arrampóriu , nm: rampóriu Definitzione sa famíglia, totu sa parentella Sinònimos e contràrios aredeu, arénsia, arrampile, arrempógliu, arrépula, iscratza, iscrípia, istripile Frases is arrampórius de tzius tuus ◊ ascurta tui, fillu de arrempóriu de genti forti! Ètimu srd.
arràmpu , nm: rambu* Definitzione
de s’ispartzidura de una mata de grughes in pitzu, sa de tres partes, tra is naes e sa fògia, is cambos prus fines
Sinònimos e contràrios
allixedha,
arrama,
cambigiolu,
càmbuli,
chimmutzu,
ratu 1
Frases
un'arrampu de basolu, arrampus de murta
Terminologia iscientìfica
rbr
Tradutziones
Frantzesu
petit rameau
Ingresu
twig
Ispagnolu
ramita
Italianu
ramoscèllo
Tedescu
Zweiglein.
arrampudhíre , vrb: rampudhire* Definitzione bogare rempudhos, cambu nou; su naschire, su essire de s'erba, bogare sa tzeurra Sinònimos e contràrios rampudhare / apillonai, inceurrare, rupire, tidhire.
arrampudhíu , agt: arrempudhiu,
arrepudhiu Definitzione
chi est in pudhu, inganatzidu, fintzes bestiu bene
Sinònimos e contràrios
alleputzau,
galosu,
inganatzidu
Frases
su bírdiu fiat un'ómini arrampudhiu e sena de rispetu perunu po sa fillasta (F.Carlini)◊ nara, o piciochedhu… ge non ast a èssi tropu arrampudhiu, chi bolis intrai aundi est filla mia?!…◊ ma càstia, est béciu ma barrosu e arrampudhiu, circhendi fémina po si torrai a cojai!
Ètimu
srd.
Tradutziones
Frantzesu
ragaillardi
Ingresu
cocky
Ispagnolu
engreído
Italianu
ringalluzzito
Tedescu
eitel.
arrampungiài , vrb Definitzione its Frases nci arrampúngiu o no nci arrampúngiu? stau ca est una potacaria, custa!
arramputzadúra , nf Definitzione su arramputzare Ètimu srd.
arramputzàre , vrb Definitzione
campare a sa bona, comente male si podet, cun pagu cosa
Sinònimos e contràrios
agentziare,
campitzare,
ingeniai
Tradutziones
Frantzesu
vivoter
Ingresu
to scrape a living
Ispagnolu
ir tirando
Italianu
vivacchiare
Tedescu
sich schlecht und recht durchschlagen.
arràmu arràma
arramungiàu , nm: arremungiau, ramungiau Definitzione calidade de bide chi faet àghina bianca Sinònimos e contràrios albaranzéliu Frases s'arramungiau est apretziau po donai a su nuragus unu sainetu prus dilicau.
arramustài , vrb: arremustai, arremustare, arrimustare, ramustai Definitzione betare binu béciu a sa binatza, betare mustu a su binu béciu / cadinu de arremustai = arremustradoxa, un'ispétzia de iscartedhu mannu chi serbit po ndi bogai su mustu de is tinas candu est ancora cun sa binatza Ètimu spn. remostar.
arràna aràna
àrrana àrna
arranagólgiu , agt, nm: arreigollu, arrenegoxu, renicozu* Definitzione renigozu, chi o chie po maladia perdet is butones o dhi abbarrant retentos, cuaos (fintzes unu ebbia); si narat fintzes de boe crastau male e chi po cussu essit gherreri e binchet su cumpàngiu.
arranàli , nm Definitzione genia de tzintzigorru mannu chentza corgiolu Sinònimos e contràrios cocoi Terminologia iscientìfica crp.
arranàu arnàu
arrànca arànca
arrancàda , nf Definitzione su arrancare Sinònimos e contràrios farrancada, frascada, iscarràfiu Ètimu srd.
arrancàdu , agt Sinònimos e contràrios aggantzadu, arrancanadu, assuriu, limidu, susuncu Frases custa est cosa chi mi ant regaladu, no sunt totu arrancados che a bois!
arrancadúra , nf Sinònimos e contràrios arrancamentu Ètimu srd.
arrancàe , vrb Definitzione coment'e aciapare o pigare s'arrancu de calecunu, nau in su sensu de assimbigiare a ccn., àere s'assimbígiu Sinònimos e contràrios assimbigiai Frases custu piciocu at arrancau a su mannoi.