A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

atruessài , vrb: truessai Definitzione passare in mesu de unu logu, de una terra, andhandho de una parte a s’àtera; fàere a paris, capitare de si atobiare, capitare coment’e possibbilidade Sinònimos e contràrios traessai*, colare / atobiai, capitai 2. totu depit atruessai a mimi, po mi acabbai de cuntrunnai!…

atruéssu atraéssu

atrufudhài atrafudhài

atrufúdhu atrafúdhu

atrufuedhàu , agt Definitzione chi est ufrau, atrufudhau, nau de pane pesau a puntu giustu mescamente cotu Frases su spòngiu est essiu atrufuedhau Ètimu srd.

atrugiotài , vrb Definitzione bestire cun pagu crabbu, mancari fintzes cun cosa costosa ma cun pagu elegàntzia, a bisura de trugiotas Sinònimos e contràrios allorincai, atrociai Frases ma càstia cussa picioca comenti si atrugiotat, parit a carnovali! ◊ mancai mi nd’èssi pótzia ponni dèu, bistiri aici, ca dónnia borta chi essu mi depu atrugiotai de giponi e muncaroi de tzugu! Ètimu srd.

atrumàda , nf Definitzione su atrumare Sinònimos e contràrios afiotada Ètimu srd.

atrumadúra , nf Definitzione su si atrumare Sinònimos e contràrios afiotulada, apubulada, atrupamentu, atutina Ètimu srd. Tradutziones Frantzesu rassemblement Ingresu crowding Ispagnolu muchedumbre Italianu affollaménto Tedescu Drängen.

atrumàre , vrb: atrummare Definitzione fàere a truma, a chedha, istare o pònnere in medas impare, acanta Sinònimos e contràrios abbudronare, acedhae, afiotae, afollare, apubulare, arretolare, assaurrare, atropare, atutinare Frases fint totu atrumados a noe e a deghe ◊ sos tazos si sunt atrumados in s'abbadolzu ◊ fia giómpidu a una badhe terrorosa tota atrumada de feras ◊ si bi at atrumadu unu bene de zente ◊ intendhindhe cussu fragassu, sa zente si est atrumada Ètimu srd. Tradutziones Frantzesu se presser Ingresu to crowd (together) Ispagnolu atiborrarse Italianu affollarsi Tedescu sich drängen.

atrumentàre atormentài

atrumiolàda , nf Sinònimos e contràrios abbucamentu, bria, certu, iscagatzada.

atrummàre atrumàre

atrunchedhàe , vrb Sinònimos e contràrios atrossie, introssai Ètimu srd.

atrunchedhài, atrunchedhàre , vrb Definitzione fàere grussu che trunchedhu, forte Sinònimos e contràrios ingrussare, ufrare Ètimu srd.

atruntzàre , vrb: atrutzare Definitzione crèschere, ingrussare su truncu o cambu de is erbas prantadas (es. latuca, càule); acostire, acapiare a unu truntzu o truncu Sinònimos e contràrios afundhare 1, ammolare, atruntzigonare 2. si resesso a che l'atruntzare a cuss'àrbure, su porcu no mi che fuit prus mancari cadredhet! ◊ est zente atrutzada a sa comuna ca cherent murigare s'anzenu! Ètimu srd.

atruntzedhàre , vrb Definitzione essire grussu, grassu, ingrassare Sinònimos e contràrios atodociae, atruntzare, atruntzigonare Ètimu srd.

atruntzigonàre , vrb Definitzione crèschere, ingrussare su truntzu o cambu de is erbas prantadas (es. latuca, càule); segare su truncu o cambu Sinònimos e contràrios afundhare 1, ammolare, atruntzare Ètimu srd.

atrupài atropàre

atrupaméntu , nm Definitzione gente meda, aira, totu impare Sinònimos e contràrios afollamentu, apubulada, atrepógliu Ètimu srd. Tradutziones Frantzesu multitude Ingresu throng Ispagnolu muchedumbre Italianu moltitùdine Tedescu Menge.

atrupàre atropàre