arreguadòri , agt, nm Definitzione chi o chie istat arregollindho e chistindho sa cosa, chi no che fúliat nudha Sinònimos e contràrios arreguanti, straviadori | ctr. istrubberi Ètimu srd.
arreguài , vrb Definitzione chistire, arregòllere, ma nau fintzes po si tènnere a contu, pentzare a sa salude, manigiare sa cosa a régula (mescamente in su sensu de s'arrispàrmiu)/ arreguaisí = arregalaisí, tènnere contu; arreguau agt. = regulau, fatu o manigiau cun critériu Sinònimos e contràrios acurumai, allogae, aorrai, arregulai, coltoire, straviai, stugiai Frases a iscriri arréguat sa língua e dhi permitit de andai atesu meda!◊ is féminas ant arreguau is istrexus ◊ cussu ascurtat e arréguat ◊ a tui ti arregu is drucis prus bellus ◊ cussu cannonau seus arreguendidhu po su batiari 2. mali arreguendi sa passiéntzia, issa est in abetu de sa vetura chi ndi dha depit pigai 3. su pigiama tocat a dhu lassai arreguau in su cadàsciu ◊ teniat dinai arreguau in domu e in banca ◊ arrégua s'àcua de su grifoni!◊ tocat a si arreguai in ciú bufai 4. in cià natura totu est bèni arreguau (S.D'Arco)
arreguànti , agt, nm Definitzione chi o chie arréguat, chistit Sinònimos e contràrios arreguadori | ctr. istrubberi Ètimu srd.
arreguberàre , vrb: recuberai* Definitzione torrare in posse de calecuna cosa chi si fut pérdia, o de fortzas o capacidades bennias mancu Frases a su preide cuasi dhi calat guta, sidhiu, ma che arrennessit a si arreguberare.
arrégula , nf: regla* Definitzione
idea o fintzes una genia de lei chi serbit coment'e ghia de su cumportamentu, de su fàere sa cosa; aina, orrugu de cosa po fàere síngias deretas
Sinònimos e contràrios
critériu
/
arriga
Frases
no as iscípiu portai s'amori cun arrégula!
Tradutziones
Frantzesu
règle
Ingresu
straightedge
Ispagnolu
regla,
reglón
Italianu
règola,
règolo dei muratóri,
riga
Tedescu
Regel,
Richtscheit,
Lineal.
arrégula 1 , nf: régula 1 Sinònimos e contràrios réula, traigógiu Frases in sa porta de santa Maria tres arrégulas dhue aiat, tres arrégulas cantendhe!
arregulài , vrb: regulai* Definitzione
pònnere o portare arrégula, fàere una cosa cunforma a un’arrégula; fàere a manera de no perdimentare sa cosa, de no ndhe pònnere tropu, de no fàere male
Sinònimos e contràrios
addatai,
afrenai,
medrare,
medrire,
moderai
Frases
candu lompint dhus bis e ti as a arregulai! ◊ po èssi prus seguru mi depu arregulai
Tradutziones
Frantzesu
régler,
régulariser
Ingresu
to regulate
Ispagnolu
regular
Italianu
regolare
Tedescu
regulieren.
arregulàu , pps, agt: reguladu Definitzione de arregulai; chi faet is cosas cun critériu, a régula, bene Sinònimos e contràrios | ctr. irreguladu 2. – Su dotori, seu tropu grassu: comenti fatzu a torrai mabi? – Papit arregulau!
arreguléri , agt Definitzione chi est arregulau, chi si régulat, arrespàrmiat Ètimu srd.
arregulítzia arregalítzia
arregulliài , vrb Sinònimos e contràrios inditai Frases apu domandau unas cantu pressonas de profetu ma no mi ant iscípiu arregulliai nudha!
arregurtzài arregortzài
arrèi arrèghere
arrèidi arède
arreidòri arraidòri
arreíga arraíga
arreigài arraigài
arreighína arradichína
arreigóllu arranagólgiu
arreigràxa arraigàgia