A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

uscràda , nf Definitzione su auscare, su abbruschiare (pruschetotu is porcos po sa tzudha) Sinònimos e contràrios abbruschiadura, sumuscradura, usciamentu Frases fachendhe s'uscrada de su porcu si che catzant sas ungras ancora budhias Ètimu srd.

uscradéu ulciaréu

uscradína, uscradínu usciadína

uscradòre usciadòre

uscradórju, uscradórzu usciadórzu

uscradúra usciadúra

uscrài, uscràre ulciàre

uscraréu ulciaréu

uscratína usciadína

uscràu usciàdu

uscrédu , nm Sinònimos e contràrios ulciareu.

úscridu , nm Definitzione linnighedha fine po allúere fogu e auscare porcos Sinònimos e contràrios allughinzu, imbiescimentu, iscabitu, istibitu, usciadina Ètimu srd.

uscrónzu , nm Sinònimos e contràrios usciadura, uscinzu Ètimu srd.

uspía , nf: ispia* Definitzione chie narat, iscóviat, su chi ischit a ccn. cunsiderau inimigu, chie traighet s'àteru ponendhosi a sa parte de s'inimigu, de chie dhi bolet male Sinònimos e contràrios aporridore, bugoni, coni, medianeri Frases in locos nostros a dare una manu a sa zustíssia che ndhe secat una a s'amicu: a chie lu fachet lu mutimus "uspia"! ◊ a una parte fint pastores e bandhios: a s'àtera zustíssia e uspias, odiadas prus de sa zustíssia matessi.

uspidàle, uspidàli , nm: ispidale*, ospedali Definitzione logu cuncordau de pòdere atèndhere e curare malàidos Frases candu ses aintru de cussu scuémpiu de logu, in s'uspidali, t'intendis aici… ti paris prus malàdiu de su chi ses! ◊ seu intrada in s'uspidali e fata s'operatzioni!

uspilàre , vrb Definitzione lassare singiale, uspile, de calecuna cosa, lassare s'iscóviu, s'arrastu Frases giai si biet chi ant uspilau in cue, cun totu cussos ossos chi ant lassau! 2. su padente est uspilau de landhe (B.Fadda).

uspíle , nm Definitzione arrastu, tràvigu, su chi abbarrat o chi lassant de calecuna cosa e atrogat su chi fut Sinònimos e contràrios arrasta, iscóbiu Frases ant lassau uspile de su bestiàmine furau ◊ in sa crica de su bestiàmine ant agatau s'uspile (B.Fadda).

ússi! , iscl Definitzione boghe chi si betat a pudhas e pigiones po che dhos fàere fuire Sinònimos e contràrios isciú! Ètimu srd.

ussiàre , vrb Definitzione giagarare, fàere fuire, bogare a fora Sinònimos e contràrios agegherai, isciuliai, salargiare Frases a sa ganosa fera inchietu zúbilo e ussiàndhela de mala manera dae supra de mene che l'iscúbilo (A.G.Solinas)◊ sa musca l'ussiabat chin sa manu ma no si la podiat catzare e li bolabat de unu càvanu a s'àteru Ètimu srd.

ussichédhu , nm: ossichedhu Definitzione min. de ossu, ossu piticu.