coriósu , agt: curiosu Definitzione chi faet unu pagu meravíglia, ispantu e arrechedet a dh'abbaidare, o iscurtare; chi tenet curiosidade, interessamentu a bíere, iscurtare, ischire, tocare totu; chi tenet una manera de fàere chi faet unu pagu meravíglia o lassat coment'e pentzamentosos, discuntentos / èssere curiosu che a sa gana (= fàmine) = pagu puru!… Sinònimos e contràrios crosidadosu, incrosidau, ispiotu Frases est ammammalucadu abbaidendhe cudha cosa curiosa ◊ deo so curiosu e vògio iscire su puite 2. coriosa, andhat a sizire s'orixa a s'istampa de sa giae pro intèndhere ite fint arrexonendhe cudhos ◊ naradhi a su tziu dhe si fai is fatus suus, ca est tropu curiosu! 3. ah, ma tandho tue ses curiosa abberu, mih: cheres s'ou, sa pudha e s'arriali puru! Tradutziones Frantzesu curieux Ingresu curious Ispagnolu curioso Italianu curióso Tedescu neugierig.

«« Torra a chircare