A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

discóldia , nf: discórdia Definizione su no dhue àere acórdiu, su èssere s'unu contras a s'àteru, su no tirare impare in is chistiones, su no si dha tirare de acórdiu Sinonimi e contrari cuvesioni, disacórdiu, disamistade, discuncóldia, iscórriu, scuncórdiu | ctr. acódriu, cuncórdia.

discomodài, discomodàre , vrb Definizione giare ifadu, istrobbu, mòvere o pesaresindhe po calecuna cosa, su s’interessare Sinonimi e contrari iscomodai Traduzioni Francese déranger Inglese to bother Spagnolo incomodar, molestar Italiano scomodare Tedesco bemühen, stören.

discómodu , nm Sinonimi e contrari | ctr. cómodu Traduzioni Francese incommodité Inglese inconvenience Spagnolo incomodidad Italiano scomodità Tedesco Unbequemlichkeit.

disconcordiàre , vrb Definizione segare sa cuncórdia Sinonimi e contrari isconciare, isconcordare, isordulare | ctr. cuncodrai Frasi custos duos isposos si fiant disconcordiaos e apustis si fiant lassaos (L.Pisano) Etimo srd.

disconnoscéntzia, disconnoschéntzia , nf Definizione su no si ammentare de su bene chi dhi ant fatu, su tratare sa gente coment’e chi no dhi apat fatu bene essendho chi si dh’at fatu, su no ndhe fàere contu Sinonimi e contrari disaggradessimentu, disaggradu, dispiachere, isconnoscéntzia Traduzioni Francese ingratitude Inglese ingratitude Spagnolo ingratitud Italiano ingratitùdine Tedesco Undankbarkeit.

disconnòschere , vrb: disconnòsciri Definizione immentigare su bene arreciu, no ndhe fàere prus contu Sinonimi e contrari desaggradessi.

disconnóschidu, disconnóscidu , pps, agt Definizione de disconnòschere, disconnòsciri; nau de ccn., su no fàere contu de su bene chi dhi ant fatu, chi tratat sa gente coment'e chi no dhi apat fatu bene essendho chi si dh’at fatu Sinonimi e contrari disaggradéssiu, discannotu, isconnóschidu, malebortzedidu | ctr. cumpridu Frasi disconnóschidos amantes candho a mie pretendhides! Traduzioni Francese ingrat Inglese ungrateful Spagnolo ingrato Italiano disconoscènte Tedesco undankbar.

disconnosciméntu , nm Definizione su disaggradessi, su no si ammentare de su bene chi dhi ant fatu comente faent is malebortzedidos Sinonimi e contrari disaggradessimentu, disaggradu / cdh. scunniscimentu Etimo srd.

disconnòsciri disconnòschere

disconnótu discannótu

disconsolài , vrb Sinonimi e contrari sconsolai | ctr. aconnoltare, conciolare Etimo spn. Traduzioni Francese décourager, abattre Inglese to dishearten Spagnolo desconsolar Italiano sconsolare Tedesco betrüben.

disconsólu , nm: discossolu, discunsolu Definizione su no àere consolu o cunfortu, su èssere dispràxios meda Sinonimi e contrari isconnortu, isconsolu | ctr. conciolu Frasi píghidas nues ant iscorvuladu bírridos de piantu e disconsolu e posca de sa traschia dannu e dolu in bidhas e cussorzas ant lassadu (G.A.Salis)◊ sos minores fint pranghendhe a discossolu ◊ za ndh'at postu de zente in disconsolu a fagher bochire sa muzere pro un'àtera fémina!… Etimo spn. desconsol Traduzioni Francese abattement, découragement Inglese depression Spagnolo desconsuelo Italiano sconfòrto, sconsolazióne Tedesco Trostlosigkeit.

discórdia discóldia

discordiósu , agt, nm Definizione chi o chie est amantiosu de sa discuncórdia e no tenet idea de istare o de si pònnere de acórdiu Sinonimi e contrari iscuncordu, pretadori Frasi custa est una bidha discordiosa, is cunsilleris no si ponint de acórdiu in peruna cosa!

discorónu , nm Definizione genia de bregúngia manna, de befa chi si faet o chi ccn. faet a un'àteru Sinonimi e contrari bergugna, cavanile, innóriu, iscàranu, iscónniu*.

discossólu disconsólu

discréditu , nm Definizione male chi si narat de un'àteru Sinonimi e contrari desdoru, disfama.

discrèiri, discrère , vrb Definizione finire, acabbare o lassare de crèdere o de ibertare calecuna cosa Sinonimi e contrari disaprensionai, iscrèdere* | ctr. crèdere Traduzioni Francese revenir sur son opinion Inglese to stop believing in Spagnolo cambiar opinión Italiano discrédere Tedesco nicht mehr glauben.

discretamènte, discretamènti , avb Definizione no tanti bene ma mancu male, de una manera chi podet andhare.

discrétidu , pps, agt Definizione de discrèiri, discrere Traduzioni Francese détrompé Inglese disillusioned Spagnolo desengañado, desilusionado Italiano disingannato Tedesco enttäuscht.