Legenda Incurtzaduras | Legenda Sìmbulos

abrósu , agt: avrosu Definitzione chi est fridu meda, chi portat abrore, abra Sinònimos e contràrios fridu, ispunzinosu Frases mi est iscorandhe custu bentu abrosu ◊ est unu manzanu avrosu ◊ candho benit isprazas avrosas si apozat in palas de unu crastu Terminologia iscientìfica tpm Ètimu srd. Tradutziones Frantzesu froid Ingresu cold Ispagnolu frío, helado Italianu fréddo Tedescu kalt.

astràdu , pps, agt: astragau, astrau 1 Definitzione de astrare; chi est fridu meda Sinònimos e contràrios agghidhighiatu, arragorau, astroradu, bidhiarzu, merrulau | ctr. caente Frases istanote s'aera fit neta e at astradu su logu 2. ohi pitzinna astrada, ahi malassortada! ◊ totu su logu astradu est, custu manzanu: pagu su fritu chi at fatu istanote!…◊ non dia cherrer bívere tra coros mudos astraos che màrmuru Tradutziones Frantzesu gelé, glacé Ingresu frozen Ispagnolu helado, gélido Italianu ghiacciato, gèlido Tedescu gefroren, eiskalt.

astriàre , vrb Definitzione sentire istriore, de su fritu o de sa timoria Sinònimos e contràrios arpilare / acicai, apramare, arrorisai, asciuconare, asciustrare, istriai Frases ite frita s'aera: oe est astriendhe! ◊ titia, inoghe mi àstriat sas intragnas che chi siat su logu cobertu de nie! ◊ si mi sunt astriadas sas palas 2. in s'istante s'intendhet unu tronu tzachedhosu chi l'at totu astriada (N.Cucureddu)◊ li at astriadu dogni tudhu de pilu ◊ in cussu líbbaru bi at una torrada chi batit sa tudha e àstriat sa cara pro sas cosas chi contat Ètimu srd. Tradutziones Frantzesu frémir d'horreur Ingresu to be horrified Ispagnolu quedarse helado Italianu agghiacciare, raccapricciare Tedescu erstarren.

astroràdu , agt Definitzione chi est fritu, ifridau meda Sinònimos e contràrios agghidhighiatu, arragorau, astradu | ctr. caente Ètimu srd. Tradutziones Frantzesu gelé Ingresu frozen Ispagnolu helado Italianu ghiacciato Tedescu gefroren.

bidhiàrzu , agt, nm Definitzione coment'e de bidhia, fritu, fridu meda; logu de astrau Sinònimos e contràrios arragorau, astradu, astroradu Frases sa temporada mala est infruschendhe cun súlidos de bentu bidhiarzu ◊ in cudhas dies de ierru candho frúsciat su bentu bidhiarzu rechedit su fogu 2. finamentra sos bidhiarzos de sos montes prus artos sunt miminendhe e bi at perígulu chi benzant a s'agabbu Ètimu srd. Tradutziones Frantzesu gelé, glacier Ingresu frozen, glacier Ispagnolu helado Italianu ghiacciato, ghiacciàio Tedescu vereist, Gletscher.

frígidu , agt: frízidu, frízitu, fríxidu Definitzione chi est fridu meda Sinònimos e contràrios astradu, astraosu, fridu, frízile | ctr. caente Frases bentu frízidu: no faghet a bi abbarrare, fora! Ètimu itl. frigido Tradutziones Frantzesu gelé Ingresu frozen Ispagnolu helado, frío Italianu gèlido Tedescu eisig, eiskalt.

gelàu , pps, agt, nm Definitzione de gelai; chi est fridu meda; genia de druche fridu de papare prus che àteru in tempus caente / èssere ghelau de… = èssiri callagalla de… Sinònimos e contràrios beladu, cagiau | ctr. iscagiau 2. in buca li dabat fastídiu sa saliba ghelada ◊ in su pinnetu su locu est ghelau de fumu ◊ sa pratza est ghelada de zente: no bi at locu a colare! Terminologia iscientìfica drc Tradutziones Frantzesu glace, gelé Ingresu ice-cream, icy, frozen Ispagnolu helado Italianu gelato Tedescu Eis.

«« Torra a chircare