A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lambícu , nm: limbicu, limmicu Definitzione aparíciu chi serbit a limbicare ccn. cosa (es. binu), fatu de duas partes: un'istrégiu chi si ponet in su fogu cun sa cosa de limbicare, totu tupau bene sidhiu, e unu tubbu chi essit de s'istrégiu, fatu a caragolu e passau in mesu de s'abba frida ca deasi su vapore chi si format aintru budhindho de s'istrégiu torrat a lícuidu comente s'ifridat passandho Sinònimos e contràrios distilladore Frases boint obbrigai sa genti a ponni totus lambicus nous punciaus de su guvernu Ètimu itl. Tradutziones Frantzesu alambic Ingresu alembic Ispagnolu alambique Italianu alambicco Tedescu Destillierkolben.

lambidèsa , nf Definitzione su èssere làmbidos Sinònimos e contràrios agudéntzia, asuréntzia, asuria, asurímini, lambidore, limiore Frases bio petzi nues nighedhas lubadas dae sa lambidesa de sa zente! ◊ in custu mundhu fràzicu de lambidesas s'ómine cheret bínchere s'ómine, su tortu su zustu, su malu su bonu.

lambidòre , nm Sinònimos e contràrios lambidesa Frases candho at intesu de totu cuss'oro si li sunt allutos sos ogros de lambidore ◊ su tziculate li aggradait a machine ma lassait pèrdere su lambidore suu Ètimu srd.

làmbidu , agt, nm: làmbridu, làmpidu Definitzione chi o chie disígiat e bolet meda o totu issu; chi est disigiau / l. de potéssia = chi bolet cumandhare Sinònimos e contràrios aframicosau, agganau, agganidu, disigiosu, famidu, irfamigadu, làmbidu, soriolu 2. su mele est cosa làmbida meda Ètimu ltn. languidus Tradutziones Frantzesu avide, gourmand Ingresu greedy, gluttonous Ispagnolu ávido, avaricioso, codiciado, glotón Italianu àvido, golóso Tedescu gierig.

lambigàda , nf Definitzione su lambrigare, làmbriga Frases po mei mancu lambigada, sendu tristu lastimau (G.Solinas) Ètimu srd.

làmbria , nf: làmbriga Definitzione una genia de abba chi bogant is gràndhulas de s'ogu; fintzes cosighedha pagu pagu, istídhigu de cosa (sudore, lentore), is granos de s'orrosàriu Sinònimos e contràrios làcrima* / botiu, guta 1, gutiu, lútiu, lútria, istidha, istídhigu Frases dhi calat, no dhi calat làmbriga ◊ connoscis cantus làmbrias mi ant fatu marigosu su pani! ◊ dhi calat dogna làmbriga che cariasa!… 2. s'afetu no est solu montovadu in sa moda de otavas e tertzinas ma lítzitu che làmbrias cristallinas (G.Ruju)◊ dha gradessis una lambrighedha de cafei? ◊ che chisina in sas àeras frundhida no siat custa làmbriga de vida! (A.Brundu) Tradutziones Frantzesu goutte Ingresu drop Ispagnolu gota Italianu stilla, gócciola Tedescu Tropfen.

lambrídu , agt: allambridu, limbridu Definitzione chi si papat o bufat totu, chi no ndhe lassat a is àteros Sinònimos e contràrios aframicosau, agganau, famidu, irfamigadu, làmbidu / allimbridu, allupidu, bentranu, inguglione, pasteri, sassagoni Frases duos lambridos a unu tazeri no andhat mai bene! Terminologia iscientìfica ntl Ètimu srd.

làmbridu làmbidu

lambridúra , nf Definitzione su èssere lambridos Sinònimos e contràrios bentrania, ingorrosia, inguglionia, ingurtionia Frases sa lambridura lu giughet a su fossu primmu de s'ora ◊ est manighendhe a pianu, chena lambridura Ètimu srd. Tradutziones Frantzesu gloutonnerie, goinfrerie Ingresu greediness Ispagnolu voracidad, avidez Italianu ingordìgia Tedescu Gier, Gierigkeit.

làmbriga làmbria

lambrigadúra , nf Sinònimos e contràrios lagrimadura Ètimu srd.

lambrigài, lambrigàre , vrb: lambrigare Definitzione nau de un'ogu arteriau, sumire, bogare làmbrigas, fàere a làmbriga; fintzes prànghere Sinònimos e contràrios lacrimare*, piànghere 2. acabbamidha de lambrigai!

lambrigaméntu , nm Sinònimos e contràrios lagrimadura Ètimu srd.

lambrigàre lambrigài

lambrighitài, lambrighitàre , vrb Definitzione prànghere, fàere calecuna làmbriga Sinònimos e contràrios lacrimare, lambrigai, piànghere Ètimu srd.

lambrighitósu , agt Definitzione chi portat calencuna làmbriga; nau de su tempus, de s'àera, chi est faendho istídhigos, istidhigandho Sinònimos e contràrios lacrimosu Ètimu srd.

lambrighítu , nm Definitzione su lambrighitai, prantighedhu Sinònimos e contràrios ciúnchiu, lamentu Ètimu srd.

lambrigósu , agt Definitzione chi est a làmbriga, lambrigandho, nau de is ogos Sinònimos e contràrios lacrimosu, lambrighitosu Frases po curpa de su fumu portu is ogus lambrigosus Ètimu srd.

lambríre , vrb Definitzione papare a s'airada Sinònimos e contràrios allimbrare, irrujonare, limbrire Ètimu ltn. lambere Tradutziones Frantzesu manger comme un goinfre Ingresu to eat greedily Ispagnolu engullir Italianu mangiare con ingordìgia Tedescu verschlingen.

lambúga , nf Definitzione genia de animaledhu longu, cantu su podhighitu, chi bogat is corros e faet su saliàciu che a su tzintzigorru, ma no portat corgiolu Sinònimos e contràrios mammagorra, sassaluga 2. cussu est una lambuga, prodhincu, bovu e culu grai ◊ est tontu che una lambuga Terminologia iscientìfica crp, arion rufus, a. ater, a. circumscriptus, a. subfuscus, limax cinereo-niger, lehmannia marginata, malacolimax tenellus Tradutziones Frantzesu limace Ingresu slug Ispagnolu limaza, babosa Italianu limàccia Tedescu Egelschnecke.