arighedhàdu , agt Definitzione chi est brutu, légiu, chi giughet arighedhu.
arighedhàre aradhàre
arighédhu , nm: arigredhu Definitzione brutore, malesa mescamente in dossu Sinònimos e contràrios aradadhu, brutesa Frases a ndhe zughes de arigredhu in urigras… bae a ti lavare!
arighína , nf: erichina*, irichina, oríghina Definitzione bobboitedhu piticu, laditu, in colore de castàngia, chi si atacat a is animales e dhis suspit su sàmbene: candho creschet e si tzatzat paret una birilledha longhita, prenu de sàmbene, e si narat cradenanca, cadanca Sinònimos e contràrios arréxini, cadanca, tzeca Terminologia iscientìfica crp, ixodes ricinus, haemaphysalis punctata, h. sulcata, rhipicephalus sanguineus, r. bursa.
aríglia , nf: baríglia*, eríglia Definitzione frascu de terra a duas asas a bisura de lóriga, a bentre lada Sinònimos e contràrios ciata Terminologia iscientìfica stz.
arigràrza alicàrja
arigrédhu arighédhu
arigústa alagústa
arijèdha , nf Definitzione genia de ispiga andhada male, totu areste e cun pagu granu.
aríle , nm Definitzione perca, buidu in is orrocas, acorru po màdrias angiadas Sambenados e Provèrbios smb: Arile.
arimàbi, arimài animàbi
arimèdha animèdha 1
arimèta , nf: limeta, mineta 1 Definitzione genia de butonedhu piticu po camisas o àteru bestimentu fine Sinònimos e contràrios animedha Frases custas bagadias no funt bonas mancu po atacai un'arimeta a sa camisa!◊ custa camisa no portat un'arimeta po dh'abbutonai.
arimígu anemígu
arimitànu , nm: eremitanu, remitanu* Sinònimos e contràrios arimitu, maritanu Frases arimitanu in terrinu anzenu passat sa vida sua bentuleri (A.Marceddu).
arimítu , nm, agt Definitzione chi o chie bivet arrinconau a solu in ccn. logu ispérdiu, atesu de sa gente; chi est totu abbandhonau, iscabudau, trascurau (nau de logu e de persona) Sinònimos e contràrios arimitanu / eremidu, incheremidu.
arimmética , nf: aritimética Definitzione
su manígiu de is números faendho càlculos, operatziones, s'istúdiu asuba de is números e de is régulas po fàere operatziones cun cussos
Tradutziones
Frantzesu
arithmétique
Ingresu
arithmetic
Ispagnolu
aritmética
Italianu
aritmètica
Tedescu
Arithmetik.
arimútzu abrúciu
arinchèra , nf Definitzione sa filera de is bratzadas o fasches de sa fae tirada, postas arrengheradas Ètimu srd.
aríndu , nm Definitzione genia de erba Terminologia iscientìfica rba, Tanacetum vulgare Ètimu ctl. tanarida.