A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gúrgu , nm Definitzione prus che àteru, camminu de sartu istrintedhu meda, incasciau in mesu de trèmenes Sinònimos e contràrios àndara, botorinu, caminu, gurtuniu, guturedhu Frases fit torrandhe imbreacu in sos gurgos iscuros candho lu frimmant sos carabbineris Ètimu ltn. gurgus.

gúrgu 1 , nm Definitzione fossu fungudu, in is errios Sinònimos e contràrios burgu, foxone, pógiu.

gurgúdhu , nm Definitzione su curcudhu, su corgiolu ispinosu de sa castàngia Sinònimos e contràrios ischissone, ispunzola 1, raga Terminologia iscientìfica rbr.

gurguèna gorgobèna

gurgugiólu , nm Sinònimos e contràrios casigiolu, gruguzone, perita, piredha.

gurgugiòne grugugliòni

gurgúgiu gorgúzu

gurgulísci , nm Definitzione genia de samunóngiu chi si faet poderandho abba o meighina in s'ingurtidórgiu serrau e faendho essire pagu pagu de ària Sinònimos e contràrios gragallizu.

gurgulliàre , vrb: gurguzare Definitzione fàere una genia de moida comente dha faet s'abba budhindho; bufandho a bruncu, a intullu, o betandho a furriadura de un'ampudha o àteru istrégiu a tuturigu, fàere gurgúlliu Sinònimos e contràrios abbrubudhai, abbrufulai, acrocuai, aggargalai, aggorgotai, borbogliare, froculare, groggolare Ètimu itl. gorgogliare.

gurgúlliu , nm Definitzione su gurgulliare, rumóriu de s'abba chi orruet, essit, budhit, o si movet (o dhue passat in mesu bubburucas de ària) Sinònimos e contràrios cróchida, crocólliu, cróculu, gúrgulu, sbrufúliu Frases s'abba de custa funtana unu tempus essiat a gurgúlliu: commo paret assagadada, istraca! Ètimu srd. Tradutziones Frantzesu gargouillis Ingresu gurgling Ispagnolu gorgoteo Italianu gorgoglìo Tedescu Gurgeln, Strudeln, Gebrodel.

gurgullòni grugugliòni

gúrgulu , nm Sinònimos e contràrios cróculu, cróchida, gurgúlliu Ètimu srd.

gúrguru , nm Definitzione aperta, isperrada manna e funguda in is orrocas Sinònimos e contràrios carropu, gurgu 1, ispéntimu, ispérruma, péntuma Frases sos ómines de brunzu de custa terra mea de bentu si los ingullit su gúrguru de sas rocas (G.Delogu).

gurgúsa , nf Definitzione genia de erba chi faet in is errios, mala Sinònimos e contràrios targusa.

gurgusàmine , nm Definitzione bascaràmene, malesa chi lassant in is oros is errios bogaos candho s'abba che abbàsciat; in cobertantza si narat de persona de cumportamentos metzanos.

gurgúta , nf Sinònimos e contràrios bula, gorguzu, gúturu.

gurgútzu , nm Sinònimos e contràrios travúciu, trebutu.

gurguzadúra , nf Definitzione su gurguzare, moida chi si faet bufandho a bruncu, a intullu Ètimu srd.

gurguzàre gurgulliàre

gurguzòne gruguzòne