arreguadòri , agt, nm Definition chi o chie istat arregollindho e chistindho sa cosa, chi no che fúliat nudha Synonyms e antonyms arreguanti, straviadori | ctr. istrubberi Etymon srd.
arreguài , vrb Definition chistire, arregòllere, ma nau fintzes po si tènnere a contu, pentzare a sa salude, manigiare sa cosa a régula (mescamente in su sensu de s'arrispàrmiu)/ arreguaisí = arregalaisí, tènnere contu; arreguau agt. = regulau, fatu o manigiau cun critériu Synonyms e antonyms acurumai, allogae, aorrai, arregulai, coltoire, straviai, stugiai Sentences a iscriri arréguat sa língua e dhi permitit de andai atesu meda!◊ is féminas ant arreguau is istrexus ◊ cussu ascurtat e arréguat ◊ a tui ti arregu is drucis prus bellus ◊ cussu cannonau seus arreguendidhu po su batiari 2. mali arreguendi sa passiéntzia, issa est in abetu de sa vetura chi ndi dha depit pigai 3. su pigiama tocat a dhu lassai arreguau in su cadàsciu ◊ teniat dinai arreguau in domu e in banca ◊ arrégua s'àcua de su grifoni!◊ tocat a si arreguai in ciú bufai 4. in cià natura totu est bèni arreguau (S.D'Arco)
arreguànti , agt, nm Definition chi o chie arréguat, chistit Synonyms e antonyms arreguadori | ctr. istrubberi Etymon srd.
arreguberàre , vrb: recuberai* Definition torrare in posse de calecuna cosa chi si fut pérdia, o de fortzas o capacidades bennias mancu Sentences a su preide cuasi dhi calat guta, sidhiu, ma che arrennessit a si arreguberare.
arrégula , nf: regla* Definition
idea o fintzes una genia de lei chi serbit coment'e ghia de su cumportamentu, de su fàere sa cosa; aina, orrugu de cosa po fàere síngias deretas
Synonyms e antonyms
critériu
/
arriga
Sentences
no as iscípiu portai s'amori cun arrégula!
Translations
French
règle
English
straightedge
Spanish
regla,
reglón
Italian
règola,
règolo dei muratóri,
riga
German
Regel,
Richtscheit,
Lineal.
arrégula 1 , nf: régula 1 Synonyms e antonyms réula, traigógiu Sentences in sa porta de santa Maria tres arrégulas dhue aiat, tres arrégulas cantendhe!
arregulài , vrb: regulai* Definition
pònnere o portare arrégula, fàere una cosa cunforma a un’arrégula; fàere a manera de no perdimentare sa cosa, de no ndhe pònnere tropu, de no fàere male
Synonyms e antonyms
addatai,
afrenai,
medrare,
medrire,
moderai
Sentences
candu lompint dhus bis e ti as a arregulai! ◊ po èssi prus seguru mi depu arregulai
Translations
French
régler,
régulariser
English
to regulate
Spanish
regular
Italian
regolare
German
regulieren.
arregulàu , pps, agt: reguladu Definition de arregulai; chi faet is cosas cun critériu, a régula, bene Synonyms e antonyms | ctr. irreguladu 2. – Su dotori, seu tropu grassu: comenti fatzu a torrai mabi? – Papit arregulau!
arreguléri , agt Definition chi est arregulau, chi si régulat, arrespàrmiat Etymon srd.
arregulítzia arregalítzia
arregulliài , vrb Synonyms e antonyms inditai Sentences apu domandau unas cantu pressonas de profetu ma no mi ant iscípiu arregulliai nudha!
arregurtzài arregortzài
arrèi arrèghere
arrèidi arède
arreidòri arraidòri
arreíga arraíga
arreigài arraigài
arreighína arradichína
arreigóllu arranagólgiu
arreigràxa arraigàgia