A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dilgrasciadamènte , avb Definitzione po disgràtzia, po isfortuna Tradutziones Frantzesu malheureusement Ingresu unfortunately Ispagnolu desgraciadamente, desafortunadamente Italianu disgraziataménte Tedescu leider.

dilgrasciàdu digrassiàu

dilgràssa digràtzia

dilicadamènte, dilicadamènti , avb Definitzione cun delicadesa.

dilicadèsa delicadèsa

dilicàdu delicàdu

dilicadúra , nf Definitzione cosa delicada, bona meda, de gustu fine Sinònimos e contràrios finesa Tradutziones Frantzesu raffinement, délicatesse Ingresu refinement Ispagnolu fineza, refinamiento (m) Italianu raffinatézza Tedescu Kostbarkeit.

dilicànti , nm Definitzione genia de turrone, de Alicante Sinònimos e contràrios licanti*.

dilicatèsa delicadèsa

dilicàu delicàdu

dilichía , nf: dilighia, diligia Definitzione su èssere delicau de unu o de una cosa, ma mescamente de unu fàere Sinònimos e contràrios amànsciu, delicadesa, dilighesa Frases la nínniant sas fadas cun dilichia pro no l'ischidare ◊ cun dilighia at cumbintu su maridu chi su fizu fit isseperendhe su zustu Ètimu srd. Tradutziones Frantzesu délicatesse, fragilité Ingresu delicacy, fragility Ispagnolu delicadeza, fragilidad Italianu delicatézza, fragilità Tedescu Zartheit, Zartgefühl.

dilicónzu , agt Definitzione chi est unu pagu delicau, sugetu a si segare, a s'immalaidare, a tènnere dannu Sinònimos e contràrios delicadu, temósigu Ètimu srd.

dílicu , agt: díligu, dírigu Definitzione chi no bàliat ifortzu, cropu, orruta o àteru chi podet nòghere; nau de un’arremu de sa carena, chi dolet meda po pagu chi si dhi fatzat male o chi si tochet; nau de unu, chi si dha leat luego, chi est malu a cuntentare, chi si ofendhet, chi est contràriu a su male mancari siat de pagu contu o chi cunsiderat sa gente o is cosas cun arrespetu mannu Sinònimos e contràrios delicadu, finigosu, iltrízile, indílicu, istincu, marriu, menosu, scarritzinu, schirriolu, stinghiritzu Maneras de nàrrere csn: fémina díliga = chi bi daet tentu meda a s'unore; èssere díligu che bua mala = chi no fait a dhu tocai ca si dha pigat luegus; èssere de manu díliga = chi faghet sas fainas o tocat sa cosa cun atentzione manna, cun dilighia e grabbu Frases s'ogru est cosa díliga meda ◊ custu no est ne sucu e ne minestra cun late pro istògomos díligos ◊ dílica perla mia, coro, pitzinnu bellu! ◊ no brulles cun su fígadu ca est cosa díliga! ◊ cussa zughet sa carrajone díliga 2. est díligu, cussu: arguai a tocare nudha a neune! ◊ no lu tzírighes, cussu: est díligu che bua mala! 3. si no mi aggantzas a díligu a díligu dae me no ndhe bogas meda lúcuru Sambenados e Provèrbios smb: Diligu Ètimu ltn. delicatus Tradutziones Frantzesu délicat, scrupuleux Ingresu delicate, scrupolous, sensitive Ispagnolu delicado Italianu delicato, fràgile, sensìbile, scrupolóso Tedescu zart, sensibel, empfindlich, sorgfältig.

diligentziài , vrb: dilixentiai, dilixentziari Definitzione prnl., ischire o pentzare a fàere bene sa cosa, ingeniare, su si arrangiare o pònnere a fàere chentza si pèrdere de ànimu Sinònimos e contràrios agensiare, apedatzare, arragnare, arramputzare, ingeniai Frases ih, càstia, cussa picioca est aici faticosa de s’isciri diligentziai a soba! ◊ is pastoris si dilixentiànt ingrassendi is angionis po Pasca

dilighèsa , nf Definitzione su èssere díligu de una cosa, ma mescamente de unu fàere Sinònimos e contràrios amànsciu, delicadesa, dilichia, diligura Frases est su dovere de onzi tzitadinu su de li usare dilighesa a s'ambiente Ètimu srd. Tradutziones Frantzesu délicatesse, fragilité Ingresu delicacy, fragility Ispagnolu delicadeza, fragilidad Italianu delicatézza, fragilità Tedescu Zartheit, Zartgefühl, Zerbrechlichkeit.

dilighía, diligía dilichía

diligória , nf Definitzione su èssere delicau, fintzes sugetu a si segare cun facilidade Sinònimos e contràrios dilichia, dilighesa Frases custa sorrastra mea est reduida a sa cumpanzia de reses chena peruna diligória de sentidos (A.M.Pala) Ètimu srd.

díligu dílicu

diligúra , nf Definitzione delicadesa in su sensu de arrespetu unu pagu esagerau, tropu, chentza bisóngiu Sinònimos e contràrios delicadesa, dilichia, dilighesa Ètimu srd.

dilindàre , vrb: dillindare, dislindare Definitzione distínghere in manera crara Sinònimos e contràrios iscerai, ispeltzificare Ètimu spn. Tradutziones Frantzesu distinguer Ingresu to distinguish, to specify Ispagnolu deslindar Italianu distínguere, specificare Tedescu erkennen, kennzeichen, spezifizieren.