A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dentína , nf Definitzione su materiale de su pígiu prus grussu de s'intessidura de is dentes, a parte de fora.

déntinu , agt Definitzione nau de frutu cun corgiolu tostau, chi faet a dhu segare a dentes, a manu, chi no est tanti tostau Sinònimos e contràrios déntiche 1.

dentísta , nm Definitzione dutore pràtigu a curare, bogare o cambiare dentes.

dentítza , nf Definitzione corona de dentes, is dentes cunsideradas po comente funt postas in is barras Sinònimos e contràrios dentímene / cdh. dintitza Ètimu its (cdh) Tradutziones Frantzesu denture Ingresu teeth (set of) Ispagnolu dentadura Italianu dentatura Tedescu Gebiß.

déntixi déntiche

dentòne , nm Definitzione chie portat dentes mannas Sinònimos e contràrios dentudu, marrudu Ètimu srd.

dentúdu , agt Definitzione chi portat dentes mannas Sinònimos e contràrios dentone, marrudu Ètimu srd.

dentútza , nf Definitzione dentighedha, dente de pipiu Frases su pitzinnu at bogadu sa prima dentutzedha.

dentziàna , nf Definitzione genia de erba bona fintzes a fàere licore: faet a digirire Sinònimos e contràrios gentziana*, sensiana Frases bi apo postu unu pagu de dentziana, ràntziga cantu est ràntziga sa china Terminologia iscientìfica rbc, Gentiana lutea.

denúcru , nm: dinuju, drenucu, drinucu Definitzione benugu, s'annoigadórgiu mannu de sa camba, a sa parte de ananti, tra s'ossu de sa còscia e sa cannedha de sa camba, in mesania / conchedha de su d. = arrodedha, zoculana Sinònimos e contràrios benucru, fenucru 1, genugu*, ghinúciu Frases pòneti custu sacu pro mudhita a sos drinucos, inturtandhe! Terminologia iscientìfica crn.

denunciài dannuntziài

denúntzia , nf: dinúntzia Definitzione acusa o chèscia chi si che portat a sa giustítzia e fintzes cosa chi si giaet a ischire, prus che àteru a s’autoridade púbblica Frases cantu sunt torraos acatant custa robba mancante: tandho torrant a ghirare e dant sa denúntzia Tradutziones Frantzesu dénonciation Ingresu denounce Ispagnolu denuncia Italianu denùncia Tedescu Anzeige.

denuntziài, denuntziàre dannuntziài

denutríu , agt Definitzione chi est pagu nutriu, chi at patiu o est patindho fàmene.

dèo dègo

deodorànte , nm Definitzione genia de profumu po cunfúndhere unu fragu pagu praghillosu (es. sudore).

deòra daòra

deósi, deosínche dedeói

dependhènte , agt, nm: dipendenti, dipendhente Definitzione chi o chie dipendhet de un'àteru, chi o chie no est a contu suo, trebballadore a contu angenu Sinònimos e contràrios cdh. dipindenti | ctr. indipendenti Frases no mudat andhata, fadu e vida pro cantu est dipendhente, dominada 2. ant serradu su triballu e lissentziadu totu sos dipendhentes Tradutziones Frantzesu dépendant Ingresu dependent Ispagnolu dependiente Italianu dipendènte Tedescu abhängig, abhängiger Mensch.

dependhéntzia , nf: dipendhéntzia, depennéncia Definitzione su dipèndhere, nau mescamente de su istare de unu pópulu asuta o a manu de un'àteru chi dhu dóminat, su no èssere a contu suo, su no àere un'istadu e guvernu cosa sua; fintzes su bènnere de unu fatu, su èssere dipéndhiu, de calecunu logu o càusa Sinònimos e contràrios apróliu | ctr. indipendéntzia 2. sardos, ma de diversa dipendhéntzia, custos si ant binza e domo costruidu Tradutziones Frantzesu dépendance Ingresu dependance Ispagnolu dependencia Italianu dipendènza Tedescu Abhängigkeit.