi lèpere

leperína , nf Definizione is lèperes Etimo srd.

leperíncu lebreríncu

leperínu , agt: leporinu, lepurinu Definizione de lèpere, chi pertocat is lèperes, nau mescamente de colore; nau de gente o de animale, chi est lestru, chi no si lassat aciapare Sinonimi e contrari leperaju / cdh. leparinu Frasi cun sas ancas che fenu leperinu sunt Giommaria e Giara ◊ los currio in caminu lestru che un'astore leporinu (T.Ziranu) Etimo srd. Traduzioni Francese de lièvre Inglese leporine Spagnolo leporino Italiano leprino Tedesco Hasen…

lepidamènti , avb Definizione a sa manera de is lépidos, cun lepidesa.

lepidèsa , nf Definizione su èssere lépidos, su si mòvere lestros, lébios, cun facilidade; nada o fata de lépidos Sinonimi e contrari lestesa Frasi cantu a lepidesa pentzo de dh'àere assimbizau faendhe su sartu mortale ◊ sunt bantandho sa lepidesa de duos balladores ◊ candu su pastori abarràt unu pagu a fuedhai, nci sighiat infatu de su tallu cun bona lepidesa Etimo srd. Traduzioni Francese agilité Inglese agility Spagnolo agilidad Italiano agilità Tedesco Gelenkigkeit.

lépidu , agt: lípidu Definizione chi est curiosu, fintzes abbistu; chi camminat o si movet a sa lestra, cun lebiesa e abbilidade; a logos si narat po airósigu, arrennegaditu / l. che gatu, che furitu = lestru meda Sinonimi e contrari coriosu, físchidu, galanu / lestru, lestrulinu / inchietosu, tzacosu Frasi ciai est pagu lépidu, melessendu! ◊ meda ses lépidu… no si podit mancu chistionai?! ◊ fit unu pitzinnu lépidu e cun mísera cartzadura ◊ cantendhe seo lépidu candho bi at iscultadores atentos 2. Conchiatu, stellau currendi sou, sempri lépidu prus pariat unu crabiou (S.Baldino)◊ no fadiat a si fidai de sa buca a su nasu: arratza de genti lépida cussus romanistus! ◊ funt capitanus de vascellus lépidus capatzus de fai passai mari (I.Ortu)◊ no iat cassaus is piciochedhus ca fuant prus lépidus de issu

lepièsa lebièsa

lepilépi , nm Definizione bobboi chi est sa muda de s'erruca: giughet alas totu coment'e pintadas, a marcos de diferentes colores e paret chi portent farra ca a dhas tocare lassant pruinedhu / avb. èssiri a ogus l. = drommíndhesi, cun sos ogros tanchèndhesi de su sonnu; andai l. = chentza si fàghere sapire Sinonimi e contrari abadegasu, barabàtula, cabagasu, carravarina, folacasu, maniposa, pabedha, seisei Terminologia scientifica crp Etimo srd.

lepiónzu , agt Definizione chi est unu pagu lébiu, chi no est grae.

lèpiri lèpere

lepirispósu , nm: lepurisposu Definizione genia de frore, orrubiedhu, cun is fogighedhas chi parent origas de lèpere (isposu!), de comente funt postas candho su frore est apertu, coment'e incrubadas apalas; a sa patatedha chi faet asuta dhi narant pane de sirbone, pane o fà de procus, patata pórchina, fior'e padedha Sinonimi e contrari cacacú, cacamalune, ciciugojuadu, cuchedhu 1, cucú 1, cucubberrita, ortiedhu, lepuritanu Frasi frunziat su bruncu che lepirisposu ◊ intr'e is perdas arrandadas de muscu s’incarat su lepurisposu (G.Piras) Terminologia scientifica rba, Cyclamen repandum Etimo srd. Traduzioni Francese cyclamen Inglese sowbread Spagnolo ciclamino, pamporcino Italiano ciclamino Tedesco wildes Zyklamen.

lepitédhu , agt Sinonimi e contrari lépidu.

lépiu lébiu

lepixèdha , nf Definizione lepa pitica Sinonimi e contrari lepedha, leputza.

leporàre , vrb Definizione andhare a lèperes, cassare lèperes Etimo srd.

lèpore lèpere

leporèdha, leporédhu , nf, nm Definizione genia de bobboi a duas alas pintadas / leporedhas de tadhàine = tàpiles de froca Sinonimi e contrari bellacasu, carravarina, lepilepi, maniposa, pabaritu, pabedha, seisei Frasi candho sos puzonedhos ndi esseint dae s'ou lis batiazis a prou muschitos e leporedhos (A.Casula) Terminologia scientifica crp.

lèpori lèpere