A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

annirgiài anniciàre

annírgu anníciu

anniscài , vrb Definitzione pònnere s'esca in is nassas, a su pische (a. su pisci, is nassas); cúrrere a s'esca, nau de ccn., su si lassare collonare Sinònimos e contràrios bromigiai, frighigiai, ingraenzare 2. iscipiaridha pigai… cun s'arti, giai chi anniscat! Ètimu srd. Tradutziones Frantzesu apâter Ingresu to lure, to bite Ispagnolu cebar, morder el anzuelo Italianu adescare, abboccare all'amo Tedescu anlocken, anbeißen.

annischissài, annischitzài , vrb: nischitzai Definitzione sentire o giare ifadu, orroschimentu Sinònimos e contràrios achigulare, apibiare, apurrire, arrosci, cascaviare, ifadare, impeltinare, innaentare, memulare, pibincai Frases bastat, torreus a passu, ca no mi bollu annischitzai! ◊ a bias cussu si annischissat 2. no iat agatau su ci fut circandu e si ndi fut andau annischissau Ètimu srd. Tradutziones Frantzesu ennuyer Ingresu to annoy Ispagnolu aburrir Italianu annoiare Tedescu langweilen.

anníscu aníscu

annistía , nf Definitzione iscontu de pena, totu o in parte, a is cundennaos a galera Tradutziones Frantzesu amnistie Ingresu amnesty Ispagnolu amnistía Italianu amnistìa Tedescu Amnestie.

annistiàre , vrb Definitzione giare, cuncèdere s'annistia Sinònimos e contràrios aggrassiare, pedronai Tradutziones Frantzesu amnistier Ingresu to amnesty Ispagnolu amnistiar Italianu amnistiare Tedescu begnadigen.

annistiàu , pps, agt Definitzione de annistiare Sinònimos e contràrios aggrassiadu.

annitàre annidài

anníu anníciu

anniversàriu , nm Definitzione sa die chi faet s'annu o is annos ccn. o fintzes una fata de importu mannu, istóricu Sinònimos e contràrios annale Tradutziones Frantzesu anniversaire Ingresu adniversary Ispagnolu cumpleaños, aniversario Italianu anniversàrio Tedescu Jahrestag.

anníxa annícra

annixàre anniciàre

anníxidu annígghidu

annixínu, anníxinu annicrínu

anníxu anníciu

anníxu 1 annígghidu

annoadòre , agt Definitzione chi annoat, faet cosas noas Frases cussu poeta fit unu annoadore, a tempus sou at antibitzadu sa poesia moderna.

annoadúra , nf Definitzione su annoare; sa sida o linna noa chi bogat su matedu Sinònimos e contràrios annoizu, rennou / froedha, fruntza, grillu 1, irbrossa, pigionatzu, schésciu Frases s'annoadura sas àrbures la faghent in beranu Ètimu srd. Tradutziones Frantzesu renouvellement Ingresu bud, renewal Ispagnolu renovación, brote Italianu rinnovaménto, germòglio Tedescu Erneuerung, Sproß.

annoài , vrb: annodare, annodiare, annuae, annuai Definitzione acapiare o fàere nodu, fàere a nodu, su nodu (fintzes aciunghendho duos càbudos); essire totu nodos, totu betau apare Sinònimos e contràrios annodighedhare, annodricare, ingiobare / imbetzare | ctr. isòlbere, snuai Frases su tzugu annuat a is palas ◊ su càbudu iscapu prus no annuas ◊ pitzinnas e pitzinnos a rodeu annodaimis su mucadoredhu nelzendhe "Tue ses compare meu"◊ is duas fillas fibànt, tessiant e annuànt is fius 2. sos pilos si li sunt totu annodados, istendhe chentza s'ispizare Ètimu srd. Tradutziones Frantzesu nouer Ingresu to tie in a knot Ispagnolu anudar, atar con nudos Italianu annodare Tedescu verknoten.