A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

unterrígiu , nm Definitzione su interrare is mortos o fintzes su dhos acumpangiare a campusantu Sinònimos e contràrios interru, interràgiu*.

untiàre , vrb Definitzione únghere, frigare o pònnere unu pagu de ógiu Sinònimos e contràrios untinare.

untimenàu , agt Definitzione chi est totu untu, untu meda Sinònimos e contràrios luntu, untinadu Ètimu srd.

untímine , nm: untúmene, untumi Sinònimos e contràrios unghinzu, untura, uschedhúmene Frases fit cun su bentone aficadu e pienu de untímine! Ètimu srd.

untinàdu , pps, agt Definitzione de untinare Sinònimos e contràrios luntu, untau, untu.

untinàre , vrb: untzonare Definitzione frigare o pònnere ógiu a ccn. cosa: pruschetotu dhu narant po istidhigare cun lardu allutu (preutire) sa petza orrostindhodha Sinònimos e contràrios allardare, aungiae, istedhiare, preutire, untzare 1, utzare Frases sa peta cheret untinada a lardu 2. su pane untinadu cun ozu de olia e cun d-una paspiada de salipa, arrustidu in sa bràsia, est bonu meda Ètimu srd. Tradutziones Frantzesu larder Ingresu to lard Ispagnolu mechar Italianu lardellare Tedescu spicken.

untinaúntina , avb Definitzione chi est untinendhe, calandho a untinadura, a istidhigadura Sinònimos e contràrios tirulatírula Ètimu srd.

untinósu , agt Definitzione chi portat ógiu, chi est brutu de ógiu Sinònimos e contràrios losingiosu, pinghinosu, untosu, untuminosu Ètimu srd. Tradutziones Frantzesu onctueux Ingresu oily Ispagnolu untuoso, pringoso Italianu untuóso Tedescu fettig.

úntinu , nm Definitzione s'ógiu chi istídhigat orrostindho cosa grassa Ètimu srd.

untónzu , nm Definitzione su untare Sinònimos e contràrios unghinzu Frases custu est s'ozu de s'untonzu pro cunsagrare su satzerdote Ètimu srd.

untórzu ultúrzu

untósu , agt Sinònimos e contràrios losingiosu, pinghinosu, untinosu Ètimu srd.

untrúxu ultúrzu

úntu , pps, agt Definitzione de únghere; chi dhi ant frigau ógiu, chi est totu brutu de ógiu Sinònimos e contràrios ingrassadu, luntu, untinadu Tradutziones Frantzesu huilé, graisseux Ingresu oily, oiled Ispagnolu grasiento Italianu unto Tedescu geschmiert.

untulgèra , nf: unturgera, unturzera Definitzione logu adatu po cassare untúrgios: funt is matessi domos de su nie chi, in tempus de s'annu chi no dhue at nie, si prestant a cassare untúrgios faendhodhos intrare ponendho aintru pegos mortos, petza, ca deasi is untúrgios intrant, papant ma apustis no arrennescent a ndh'essire; logu ue faent abbitu is untúrgios Ètimu srd.

untulgióssu , nm: unturgiossu Sinònimos e contràrios antruxu, bentruxu, ingurtiossu, ulturzu, pedhuris Frases incui bides sirbones, múvuras, unturgiossos e istores Terminologia iscientìfica pzn Ètimu srd.

untúlgiu, untúlzu ultúrzu

untúmene, untúmi untímine

untuminósu , agt Definitzione chi est totu untímine, brutu de ógiu Sinònimos e contràrios losingiosu, pinghinosu, untinosu, untosu Ètimu srd. Tradutziones Frantzesu onctueux Ingresu greasy Ispagnolu grasiento Italianu untuóso Tedescu fettig.

untúra , nf Definitzione su untai; fintzes cosa ogiosa, totu unta Sinònimos e contràrios luntura, unghinzu, untímine, uschedhúmene Ètimu ltn. unctura.