A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

assòlta 1 , nf: assorta Definitzione su assòlvere; su perdonu chi si giaet po is pecaos cufessaos; pregadoria Sinònimos e contràrios asciollidura, assolucione, peldonu | ctr. cundenna Frases lu cunfesseit, tandho, Bachis Múrtinu, li fateit unu sinnu de rughe e li deit s'assolta (P.Pillonca) 2. cudha die de sos santos semus recitendhe sas assortas Tradutziones Frantzesu absolution Ingresu absolution, acquittal Ispagnolu absolución Italianu assoluzióne Tedescu Absolution, Freispruch.

assóltu , pps: assortu Definitzione de assòlvere Sinònimos e contràrios assólvidu Frases s'incurpadu fit isse, pro cussu dannu, ma su tribbunale l'at assortu.

assoluciòne , nf: assolussione, assolutzione, assolutzioni Definitzione su perdonare is pecaos; su lassare líbberu, o dichiarare innocente, a unu chi benit connotu, de su tribbunale, de no àere fatu su chi dhi ant incurpadu Sinònimos e contràrios asciollidura, peldonu, sciollatzioni | ctr. cundenna Tradutziones Frantzesu absolution Ingresu absolution, acquittal Ispagnolu absolución Italianu assoluzióne Tedescu Absolution, Freispruch.

assolumàncu assalumàncu

assolussiòne assoluciòne

assolussonàre , vrb Definitzione giare s'assolutzione, su perdonu de is pecaos Sinònimos e contràrios asciolli, assòlvere | ctr. cundennai.

assolutamènte, assolutamènti , avb Definitzione de una manera chi no ammitit nudha in contràriu Tradutziones Frantzesu absolument Ingresu absolutely Ispagnolu absolutamente Italianu assolutaménte Tedescu unbedingt.

assolútu , agt Definitzione chi est deasi e bastat, sèmpere, chi no ammitit farta peruna / zero a. = temperadura a 273 °C asuta de su zero, candho is molècolas de sa matéria no si movent prus in nudha (e no faet a bíere cambiamentu coment'e candho sa matéria, cun s'aumentu de sa temperadura, passat de s'istadu sólidu a su lícuidu e a su gassosu e is molècolas si movent sèmpere de prus e s’istésiant de pare) Frases sa promissa de Deu fata cun d-un'avincu diventat assoluta Tradutziones Frantzesu absolu Ingresu absolute Ispagnolu absoluto Italianu assoluto Tedescu absolut.

assolutziòne, assolutziòni assoluciòne

assòlvere , vrb: assòlviri Definitzione foedhandho de incurpaos chi dhis ant fatu su dibbatimentu, o de chie cufessat is curpas suas, mandhare o lassare andhare perdonau, bogare líbberu, dichiarare innocente / pps. assoltu, assortu, assólvidu Sinònimos e contràrios asciolli, assolussonare, perdonai | ctr. cundennai Ètimu ltn. assolvere Tradutziones Frantzesu absoudre, acquitter Ingresu to absolve, to release Ispagnolu absolver Italianu assòlvere Tedescu befreien.

assólvidu , pps Definitzione de assòlvere Sinònimos e contràrios assoltu.

assòlviri assòlvere

assomàre , vrb Definitzione carrigare, pigare somas; aciúnghere Sinònimos e contràrios carrugare 2. balente est chie li bocat de capu, de víere, antes de si nche assomare sa tassa chi lu rughet imbreacu.

assomizàre assemizàre

assonajolàu , agt Definitzione nau de animale, chi portat o dhi ant postu sonajolu, sonàgia; nau de gurdone de àghina, chi portat su pibione totu fodhe, imbuidau ca si dh'at papau s'espu Sinònimos e contràrios sonazadu Ètimu srd.

assonazàre , vrb: sonaxae Definitzione pònnere is sonàgias a is animales; in cobertantza, pigare a befa, in giru Sinònimos e contràrios acampanedhai, apitiolai, ferrai / befai, ciacotai Frases fui assonazanne sas albeghes (Z.Porcu) Ètimu srd.

assònca antzònca

assonetàdu , agt Definitzione fatu a sonete, totu a pinnigas che sonete Sinònimos e contràrios abbirgadu, ingajau, picioncau Ètimu srd. Tradutziones Frantzesu plissé Ingresu pleated Ispagnolu plisado Italianu pieghettato Tedescu gefältet.

assonnàda , nf Definitzione dormia, sultu, su dormire, unu tanti de oras de sonnu Sinònimos e contràrios drommida, ghilimada, sonnighera, súrtidu Frases drommiat a s'abbizu e tra un'assonnada e s'àtera essiat a compudare sos boes (G.Brocca) Ètimu srd.

assonniàda , nf Definitzione su èssere chentza pentzamentos / istare a s'a. = abarrai o èssiri trancuillus Sinònimos e contràrios ispinnícu Ètimu srd. Tradutziones Frantzesu insouciance Ingresu thoughtlessness Ispagnolu despreocupación Italianu spensieratézza Tedescu Sorglosigkeit.