A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

estermíniu , nm Sinònimos e contràrios destrossa, istralia, macedhu, salina 2, strossa

estérnu , agt, nm Definitzione chi est de fora, sa parte de fora de una cosa, de unu logu Sinònimos e contràrios foranu / fora.

ésteru , nm, agt Definitzione àteru istadu, su logu de un'àteru istadu, su logu fora de is làcanas de un'istadu; chi est de un'àteru istadu Sinònimos e contràrios forasteri Tradutziones Frantzesu étranger Ingresu abroad, overseas, foreign countries Ispagnolu extranjero Italianu èstero Tedescu Ausland, ausländisch.

estética , nf Definitzione sa bellesa po comente si parent is cosas; istúdiu de s'arte, de totu su chi podet èssere arte.

estéticu , agt Definitzione de s'estética.

èsti èsta

estiàles , nm pl: bestiales, istiales Definitzione genia de cambaledhu, is cartzas de furesi, in su costúmene de s'ómine Sinònimos e contràrios brutzighinus.

estièdhi estepèdhi

estiéri , nm: istieri Definitzione genia de sustàntzia chi bogant is abes po nutrimentu a s'abe reina Sinònimos e contràrios ataruja, galileu Tradutziones Frantzesu gelée royale Ingresu royal jelly Ispagnolu jalea real Italianu pappa reale Tedescu Gelée royale.

estighíta , nf Sinònimos e contràrios bertighita.

éstigu , agt Definitzione nau de animale fémina, chi no impríngiat Sinònimos e contràrios iltóigu, istóbbile.

estiméntu , nm, nf: beltimenta*, vestimenta Sinònimos e contràrios bestiàriu, pignos Frases sos estimentos suos funtis diventaos pulios.

estimméi , avb: istimmei Definitzione mi paret chi… Sinònimos e contràrios abbisomeu, incàpada, nachi Frases estimmei mi as intzertadu sa cura!

éstimu , nm Definitzione istúdiu po pretziare terrenos o àteru interessu, pretziare cantu podet rèndhere.

estíu , nm: istiu* Sinònimos e contràrios istade.

èstone , agt, nm Definitzione chi pertocat s'Estónia, chi o chie est de s'Estónia Tradutziones Frantzesu estonien Ingresu Estonian Ispagnolu estonio Italianu èstone Tedescu estnisch, Este.

estràle , nf: bestrale, istrale Definitzione aina manna po segare o isperrare linna, fata a lama a forma de triàngulu Sinònimos e contràrios àscia 1, destrale*, ghistrale, segura.

estràtu , nm: istratu Definitzione sa sustàntzia chi si ndhe bogat seberada de calecuna cosa; paperi o documentu cun is datos prus importantes de unu contu, de una chistione, de una situatzione; riassuntu de un'òpera (o fintzes parte fata abbandha).

estremagiógu , nm Definitzione cosa chi si cuncordat o trassat po pigare o bínchere a ingannu a ccn. Sinònimos e contràrios abberintu, cadràbula, cumpoltura, imbovu, ingànniu, tràglia, tramòglia, trampa, trapassa, transa, trastamèngia, treta, troga Ètimu itl. Tradutziones Frantzesu stratagème Ingresu stratagem Ispagnolu estratagema, ardid Italianu stratagèmma, intrallazzo Tedescu List, Rank.

estremàu , agt: stremau Definitzione chi est de calidades bonas meda, chi tenet is méngius calidades, chi est mannu mannu Sinònimos e contràrios estremosu, meravizosu, primorosu Frases custus funt estremaus e dignus cantoris de cida santa Ètimu spn. Tradutziones Frantzesu excellent Ingresu excellent, supreme Ispagnolu extremado Italianu sómmo, eccellènte Tedescu vortrefflich.