Legenda Abbreviazioni | Legenda Simboli

desaggradèssiri , vrb: disaggradèssere, disaggradèssiri Definizione no ndhe àere praxere de una cosa, immentigare unu praxere, unu bene chi at fatu àtere, fàere s'isconnóschidu, èssere discannotu Sinonimi e contrari disconnòschere, dispiàchere | ctr. aggradare Etimo spn. Traduzioni Francese ne pas agréer Inglese to dislike, to behave ungratefully Spagnolo desagradecer Italiano sgradire, dimostrarsi ingrato Tedesco übel aufnehmen, undankbar sein.

disaggradéssiu , pps, agt Definizione de disaggradèssiri; malebortzedidu, chi no si arregodat de su bene chi dhi ant fatu Sinonimi e contrari disconnóschidu, isconnóschidu, isgradessidu, malebortzedidu Traduzioni Francese désagréable, ingrat Inglese ungrateful, disliked Spagnolo indeseable, desagradecido Italiano sgradito, ingrato Tedesco unerwünscht, undankbar.

discannótu , agt: discionnotu, disconnotu Definizione chi no si connoschet de su bene chi dhi ant fatu, o chi no si ndhe ammentat, chi tratat sa gente coment'e chi no dhi apant fatu bene essendho chi ndhe dhi ant fatu; chi no si connoschet, chi no est connotu Sinonimi e contrari disaggradéssiu, disconnóschidu, isconnóschidu, malebortzedidu / innotu, isconnotu | ctr. cumpridu / connotu Frasi s'ómine discionnotu est malu e limbudu ◊ ti ant azuadu e como faghes su disconnotu! ◊ su corazu ti aia créfidu de faedhare gasi, disconnotu!◊ de sa bundadi mia ti abbusas ca tenis fai disconnotu! (Loddo P.) 2. cun su vapore fint tuchendhe a una terra disconnota ◊ ant fatu unu monumentu a su sordau disconnotu Etimo srd. Traduzioni Francese ingrat, inconnu Inglese ungrateful, unknown Spagnolo ingrato, desconocido Italiano irriconoscènte, sconosciuto Tedesco undankbar, unbekannt.

disconnóschidu, disconnóscidu , pps, agt Definizione de disconnòschere, disconnòsciri; nau de ccn., su no fàere contu de su bene chi dhi ant fatu, chi tratat sa gente coment'e chi no dhi apat fatu bene essendho chi si dh’at fatu Sinonimi e contrari disaggradéssiu, discannotu, isconnóschidu, malebortzedidu | ctr. cumpridu Frasi disconnóschidos amantes candho a mie pretendhides! Traduzioni Francese ingrat Inglese ungrateful Spagnolo ingrato Italiano disconoscènte Tedesco undankbar.

isconnóschidu, isconnóschitu, isconnóschiu , pps, agt: sconnósciu Definizione de isconnòschere; nau de ccn., chi no si ammentat de su bene chi dhi ant fatu, chi tratat sa gente coment'e chi no dhi apat fatu bene essendho chi si dh'at fatu Sinonimi e contrari discannotu, ispretzecu, malebortzedidu Frasi acàbbala, isconnóschia: cussu no lu faches abberu a ti nche andhare dae dommo! ◊ isconnóschidos sezis vois ca faghides sos protzebbos! ◊ isconnóschidu, totu su bene chi li apo fatu e como mancu mi faedhat! Etimo srd. Traduzioni Francese ingrat Inglese ungrateful Spagnolo desagradecido Italiano irriconoscènte Tedesco undankbar.

isprocedídu , agt: isprotzedidu, ispultzedidu, ispurtzedidu Definizione nau de ccn., chi no si arregodat de su bene chi dhi ant fatu, chi tratat sa gente coment'e chi no dhi apet fatu bene essendho chi si dh'at fatu Sinonimi e contrari disaggradéssiu, discannotu, isconnóschidu, malebortzediu Frasi as iscontadu cantu tandho mi as nadu, isprocedidu! ◊ giughes su protzedimentu de una béstia de mola e gai ses orijuda, isprotzedida, isàpida e limbuda! ◊ fizu dignu de mama ispultzedida, giudicadu su peus machillotu ◊ proite ses ispurtzedidu cun su pópulu?! Traduzioni Francese ingrat Inglese unthankful Spagnolo ingrato, desagradecido Italiano ingrato Tedesco undankbar.

sconnósciu , agt: isconnóschidu* Definizione chi no si ammentat de su bene chi dhi ant fatu, chi tratat sa gente coment'e chi no dhi apat fatu bene essendho chi si dh'at fatu Sinonimi e contrari disaggradéssiu, discannotu, malebortzedidu Traduzioni Francese ingrat Inglese ungrateful Spagnolo ingrato Italiano ingrato Tedesco undankbar.

«« Cerca di nuovo