A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lentína, léntina , nf Definitzione istidhighedhu piticu de abba candho cumènciat a pròere, candho faet abbighedha fine Sinònimos e contràrios arrosina, irmimisia, modhina, papuschina, paspia, proischina, tzibina Frases cantu bellu, maju, e incantosu: de fiores divinos as tesoro, de cantos d'aes e lentinas d'oro tue ses dispenseri generosu! (P.Fais) Terminologia iscientìfica tpm Ètimu srd. Tradutziones Frantzesu petite pluie fine, gouttelette Ingresu drizzle Ispagnolu llovizna, calabobos Italianu pioggerèlla Tedescu Nieselregen.

lentinàda , nf Definitzione su lentinare, abbighedha lébia, de pagu contu Sinònimos e contràrios civinara Frases custu mengianu at fatu una lentinada Ètimu srd.

lentinadúra , nf Definitzione su lentinare, fàere abbighedha fine, orrosina Sinònimos e contràrios arrosina, papuschina, proischina, tzibina Ètimu srd.

lentinàe, lentinài, lentinàre , vrb Definitzione cumenciare a pròere, pròere a istídhigos pitichedhos, abbighedha fine (3ˆ p. sing. lentinat/léntinat) Sinònimos e contràrios arrevinae, arrosinai, cibinare, lentizae, mirmisiare, modhinare, papuschiare, proighinai Frases v'aviat unu pacu de ventu e fit comintzandhe a lentinare 2. sa gula mi ant astrintu sos ingannos e sos gútzios de túcaru e belenu chi lentinandhe mi est su loru anzenu ◊ cussa melodia lentinat ternura Tradutziones Frantzesu pleuviner, pleuvasser Ingresu to mist Ispagnolu lloviznar Italianu piovigginare Tedescu nieseln.

lentiòni lantiòne

lentiscanàre , vrb: lestincanare Definitzione andhare a lestínchinu po dhu arregòllere (frigare) e fàere ógiu Ètimu srd.

lentíschinu , nm, agt: lestíncanu, lestínchenu, lestincu, listíncanu, listíncaru, listínchine, listínchinu, listincu, lostíncanu, lostincu, lostrincu, lustínchinu Definitzione su frutu chi bogat su modhitzi, a granighedhos pitichedhos, bonu po fàere ógiu; sa linna etotu Sinònimos e contràrios arrostincu / chessa, gessamodhícia, modhici, ollestincu Maneras de nàrrere csn: ozu listínchinu = ollu de lestincu, ollustinci; fricare su listínchinu = ispilire, fagher rúere su l. a s'isterzu dae sos rampos colèndhelis sas manos Frases undhas de prumu ant allepizau su lentíschinu ◊ no tochedas cussu ramu birde: lassàdelu chi muschet galu de lustínchinu e mudhitzina ◊ su listíncaru giamat sas puzones e a su lidone current sos pisedhos ◊ su monte est cuguzadu de calacasu, listíncanu, élighes e chelcos 2. sa lughe fit a candheledha a ozu lestínchenu Terminologia iscientìfica mt, Pistacia lentiscus Ètimu ltn. lentiscinus Tradutziones Frantzesu lentisque Ingresu lentisk Ispagnolu lentisco Italianu lentìschio Tedescu Mastixbaum, Mastixstrauch.

lentíxa, lentíza lentíge

lentizàe , vrb Sinònimos e contràrios arrosinai, cibinare, istedhiare, lentinae, modhinare Ètimu srd.

lentizósu , agt Definitzione nau de ccn., chi portat sa cara totu a pintirighinos Sinònimos e contràrios appannugau, neadu, pibirinadu, pibirinosu, pintarinadu.

lentolàda , nf Definitzione tanti de cosa (es. orrobba de samunare) chi faet a pigare in d-unu lentzolu impreau coment'e pannitzu Ètimu srd.

lentólu lantzóru

lentoràda , nf Definitzione su lentorare, su betare lentore; fintzes abbighedha de pagu contu fine che lentore Frases custa est una lentorada, no una próida! Ètimu srd.

lentoràdu , pps, agt Definitzione de lentorare; chi est úmidu de lentore Sinònimos e contràrios lentoridu 2. su logu custu manzanu chito fit totu lentoradu.

lentoràre , vrb: lentoriare Definitzione betare o calare lentore, fintzes fàere abbighedha fine che lentore Sinònimos e contràrios lentorire, orrosiai, saghinare, serenai 1 Frases lentorat in sas notes de istiu ◊ chelos, lentoriade!◊ su sede lentoriadu est lentu Ètimu srd. Tradutziones Frantzesu deposer de la rosée Ingresu to fall dew Ispagnolu rociar Italianu cadér rugiada Tedescu tauen.

lentòre, lentòri , nm Definitzione genia de abbita finevine de no si pòdere bíere, mancu, chi in notes craras calat de is aeras e isciundhet o úmidat su logu / l. màsciu = bedhia, chidhighia Sinònimos e contràrios saghina, sanenu / cdh. lintori, sainàglia Frases pàghida e serena che lentore chi ruet in note crara de s'aera, una rusina tépia e lezera bagnat sa terra (G.Deriu)◊ apenas chi che leat su lentore atacamus a binnennare ◊ sa campagna est bisèndhesi in beranu e paret sa modhina unu lentore ◊ semus chei su lentore: a sa prima iscampiada de su sole iscumparimus Ètimu ltn. lentore(m) Tradutziones Frantzesu rosée Ingresu dew Ispagnolu rocío Italianu rugiada Tedescu Tau.

lentoriàre lentoràre

lentorídu , pps, agt Definitzione de lentorire; nau de su logu o de sa cosa lassada fora su note, chi est isciustu o úmidu de lentore Sinònimos e contràrios lentoradu.

lentorínu , agt Definitzione de su lentore / a l. = che a su lentore, abbellu abbellu, pàsidu; pròere a l. = fàere abba lena lena, orrosinare Frases sa frina lentorina mi carignat su coro… 2. candho falat cuss'abba a lentorinu sàssiat sa terra Ètimu srd.

lentoríre , vrb: allentorire Sinònimos e contràrios lentorare, saghinare, serenai 1 Frases su note in beranu lentorit totu Ètimu srd.