A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrovonéllu , nm Definizione genia de erba de ortu chi faet arraighina grussa, segundhu sa calidade curtza, tundhita, segundhu longa, totu orrúbia o fintzes in parte orrúbia e in parte bianca, unu pagu pitzigorosa (e a bortas fintzes meda) Sinonimi e contrari alicarja, arraiga, arraigàgia, arraíxini, rabanella*, raighinarza Terminologia scientifica rbzc, Raphanus sativus Traduzioni Francese radis Inglese radish Spagnolo rábano Italiano ravanèllo Tedesco Gartenrettich.

arròza , nf: orroza Definizione calidade de àghina unu pagu orrúbia Sinonimi e contrari rotza Terminologia scientifica frt.

arrú , nm: arrua, arruvu, orrú, rú* Definizione sa tupa e su frutu de s’orruo, genia de linna chi faet a cambos longos, mussòrgias o cannas, totu ispina / a. cràbinu, arruvu cràviu, màsciu = rubu berbeghinu, ruburbinu; essiri de s’arrú e intrai in su titioni = andhare de male in peus; murighessa de s’arrua = mura, su frutu de su rú; sida de a. = canna de rú Sinonimi e contrari amura, lama 1, murarrú, orruile Frasi trobiu coment'e s'arrú cun su tintioni Cognomi e Proverbi smb: Arrú / prb: àxina cota e mura de arrú, dogna cosa a su tempus sú Terminologia scientifica mt, Rubus fruticosus Traduzioni Francese ronce Inglese bramble Spagnolo zarza Italiano róvo Tedesco Brombeerstrauch.

àrru , nm Definizione logu totu orrocas / barracu de arru = fatu a pedra Sinonimi e contrari arrocaxa, arrochibi, nodera, rocaria, rocarju, rochedu Cognomi e Proverbi smb: Arru, Arrus Terminologia scientifica slg.

àrru 1 aérru

arrúa arrú

arruài , vrb Definizione ispatare, segare s'orruo, su titione e malesas deasi, limpiandho su terrinu Sinonimi e contrari irruatare, irrubare, isurruare Etimo srd.

arruàre , vrb: arrugare Definizione su si firmare in s’orruga, in s'istrada, in su camminu Etimo srd.

arruàrgiu , nm: arruaxu, orruàlgiu, ruàgiu* Definizione donnaghe o padente de orruo, logu prenu de tupas de orruo; busa, tupa de orruo Sinonimi e contrari orruelartzu, ruedu / arrú 2. s'arruaxu fait sa muriarrú ◊ furiant terras prenas de arruaxu.

arruarzàre , vrb Definizione su si fàere a unu arruàrgiu, totu prenu de orruo, arestau, nau de unu terrenu chentza trebballau Sinonimi e contrari abriare, aferare, agrestare, eremire, imburdiri Etimo srd. Traduzioni Francese rendre sauvage Inglese to make wild Spagnolo enmalecerse Italiano inselvatichire Tedesco verwildern lassen.

arruàxu arruàrgiu

arrubàu , agt Definizione chi est arrancadu, arréschiu in s’orruo, firmu arréschiu in calesiògiat cosa Etimo srd.

arrúbbia , nf: arrúbia, rúbbia Definizione genia de erba (e su frutu puru) bona po fàere tinta orrúbia, tinta de sorixedha, po tínghere orrobba o fintzes àteru Sinonimi e contrari atzotalimba, batalimba, ciorisedha, colalati, luja, orighedha 1, pigalati, pitziculosa, ratalimba, rúgia, tintaruja Terminologia scientifica rba, Rubia tinctorum, R. peregrina Etimo itl. robbia.

arrubèschere , vrb: rubèschere Definizione fàere o essire orrúbiu orrúbiu in cara Sinonimi e contrari arrabatzonare, impoboriai.

arrúbia arrúbbia

arrubiàe, arrubiài , vrb: arrujare, orrubiare Definizione fàere in colore orrúbiu, tirare a s’orrúbiu, su si fàere orrúbios de sa bregúngia; fàere sa crosta a is papares (mescamente a s'orrostu) o còere pata a fogu Sinonimi e contrari abbrigai, arrubiscai, arrujire, cardiare, ingrujare, irrubiare, orruviare / rfl. arrabatzonare Frasi in s'íscia sa tamata est arrujandhe ◊ lassa s'ischidoni, deghinou ti nci dhu fatzu ingurti arrubiau! 2. su sirboni arrubiau portandedhu a sa mesa Etimo srd. Traduzioni Francese rougir Inglese to blush Spagnolo enrojecer, sonrojarse, dorar Italiano arrossare, arrossire, rosolare Tedesco röten, erröten, bräunen.

arrubiaméntu , nm Definizione su arrubiai, fàere orrúbiu, su si orrubiare de bregúngia Sinonimi e contrari arrujatzadura, imbudhighinore, irrujadura Etimo srd. Traduzioni Francese rougissement Inglese reddening Spagnolo enrojecimiento, rubor Italiano arrossaménto, rossóre Tedesco Rötung, Röte.

arrubiànciu , agt Definizione chi est in colore unu pagu orrúbiu Sinonimi e contrari arrubiastu, rujastrinu Terminologia scientifica clr Etimo srd. Traduzioni Francese rougeâtre Inglese reddish Spagnolo rojizo Italiano rossìccio Tedesco rötlich.

arrubiàstu , agt: orrubiassu Definizione de colore unu pagu orrúbiu, chi tirat a s’orrúbiu Sinonimi e contrari cariasinu, rujastrinu, rujatu Terminologia scientifica clr Etimo srd. Traduzioni Francese rougeâtre Inglese reddish Spagnolo rojizo Italiano rossastro, rossìccio Tedesco rötlich.

arrubiédhu , agt, nm Definizione chi est unu pagu orrúbiu; genia de cosa orrúbia chi si frigant in cara e mescamente in lavras is féminas po si pàrrere de prus, po fàere prus bella sa carrítzia, e fintzes tretu orrúbiu in s’ispuntone de is trempas / faisí is arrubiedhus = frigàresi tinta in càvanos Sinonimi e contrari arrubietu 2. po si fai is arrubiedhus si ponit ananti de s'isprigu.