A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

dissiníre dessiníre

dissínnu, dissínzu dessígnu

dissinzàre disegnài

dissionàriu , nm: ditzionàriu Definition líbberu inue funt chistios, assentaos in órdine, is foedhos de una limba ispiegaos cun is significaos chi tenent, maneras de nàrrere, ammostu de s’impreu chi si ndhe faet Synonyms e antonyms bocabbolàriu Sentences custu chi ses lezindhe est unu ditzionàriu Translations French dictionnaire English dictionary Spanish diccionario Italian dizionàrio German Wörterbuch.

dissipàda , nf Definition su dissipare Synonyms e antonyms digididura, tizirida Etymon srd.

dissipài, dissipàre , vrb Definition foedhandho prus che àteru de papóngiu, digirire, immartire, consumare su sustentu chi giaet su chi si papat; ispaciare a tropu Synonyms e antonyms digidire, immartire, ispultidhire, matiri / ispeldisciare Sentences custu lu devides digilire e dissipare ◊ cussu est sanu de càssia e dissipat fintzas sas pedras Translations French digérer English to digest Spanish digerir Italian smaltire German verdauen, verbrauchen.

dissipèlla dessipèlla

dissiprína disciplína

dissiprinàu , agt Definition chi istat atentu a sa disciplina, a si cumportare a régula Synonyms e antonyms reguladu | ctr. irreguladu Translations French discipliné English disciplined (well-) Spanish disciplinado Italian disciplinato German fleißig.

dissípu , nm Definition su dissipare, su digirire sa cosa chi si papat, su consumare su sustentu de su chi si papat; su isperditziare sa cosa Synonyms e antonyms burrúsciu 1, dispéndiu, disperdíssiu, isperdíciu, istradhúsciu, istrubberia, stràgiu | ctr. avitu, rispàrmiu Translations French dissipation, gaspillage English dissipation Spanish disipación Italian dissipazióne, sciupío German Verschwendung.

dissípulu discípulu

dissusségu , agt Definition chi est inchietu, in malumore, mescamente nau de pipiu chi no s’ischit ite tenet.

distacaméntu , nm Definition parte de calecunu corpus militare chi s'istacat po calecuna faina.

distacàre , vrb Synonyms e antonyms ispitzigare, istacare, spodhai.

distàcu , nm Definition su distacare, s'istesióngiu, nau mescamente foedhandho de gente Synonyms e antonyms disapegu, spodhiamentu, stesiamentu Sentences dae dandho est istadu unu distacu continu: de essire paris chin mamma non si ndhe faedhaiat! ◊ obbrigaus seus a bivi in distacu!

distàntzia , nf Definition su tretu chi dhu’est de unu logu a un'àteru, su tanti chi est atesu unu puntu de un'àteru; sa diferéntzia inter duas cosas Sentences sendhe a chilómitros de distàntzia no nos podimos chistionare comente cherimus ◊ serbit a mannus e piticus s’arregodu de is antigus, genti chi at iscípiu aguantai e no si funt arréndius a malaria, distàntzia e fàmini! 2. girandhe inoghe, girandhe in cudhane, ah cantu noto manna sa distàntzia dae chie at totu e chie mancu at pane! (S.Angioy) Translations French distance English distance Spanish distancia Italian distanza German Entfernung, Distanz, Unterschied.

distémpus , avb Definition fora de tempus, fora de su tempus suo giustu o útile po fàere una cosa / fàghere una cosa a d., bènnere a d. = candu su tempus de dha fai, de bènniri, est giai passau Etymon srd. Translations French en temps inopportun English unfit weather Spanish destiempo Italian tèmpo inadatto, fuòri tèmpo German außer der Zeit.

distèrra , nf Definition cisterra, genia de forada cofuda po arregòllere abba Synonyms e antonyms chisterra*.

disterradúra , nf Synonyms e antonyms emigrascione Etymon srd.

disterrài, disterràre , vrb Definition mandhare a su cunfinu, bogàreche o istesiare cun sa fortza a unu o gente meda puru de su logu suo de nadia, o inue bivet, a logu istràngiu po chi no potzat fàere coment'e in logu e cun gente chi connoschet, o su chi onestamente dhi aggradat o serbit, o fintzes po dh'isfrutare trebballandho; andhare a terra angena po si campare Synonyms e antonyms isbandhire, isterrare, terrafinare / bocare / essire Sentences Deus at disterradu sos dimónios dae su paradisu a s'inferru 2. bollu torrai a domu mia, si seu disterrau 3. de su coru tuu disterra dogna modu de pecai! Etymon ctl., spn. Translations French exiler English to banish Spanish desterrar Italian esiliare, sbandire, deportare German verbannen.