A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrubiètu , nm Definizione genia de cosa orrúbia chi si frigant in cara e mescamente in lavras is féminas po si pàrrere de prus, po fàere prus bella sa carrítzia Sinonimi e contrari arrubiedhu, arrubighita Frasi su trucu est cussa cosa chi si ponint in faci po si fai bellas, is féminas: s'arrubietu po is trempas Traduzioni Francese rouge à lèvres Inglese lipstick Spagnolo barra de labios, arrebol Italiano rossétto Tedesco Lippenstift.

arrubighíta, arrubighítu , nf, nm Sinonimi e contrari arrubiedhu, arrubietu Frasi chi ti dh'ias comporau in arrubighitu e ti dh'ias frigau in murrus! ◊ dèu puru mi pòngiu pagu pagu arrubighitus in is murrus Etimo srd.

arrubiólu , nm: arrubiou, orrubiolu Definizione druche chi assimbígiat a is tzípulas (o est a bocighedha), fatu cun arrescotu (o casu) friscu, orrubiou e corgiolu de aràngiu tratagasau, fríssiu che is tzípulas etotu e cun tzúcuru ispergiau apitzu Sinonimi e contrari rujolu Frasi sos arrubiolos frissos dhos insundhent in su tzúcoro Terminologia scientifica drc Traduzioni Francese berlingot Inglese round-cake with soft inside Spagnolo buñuelo con queso Italiano berlingòzzo Tedesco Kringel.

arrubiòri , nm: orrubiore*, rugiore Definizione su èssere orrúbiu; maladia chi faet a essiduras orrúbias / a. de fogu no ballit a logu! = cara ruja de su fogu no cheret nàrrere chi unu est sanu Sinonimi e contrari arrubiscori, arrubiu, rubiesa / elmizolu, rugiore, russete Traduzioni Francese rougeur Inglese flush Spagnolo rubor Italiano rossóre Tedesco Röte.

arrubióu arrubiólu

arrubiscài , vrb Definizione fàere orrúbiu Sinonimi e contrari arrubiai, arrujire, ingrujare, irrujire, irruvischedhare, orruviare Frasi intendia unu murighíngiu fatu de pampas timendi chi mi ndi artziànt a cucas arrubischendimidha is trempas Etimo srd.

arrubisconài , vrb: rubisconai Definizione fàere orrúbiu orrúbiu in cara abbarrandho in buca de forru, acanta a fogu meda, o fintzes po arrennegu, bregúngia o àteru Sinonimi e contrari arrabatzonare, impurpurinare, irrujire Frasi at castiau s'isposu sentza però dhi artziai is ogus in faci e totu arrubisconendusí Etimo srd. Traduzioni Francese rougir Inglese to turn red Spagnolo enrojecer, sonrojar Italiano arrossire Tedesco erröten.

arrubisconaméntu , nm Definizione su èssere orrúbiu in cara po bregúngia, fogu meda, arrennegu o àteru Sinonimi e contrari arrubiamentu, arrubiori, arrubiscori Etimo srd.

arrubisconàu , pps, agt: rubisconau Definizione de arrubisconai; arrubiscau, orrúbiu Sinonimi e contrari afraculoniu, iscachedhidu, impudhighinadu 2. si est firmada arrubisconada e at circau de tratèniri su súlidu ◊ pédria sa passiéntzia, nd'istupat arrubisconau e fatu e dhi donat una bella sprutzigada.

arrubiscòri , nm: rubiscori Definizione su èssere orrúbiu in cara po bregúngia, fogu meda, arrennegu o àteru Sinonimi e contrari arrubiori, arrubisconamentu Etimo srd. Traduzioni Francese rougeur Inglese flush Spagnolo rubor Italiano rossóre Tedesco Röte.

arrubíu , nm Sinonimi e contrari arrubiori.

arrúbiu , nm, agt: orrúbiu, rúbiu* Definizione genia de colore, su de su sàmbene, de su fogu, prus o prus pagu cotu o càrrigu; chi est in colore inchesu, in colore de su sàmbene, de su fogu Sinonimi e contrari porporinu Modi di dire csn: faisí a. = fàgheresi ruju in cara de sa birgonza; is arrubiedhus = marcos rujos in cara in s'ispuntone de sos càvanos; s'a. de s'ou = oidedhu, ollanu Frasi est arrúbiu che piberoni ◊ de sa bregúngia si est fata arrúbia che càvuru cotu ◊ su caboni portat sa cogorista arrúbia che su coradhu Terminologia scientifica clr Traduzioni Francese rouge Inglese red Spagnolo rojo Italiano rósso Tedesco Rot.

arrúca , nf Definizione (a. bianca): genia de erba chi giaet sabore malu a su late (de su pegus chi ndhe papat); àtera calidade, arruca de mari (Cakile maritima) Sinonimi e contrari Terminologia scientifica rba, Diplotaxis erucoides Etimo itl. ruca.

arrúcas , nf: ruca 1 Definizione arrucas pudéscias, una genia de erba: faet unu sèmene chi giaet sabore malu a sa farra (ma àteras calidades de cust'erba si prantant po insalada, prus che àteru po ammesturare cun àtera cosa, e tenent unu sabore forte, unu pagu pitzigorosu) Sinonimi e contrari arruchita Terminologia scientifica rba, Eruca vesicaria.

arruchídu arroghídu

arruchíta , nf: ruchita Definizione genia de erba a frore grogu, bona po insalada ammesturada cun àtera cosa (faet unu frorighedhu grogo e una teghighedha de unos duos centímetros, finedhedha, cun semenedhu minudu minudu) Sinonimi e contrari arrucas, ruca Terminologia scientifica rbz, Diplotaxis muralis, D. viminea Traduzioni Francese roquette Inglese rocket Spagnolo ruca, ruga Italiano ruchétta Tedesco Mauerrauke.

arruciàda , nf Definizione surra a cropos de fuste Sinonimi e contrari apiossa, cabossa, carda, dobbe, mazadina, pista, surra.

arrúda , nf: arrura, eruda, orruda, ruda* Definizione calidades diferentes de una genia de erba linnosa, bona (segundhu sa calidade) po meighina e fintzes a fàere licore / arruda de canis = zenia de erba púdida (Scrophularia canina) Sinonimi e contrari curma Frasi bai a s'ortu e sega arrura e finughedhu! Terminologia scientifica rba, cndh, Ruta chalepensis, R.corsica, R. graveolens Traduzioni Francese rue Inglese rue Spagnolo ruda Italiano ruta Tedesco Raute.

arrudhàe , vrb Definizione incidai, abbiatzare, atzitzare is sentidos, sa gana (fintzes de fémina o de ómine) Sinonimi e contrari aibbare, inganatzire.

arrudhàre , vrb Definizione no pasare bene sa rudha, sa mama de su cafei Etimo srd.