diósu , agt, nm Definitzione
chi est bellu, galanu meda, agiummai unu deus / su diosu, sa diosa = s'ammorau, s'ammorada
Sinònimos e contràrios
ammoradu
/
divinu,
divu
Frases
frisca e diosa che unu fiore ti disizo e bido inue ses
Tradutziones
Frantzesu
amoureux
Ingresu
in love (with s.o.),
lover
Ispagnolu
enamorado
Italianu
innamorato
Tedescu
Liebhaber
diotría , nf Definitzione misura de is grados de sa vista.
diótu debótu
diótzesi diócesi
dipaciàre , vrb: dispaciai,
dispaciare,
dispatzare Definitzione
fàereche andhare o bogare sa gente; rfl. andharesindhe
Sinònimos e contràrios
caciare,
disgagiai,
disocupai,
lissentziare
/
dispedire
| ctr.
acasagiai,
arrecire,
coglire
Frases
dae cussu logu a tie ti ndhe dipàciant! ◊ serrat sa gianna e mi dispàciat ◊ che l'at dispaciadu ca no lu cheriat prus ◊ isse retzit a totugantos, no che dispàciat mai a nisciunus ◊ no dhos chelzo e che dhos dispatzo
2.
a sos operajos che los ant dispaciados dae sa fràbbica ca nachi la deviant serrare
3.
apenas si est dispatzau dae su parde est andhau cara a sa domo de sa fémina
Ètimu
ctl., spn.
despatxar, despachar
Tradutziones
Frantzesu
expulser,
mettre (dehors)
Ingresu
to drive away
Ispagnolu
alejar
Italianu
scacciare,
mandar via
Tedescu
verjagen,
vertreiben.
dipartimentàle , agt Definitzione de su dipartimentu, chi pertocat unu dipartimentu.
dipartiméntu , nm Definitzione ispartzidura, parte de un'organizatzione chi pertocat unu logu o una genia de istúdios e iscolas.
dipendènti, dipendhènte dependhènte
dipendhéntzia dependhéntzia
dipèndhere, dipèndiri depèndhere
dipennéntzia dependhéntzia
dipésu , pps Definitzione de dipèndhere, dipéndiu Frases napu annapadu e de napos dipesu e ca ses napu non ti ses cumpresu! (T.Barracu)◊ s'àlvure genealógicu ndhe bogas pro mi narrer da'ue so dipesu (Cubeddu).
dipintadòre , nm Definitzione chie dipintat, chie faet dipintos, pinturas Sinònimos e contràrios dipintore, pintore.
dipintòre , nm Definitzione chie faghet dipintos, chie est bonu a pintare Sinònimos e contràrios dipintadore, pintore.
diplòma , nm Definitzione certificau, paperi chi atrogat s'istúdiu chi unu at fatu Frases bolint mandai is fillus a iscola po dhis fai pigai unu diploma.
diplomài, diplomàre , vrb Definitzione fàere s'istúdiu o mandhare a istudiare po pigare su diploma.
diplomàticu , agt, nm Definitzione chi pertocat sa pulítiga internatzionale de un'istadu; chie rapresentat unu guvernu in àteros istados.
diplomàu , pps, agt, nm Definitzione de diplomare; chi o chie tenet diploma.
dipósitu depósitu
dipròma diplòma