A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrudhíre , vrb Definizione passare o sufrire su fritu, tènnere fritu Etimo srd.

arrudhítu arrodhíu

arrúdhu , agt Sinonimi e contrari aibbadu, ganósigu, imbozadu, inganidu.

arrudiàu , agt Definizione chi est areste, rude, chentza o pagu trebballau; nau de fémina, chi est bagadia manna, chentza cojuada Sinonimi e contrari annicrinu, rodiu Frasi gatias e arrudiaas si custumànt istichire sa cara pro pòdere atrevire in sos ballos Etimo srd.

arrúdu , agt Sinonimi e contrari abióciu, biatzu, biutzu, feurràciu Frasi est arrudu che unu púligi.

arruedhulàre , vrb Definizione fàere a ruédhula Sinonimi e contrari abballonare, allomborae, arrombulonai, atuturae, imboligare Etimo srd. Traduzioni Francese rouler, enrouler Inglese to roll Spagnolo enrollar Italiano arrotolare Tedesco zusammenrollen.

arruédu, arruélu arrodéu

arrúere , vrb: arrúghere, arrui, arrúiri, arruri, irrúghere, orrue 1, rúchere*, urrúere Definizione calare de artu a cropu, furriare, o fintzes betare a terra a cropu; andhare bene de unu bestimentu a sa persona chi dhu ponet; tocare, apartènnere de unu bene, arresurtare / pps. arrutu Sinonimi e contrari botare, cairi, corriare, iscaltinare, iscasidhare, isdegorare, isdobbiare / betae / dèchere | ctr. arritzare, pesai Modi di dire csn: arrúiri a faci in susu, a faci in terra = a bentre in susu, a buca a terra; arrúiri a conca in bàsciu = a cúcuru ficadu; arrúiri a palas imbressi = a palas a terra; arrúiri malàdiu = irmalaidare; arrúiri o arruirisí de su sonnu, de su fàmini = no istare ritzos de su sonnu, de su fàmine; arrúiri de codhus, de su coru a unu = pèrdere s'istima pro unu; arrúiri in pecau = fàghere pecados; arrúiri in tentatzioni = pònneresi in arriscos de fàghere male, de pecare; arrúiri in manus de ccn. = bènnere o resurtare in pozas de unu, in posse de ccn. Frasi arrennesset a no che arrúere de s'àinu ◊ a dógnia sàntziu de carru ndi arruit sa pispisalla de su fenu ◊ unu tocat agiudau candu arruit, no candu est istrantaxu! ◊ ndi funt arrutus is murus ◊ su salatieri mi nc'est lossingiau de manus e arrutu a s'àcua 2. custu no ti arruit: no est cosa tua! 3. su bistiri ti arruit mali 4. sa festa arruit su mesi ch'intrat 5. no nosi lessis arrui in sa tentatzioni! ◊ bai a iscí me in cali manus nci ant arrui cussus! Traduzioni Francese tomber Inglese to fall Spagnolo caer Italiano cadére, cascare Tedesco fallen, stürzen.

arrúfa , nf: rufa Definizione gente meda totu impare in su matessi logu Sinonimi e contrari afollamentu, apillada, apretone, atrepógliu, atrupamentu, catigamuru, sciabbigada Frasi bi aiat arrufa de zente Etimo itl.t ruffa Traduzioni Francese multitude Inglese multitude Spagnolo muchedumbre Italiano moltitùdine Tedesco Menge.

arrufài, arrufàre , vrb: rufare Definizione isconciare is pilos de conca, sa petenadura de is pilos, betare apare pilos, o fintzes cosas deasi (es. filu, ordíngiu); fàere is pilos a lorighedhas, tèteros o prantaos che tzudha Sinonimi e contrari arrufulai, imbogiare, iscrabionai, trabojare / anedhare Frasi unu cruculeu pariat badhendu, arrufendu is pinnas e tzerriendu s'isposa Etimo itl. arruffare.

arrufàu , pps, agt Definizione de arrufare; chi est betau apare, nau de pilos, o fintzes chi est totu a lorighedhas, anedhau (o fintzes chi paret ca portat sa tzudha) Sinonimi e contrari anedhadu, orrofadu 2. cussu est conca arrufada ◊ su gatu portàt sa cou arrufara comenti at biu su cani Traduzioni Francese bouclé Inglese curly Spagnolo desgreñado, ensortijado Italiano riccioluto Tedesco lockig.

arrufianadúra , nf Definizione su si arrufianare Etimo srd.

arrufianài, arrufianàre arrofianài

arrufianàu , pps, agt Definizione de arrufianare.

arrufiànu arrofiànu

arrufulài , vrb Sinonimi e contrari arrufai Etimo srd.

arrúga , nf: berruca, erruca, farruga, orruca, ruca* 2, verruga Definizione genia de bobboi longhitu chi naschet de sa cria chi ponet su calagasu: a bortas pilosu, tirat mescamente a unas cantu erbas (es. càule) e che dhis papat sa fògia modhe Sinonimi e contrari cucurra, mamarúcola, mamaruga, ruda 1, rugaruga Terminologia scientifica crp.

arrúga 1 , nf: rua 1, orruga 2 Definizione su logu púbblicu lassau po passare aintru de is bidhas / min. arrughixedha / genias de a.: bona, dereta, larga, longa, mala (nau fintzas de sa gente chi dhue istat), morta, istrinta; erba de arrugas = Erigeron canadensis, E. crispus (erba de santa Palónia, de murus) Sinonimi e contrari bia, caminu, carreba Frasi is piciochedhus fiant gioghendi in s’arruga ◊ ant mundau pratzas e arrugas e apicau banderedhas po sa festa ◊ est firma in s'ingruxada de is arrugas ca no iscít cali est s'arruga po torrai a domu Terminologia scientifica bdh Etimo itl.t ruga Traduzioni Francese rue Inglese street Spagnolo calle Italiano via Tedesco Weg.

arrúga 2 , nf: orruca 1 Definizione genia de essidura in sa pedhe, a guronedhu tundhu, tostau Sinonimi e contrari barruga*, porru 1.

arrugàe arrogài