A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrogàre , vrb Definizione bòllere ammalaògia, faendhosi su barrosu Sinonimi e contrari pertènnere Frasi cussu, candho est a conca de feghe, arrogat, brigat, punghet che un’agu (G.Zazzu).

arrogàu , pps, agt Definizione de arrogai; fatu a orrugos / istrada arrogada = totu a fossos siat a fortza de bi colare mezos graes e siat pro iscavos, triballos Sinonimi e contrari chimentau, secau, truncadu | ctr. intregu Traduzioni Francese cassé, brisé Inglese broken Spagnolo hecho añicos, destrozado Italiano rótto, infranto Tedesco zerbrochen.

arroghédhu , nm Definizione min. de arrogu, bículu minore Sinonimi e contrari acantighedhu, acodedhu, bículu, bucone, incuedhu, mingulitu, pitzuedhu, tanchedhu Traduzioni Francese petit morceau Inglese bit Spagnolo trocito Italiano pezzettino Tedesco Stückchen.

arroghídu , agt: arruchidu, arrughidu, arrughitu Definizione chi portat sa boghe iscannia, sorrogau, chi at pérdiu sa boghe Sinonimi e contrari aggargastatu, arragatzau, arragau, sarragau / scanniu Frasi si est intesu unu tichírriu arroghidu ◊ su preigadore est arrughidu a fortza de faedhare ◊ oe custu puzone si est cagliadu: in sa bula arruchidu est de piantu 2. tocos nobales de arruchidas campanas allejant solu pro pacu làgrimas e isperas Etimo srd. Traduzioni Francese aphone Inglese hoarse Spagnolo ronco, afónico Italiano àfono Tedesco aphonisch.

arroghigiàu , agt Definizione chi est totu iscórrios, segau, béciu Sinonimi e contrari istratzolau, irbinarjau, iscorriau, iscorriolau, ispendhuladu Frasi cussu dus portànt su barretu totu arroghigiau.

arròglia arròa

arrogliài, arrogliàre , vrb: arroliai, arroliare, arrollai, arrollare, arrolliai, arrolliare, arrulliari, orrolliare, roliai Definizione istare (o fintzes pònnere) a rólliu, a inghíriu, a rodeu de calecuna cosa, de unu logu o fintzes de una chistione, andhare a inghírios, a giru, andhare o istare a inghíriu, istare perdendho tempus, fintzes bènnere Sinonimi e contrari arrodeare, bagamundai, garronai, ingiriolai, zirandhare, zirare Modi di dire csn: èssiri arroliau = istare a arrólliu, a fiotu paris; filu ispinau arrolliau = fatu a incropadas mannas tentas apare a manera de impedire o istrobbare a colare; andai arróllia arróllia, arrolla arrolla = istare zirendhe, bagamundai Frasi is pillonis funt arroliendi a cedhas ◊ unu crou est arroliendi circhendi àcua ◊ su bendidori arróliat in is arrugas ◊ ses arroliendi de diora…: no circhis contus! ◊ sas cumpanzas l'arrólliant e li fachent festa (N.Mureddu)◊ su sero sa zente si arrolliaiat in su zannile a friscurare ◊ in s'aera comintzeit a si arrolliare custa truma de nues ◊ at a èssi fadiau totu sa dí arrolliendu cun cussa cosa a codhu! 2. dhoi arróliat coment'e unu murrúngiu de tronus atesu 3. nci at una pranta arrogliada e fata, fata e arrogliada a picu e picada, picada a picu e bivit in friscu e non sicat mai ◊ sa pobidha fut sétzia arroliada in sa bia cun is bixinus Etimo ctl. rotllar Traduzioni Francese entourer Inglese to go round, to wander Spagnolo rodear, vagar Italiano girare attórno, gironzolare Tedesco umlaufen, umherschweifen.

arrógliu , nm: arróliu, arrólliu, arrollu, rógliu Definizione su istare postos a inghíriu, su andhare a inghíriu de ccn. o de calecuna cosa (e fintzes totu su chi si narat in cumpangia, mescamente a befa, po erríere), is chi faent arróliu; logu tundhu po acorru, fossu a inghíriu de calecuna cosa; cosa fata a posta o a prou chi ponet s'ómine provocau, o pertocau in calecuna cosa, in punna de si difèndhere; genia de giogu chi faent is piciochedhos Sinonimi e contrari arrodeu, rotólliu / camarada Modi di dire csn: pònnere s'arrógliu a unu = dàreli a subra a peràulas, a briga, chircàreli contos de pagare; sartai s'arrólliu = essire dae su límite, fàghere su chi no andhat bene; fai sartai s'arróliu a ccn. = catzarechelu Frasi si avertit sa genti ca custu merí nci at un'arrólliu me in pratza ◊ bidiat un'arrólliu de cuatru bestiedhas ◊ cussu no si ammesturat in s'arrógliu nostru ◊ ant fatu s'arróliu pighendi su friscu, me in s'arruga ◊ dhi faiant s'arrólliu arriendi ◊ is pipius acostant a s'arróliu e ascurtant is contus de is mannus 2. arregordu a mamma sétzia e nosu totus a arróliu abetendi sa figumorisca candu dh'iscroxàt 3. marru sa terra a sa mata po dhi fai unu bellu arrólliu 4. is chi ant pérdiu ponint is bardúfulas aintru de un'arróliu po dhas iscudi su bincidori 5. canno l'at imbénnitu, su tzilleraju deretu li ponet s'arrógliu a li pacare su bufu ◊ si podint ispassiai, ma onestamenti, sentza de sartai s'arrólliu! Etimo ctl. rotlle Traduzioni Francese cercle, réunion Inglese group Spagnolo rodeo, corro Italiano cìrcolo, cròcchio, riunióne Tedesco Kreis, Gruppe, Versammlung.

arrogodài arragodài

arrógu , nm: orrogu Definizione donniuna de is partes de una cosa segada, crantu, bículu, ma fintzes parte de unu totu intreu / min. arroghedhu, arroghedhedhu, arroghixedhu; un'arrogu mannu = rujone; arrogu de… = nadu cun arrennegu o a menisprésiu de cosa intrea, de ccn. Sinonimi e contrari arruncu, bículu, cabone, cànciu, filchinida, istallada, pitzuedhu, rucru, strónciu, tancu / palte, tretu Modi di dire csn: tiraindi arrogu = fàghere sa cosa chentza delicadesa peruna; andaisindi a arrogus = nadu de cosa, isparfaruzàresi, andhàreche, istacàresi a cantos; calai a arrogus = nadu de bestimenta, èssere irfata, betza meda, a cantos, cossumida; fai cosa a arrogus e a mússius = a tretos, a iscutas, no totu pínnigu Frasi papai un'arrogu de pani, de petza, de casu ◊ poni duus arrogus de linna a su fogu! ◊ pigu un'arrogu de giornali po allúiri su fogu 2. ant bombardau s’arrogu de mari ananti de sa citadi ◊ po unu bell'arrogu sa costera àrtziat cun d-unu péndinu longu e addasiau (R.Spissu)◊ de su contu nd'apu inténdiu un'arrogu ◊ cun custus arrogus de iscedas si podit fai un'istória ◊ de sa ventana si bit un'arrogu de sa pineta 3. apu a arrespundi a cust'arrogu de paperi chi mi ant presentau ◊ arrogu de molenti, baidindi! ◊ si dha portamu dèu cuss'arrogu de divisa biat ca si pinnigànt, is itzaracus!… 4. fai abbellu, ca ndi tiras arrogu! ◊ cussu narat fuedhus chi ti ndi tirant s'arrogu! ◊ a giovunedhu at lassau s'ànima a arrogus me in sartu, pascendi crabas Traduzioni Francese morceau Inglese piece Spagnolo trocito, pizca Italiano pèzzo, brandèllo Tedesco Stück.

arròi arròali

arròi 1 arròere

arroidòri , agt: orroidori Definizione chi si papat sa cosa, nau de animales, o de abba e àcidos chi atacant minerales e metallos Etimo srd. Traduzioni Francese rongeur, corrosif Inglese corrosive Spagnolo roedor Italiano roditóre, corrosivo Tedesco nagend, fressend.

arroidúra , nf: roidura Definizione su papíngiu a arrasigadura cun is dentes chi faent unos cantu animales; su papíngiu chi faent s'abba e is àcidos in minerales e metallos Sinonimi e contrari arróigu, arroimentu, róida Etimo srd. Traduzioni Francese rongement, corrosion Inglese corrosion Spagnolo roedura, corrosión Italiano roditura, corrosióne Tedesco Fressen.

arróigu , nm Sinonimi e contrari arroidura, róida Etimo srd.

arròili arròali

arroiméntu , nm: roimentu Sinonimi e contrari arroidura, arróigu Etimo srd.

arroína , nf, nm: arroinu, arruina, arruinu, arrúnia, orroina Definizione s'óssidu de su ferru, ossígenu cun ferru; nau in cobertantza, murrúngiu, disacórdiu tra personas; genia de maladia, coment'e orruina, chi ponet a is matas, a sa fògia de su trigu Sinonimi e contrari arruíngiu, arrúngia 1, orrúngiu / bria, disacórdiu Frasi s'arruina de is acious ◊ su ferru si dh'at papau s'arroina 2. a mimi pagu gei mi nd'importat de is arruíngius insoru! Cognomi e Proverbi prb: gortedhu chi segat non ponit arrúnia Etimo srd. Traduzioni Francese rouille Inglese rust Spagnolo herrumbre Italiano rùggine Tedesco Rost.

arroinàre , vrb: arrovinai, arruinai, arruinare, orroghinare, roghinare* Definizione fàere dannu a una cosa, a unu, de mala manera, de no ndh’èssere prus bonu Sinonimi e contrari abbutinare, azinare, derrocai, derrúere, dissantarare, ifasciare, iscempiai, isciarrocai, isciusciai, istrassare, istrossare | ctr. agiudai Frasi tilipirche maltzosu e matiggrogu, tue arroinas dogni cristianu! (P.Masia)◊ a unu massaju, si che li furant sos boes est a l'arruinare Traduzioni Francese ruiner, abîmer Inglese to ruin Spagnolo arruinar Italiano rovinare Tedesco beschädigen.

arroinósu , agt Definizione ruinzosu, chi portat orruina, nau de ferru, orruinau / colori a. = de ruinzu Sinonimi e contrari ruinzosu 2. una pudha de colori arroinosu dha naraus murdeghina (G.Pili).