Legenda Incurtzaduras | Legenda Sìmbulos

astràdu , pps, agt: astragau, astrau 1 Definitzione de astrare; chi est fridu meda Sinònimos e contràrios agghidhighiatu, arragorau, astroradu, bidhiarzu, merrulau | ctr. caente Frases istanote s'aera fit neta e at astradu su logu 2. ohi pitzinna astrada, ahi malassortada! ◊ totu su logu astradu est, custu manzanu: pagu su fritu chi at fatu istanote!…◊ non dia cherrer bívere tra coros mudos astraos che màrmuru Tradutziones Frantzesu gelé, glacé Ingresu frozen Ispagnolu helado, gélido Italianu ghiacciato, gèlido Tedescu gefroren, eiskalt.

àstragu , nm: astrau, àstrau Definitzione àcua cagiada de su fritu forte Sinònimos e contràrios arragore, astra, astragore, astraura, bedhia, belu, bistradu, celexia, marcóriu, scitore Frases a bandha de foras bi aiat carchi tupichedha de frores brusiada de s'àstragu ◊ titia, caèntadi chi pares unu cantu de astrau! Ètimu ltn. astratum Tradutziones Frantzesu glace, gel Ingresu ice, cold Ispagnolu hielo Italianu ghiàccio, gèlo Tedescu Eis, Frost.

candhulítu 2 , nm Definitzione candhela de astrau, comente ndhe faet candho si astrat s'abba in is istidhigadòrgios Tradutziones Frantzesu morceau de glace qui pend, glaçon Ingresu rime Ispagnolu carámbano Italianu ghiacciòlo Tedescu Eiszapfen.

gelàu , pps, agt, nm Definitzione de gelai; chi est fridu meda; genia de druche fridu de papare prus che àteru in tempus caente / èssere ghelau de… = èssiri callagalla de… Sinònimos e contràrios beladu, cagiau | ctr. iscagiau 2. in buca li dabat fastídiu sa saliba ghelada ◊ in su pinnetu su locu est ghelau de fumu ◊ sa pratza est ghelada de zente: no bi at locu a colare! Terminologia iscientìfica drc Tradutziones Frantzesu glace, gelé Ingresu ice-cream, icy, frozen Ispagnolu helado Italianu gelato Tedescu Eis.

ispíciu , nm: ispégiu, ispígiu, ispixu 1 Definitzione imbidru (o fintzes àteru materiale lisu meda e lúghidu) ue faet a si abbaidare ca torrat agoa totu is ràgios de sa lughe ammostandho giustu giustu su chi portat ananti Sinònimos e contràrios ttrs. ipíciu / ispligu Frases addescàndhela che una criatura, aviat fatu sa crapita a manna e lúchida che ispíciu Tradutziones Frantzesu glace, miroir Ingresu mirror Ispagnolu espejo Italianu spècchio Tedescu Spiegel.

isplígu , nm: isprecu, ispregu, ispricu, isprígliu, isprigu, sprigu Definitzione imbidru (o fintzes àteru materiale lisu meda e lúghidu) ue faet a si abbaidare ca lampat issegus totu is ràgios de sa lughe ammostandho giustu giustu su chi giughet ananti; nau de gente o de animale, chi lughet, chi est bellu meda / min. isprichedhu, isprighitu Sinònimos e contràrios ispíciu, mirallu Maneras de nàrrere csn: netu che isprigu = limpiu meda, che òru; isprigu de totu vista = mannu, de si bi poder bídere sa pessone intrea; èssere un'i. de totu vista (nau cun afuta o in cobertantza) = pessone metzana, pegus pagu de bonu; èssere isprigu de chentu caras (nadu de ccn.)= fartzu, chi no bi at de si fidare Frases in s'isprecu dontzunu si apómpiat e bidet comente est ◊ de s'ànima sos ojos sunt s'ispregu ◊ mi so abbaidada in s'ispregu 2. sos bitelledhos pariant isprigos, suendhe sa mamidha Ètimu ltn. spec(u)lum, *spic(u)lum Tradutziones Frantzesu glace, miroir Ingresu mirror Ispagnolu espejo Italianu spècchio Tedescu Spiegel.

«« Torra a chircare