A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

assedàre , vrb: asseghetare, asseidare, saidai* Definitzione portare su trigu messau (sede) po dh'abbigare in s'argiola; nau de is laores po comente podent crèschere, fàere bellos, a fundhos mannos, cun cambos medas Sinònimos e contràrios carrucare, carrare / abbigai, apostorzare, aggremagliare, arremiarzare / acambare.

assedhàre , vrb Definitzione fàere acostire un'animale a logu o cosa de andhare prus bene a si che cicire a cuadhu Ètimu srd.

assedhentàe, assedhetài, assedhetàri , vrb Definitzione abbarrare chietos, firmos, asseliaos o cicios a tropu, ora meda, abbasciare sa boghe Sinònimos e contràrios assebiai, assentulae Frases sa gente si fut assedhetada ca fut cumenciandu sa gara poética ◊ assedhetadí ca nci tenet creaturas innossentes!

assédhu assaédhu

assediài, assediàre , vrb Sinònimos e contràrios arrocare, incortae.

assedigàre , vrb Definitzione its, sighire? Frases ti ant a servire pro assedigare atesu atesu sos àteros frades nostros.

assédiu , nm Sinònimos e contràrios arrocamentu, assitiamentu, assítiu, incortamentu.

assedónzu , nm: asseghetonzu Definitzione su assedare o portare su trigu messau acanta a s'argiola, o a sa trébbia Sinònimos e contràrios carrugonzu, seidamentu Ètimu srd.

assefàta assafàta

asseghetàre assedàre

asseghetónzu assedónzu

assegliài assebiài

assegnoràre , vrb: assennorare, assignorare Definitzione fàere su segnore, su si crèdere segnore Sinònimos e contràrios assennoricai 2. su minore aiat fatu carchi iscola e fit su prus assennorau de sa famíllia ◊ in sos modos sunt totu assennorados (A.Piu).

asségnu , nm: assignu Definitzione suma o valore chi s'iscriet a númene de ccn. chi dha podet arretirare, genia de carta cun sa suma iscrita e chi s'intestat a ccn. impreada in parte de su dinare in muneda Tradutziones Frantzesu chèque Ingresu cheque Ispagnolu cheque, talón Italianu asségno Tedescu Scheck.

asseguradòre, asseguradòri , nm: assicuradore Definitzione prus che àteru, impresa chi faet assiguratziones Terminologia iscientìfica prf Tradutziones Frantzesu assureur Ingresu assurer Ispagnolu asegurador, compañía de seguros Italianu assicuratóre Tedescu Versicherer.

asseguradúra , nf Definitzione su assegurare Sinònimos e contràrios asseguramentu Ètimu srd.

assegurài , vrb: assegurare, assicurare, assigurare, assigurari Definitzione giare seguresa, fàere seguru fintzes in su sensu de ischire o giare a ischire cosa segura; fàere s’asseguronzu (o acabbamentu de coja); in càmbiu de una suma chi si pagat (assiguratzione), garantire unu bene si capitat de àere dannu a manera de no ndhe pèrdere su bene Sinònimos e contràrios abberguare / afiantzai, afidanzare, galentire Maneras de nàrrere csn: assiguràresi de una cosa = abbaidare, averguare, iscumbatare comente est; assegurare unu puntu (cosindhe, tessindhe) = fàghere a manera chi no iscapet, chi muntenzat e no sigat a iscontzare; assegurari sa coja = fàghere sa prima presentada, su fidantzamentu a craru Frases iscontzu su fatuzu chi aiant fatu a sa pitzinna, bi cheriat unu breve pro l'assegurare, de no ndhe li fàghere àteru ◊ no ti lu asseguro de fàghere custu intro de cras ◊ mi at assiguradu chi beniat 2. de su passadu nos ndhe asseguramus: de su venidore no ndhe ischit nisciune 3. si depent isposare, ca che sunt colaos sos tres meses dae candho si sunt assicuraos Ètimu srd. Tradutziones Frantzesu assurer Ingresu to assure Ispagnolu asegurar Italianu assicurare, accertare Tedescu sichern, versichern.

asseguraméntu , nm: assicuramentu, seguramentu Definitzione su assegurare, su giare una seguresa; fintzes genia de festa candho duos cojaos noos acrarint sa coja, faent s'acabbamentu de coja / a. de su binu = iscolomadura o càmbiu de su binu a un'àtera cuba neta de no abbarrare cun sa feghe Sinònimos e contràrios assecuronzu, asseguradura Ètimu srd. Tradutziones Frantzesu assurance Ingresu assurance Ispagnolu aseguramiento Italianu assicuraménto Tedescu Versichern.

asseguràre assegurài

asseguratziòni , nf: assicurassione, assiguratzione Definitzione su assegurare, nau mescamente de sa suma chi si pagat po garantire unu bene e de su prémiu chi si ndhe podet tènnere in càmbiu si capitat de àere dannu: est fintzes s'impresa chi faet custa faina de assegurare; nàrrere o giare una cosa coment'e segura Sinònimos e contràrios asseguramentu, seguresa / segurtade Tradutziones Frantzesu assurance Ingresu assurance Ispagnolu seguro Italianu assicurazióne Tedescu Versicherung.