A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

proportzionàu , pps, agt Definitzione de proportzionare; chi est fatu cunforma a calecuna cosa.

proportziòne, proportziòni propoltziòne

proposía , nf Definitzione genia de abbussinu, maladia chi faet a seberadura coment'e de abbadúgia a inghíriu de su coro, de is prumones e àteru Terminologia iscientìfica mld Tradutziones Frantzesu hydropisie Ingresu hydropsy Ispagnolu hidropesía Italianu idropisìa Tedescu Wassersucht.

propósitu prepósitu

propositziòne, propositziòni , nf Definitzione su mínimu cuncordu de foedhos po nàrrere calecuna cosa, unu pentzamentu o un'idea de si cumprèndhere, su pentzamentu deasi comente si narat (o si podet nàrrere) cun is mínimos foedhos necessàrios po giare a cumprèndhere un'idea: est sèmpere cuncordada cun d-unu suzetu, chi inditat ite o chie est s'atore, e unu verbu o predicadu, a solu o cun àteru, chi giaet s'idea de ite faet o comente o inue est su sugetu (a bortas, segundhu comente, mescamente in is arrespostas, podet mancare s'unu o s'àteru e ambos duos puru) Sinònimos e contràrios frasa Tradutziones Frantzesu proposition Ingresu proposition Ispagnolu proposición Italianu proposizióne Tedescu Satz.

propòsta , nf Definitzione cosa chi si narat in s'idea de dha bòllere fàere, po dha fàere, prus che àteru candho su dha fàere dipendhet deunudotu o in parte de àtere o a dónnia modu arrechedit un'acórdiu Sinònimos e contràrios imposta, proponimentu

propriànu probiànu

propriedàde, propriedàdi propiedàde

proprietàriu propietàriu

própriu própiu

proràta porràta

pròri piòere

pròroga , nf Definitzione allonghiamentu de unu tempus, su tempus in prus chi si giaet po pòdere fàere calecuna cosa.

prorogài, prorogàre , vrb Definitzione giare pròroga, giare prus tempus po fàere una cosa, mescamente unu dovere.

pròsa , nf Definitzione totu s’iscritura fata chentza abbaidare a régulas de poesia (es. rima), che a su foedhare prus manigiau, abbaidandho prus che àteru a nàrrere bene a sa ladina s’idea chi si tenet in mente Tradutziones Frantzesu prose Ingresu prose Ispagnolu prosa Italianu pròsa Tedescu Prosa.

prosadòre, prosadòri , nm Definitzione iscritore in prosa.

prosài, prosàre , vrb Definitzione iscríere in prosa; foedhare tropu a irmasionu, coment'e iscurtandhosi donniunu issu etotu 2. ma cussu dha prosat, lah!…

próscimu , agt, nm Definitzione its / sa spiga est in próscimu = su trigu est apunta a ispigare 2. tia Sípiri fut de saludi próscima, istrígili ma prena de fantasia (G.Moi).

prósitu , nm Definitzione genia de augúriu, de Bonu proe! Frases tra poetastros e tra poetedhos chi onore faghent a sa limba sarda de prósitu pro totu apo faedhos (A.Pinna)◊ benit sa sogra e li faghet sos prósitos a sa chi fit in su letu.

pròso , nm Definitzione sa natura de sa fémina Sinònimos e contràrios bodhodhu, brodho, cunnu, piricochedhu, piricocu, porposeo Ètimu itl. proso.