A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

futiéntu futibbéntu

futínzu , nm Sinònimos e contràrios codhóngiu, zuchinzu Ètimu srd.

futíre, futíri , vrb Sinònimos e contràrios cadhicare, codhai, fútere*, zúchere / ingannai 2. tzertos istudiados bi sunt pro futire leges e cristianos! ◊ chi sa muzere lu fit futendhe fit in buca de totu sa bidha: ma cun chie? ◊ servint in dogni tempus su potente futendhe chena iscrúpulos sa zente Tradutziones Frantzesu embobiner, foutre Ingresu to fuck, to trick Ispagnolu joder Italianu raggirare, fóttere Tedescu bumsen, betrügen.

futítu , avb Definitzione leare a unu a f. = èssiri a befa de totus, èssere a risu de sa zente.

futivúti , avb Definitzione èssere o istare f. = segai sa matza, èssiri de istrobbu; fàghere sa cosa f. = cun trassa, a ingannu.

fútu , nm, agt Definitzione chi o cosa chi est de valore, chi giuat, chi balet / ómini futu, fémina futa = àbbili, abbista e séria; genti futa = zente de importu; cosa futa = de zudu, de imprastu, nau de bestimentu, chi istat bene a chie dhu portat Sinònimos e contràrios àlchida, balia / àbbile 1, abbistu, capaci | ctr. scimpri Frases sa beridadi est ca bos'atrus babbus futu no ndi teneis! 2. mi parit ca cancunu no est futu a fai nudha! ◊ no est futu mancu a fuedhai bèni! ◊ su bèni chi si at fatu issu no seus futus a si dhu torrai ◊ a tui tocat a ti torrai a impastai po ndi essiri cosa futa! ◊ chi fiast una persona futa no iast a fai cosas aici trotas!◊ est una domixedha pagu futa, parit una gruta! 3. su síndigu, su dotori, su potecàriu, is maistus… funt genti futa, in sa bidha ◊ lah ita cosa bella… parit cosa futa puru!

futúdu , agt Definitzione chi cricat de futire, de ingannare s'àteru / fàghere su polcu f. = su porcu peisegadu, su mandrone chi campat de s'anzenu Sinònimos e contràrios inganneri, tramposu Frases porcu futudu, est isse chi mi che at frigadu sas iscarpas! ◊ e bosatrus, becus futudus, ni cun santus e ni cun tiaus no nci brulleis meda! Ètimu srd.

futuperàre , vrb Definitzione bogare in bregúngia giaendho una briga, nàrrere o pònnere male meda de unu faendhodhu a bregúngia Sinònimos e contràrios abbilgonzare, abbituperare, addutuperiare, afilipendiai | ctr. abantai Frases tota s'umanidade est a murrunzu, futuperendhe crisi e bisonzu.

futurísmu , nm Definitzione idea e gustu po totu su chi est nou, modernu, contr'a totu su chi nanca est traditzione, mescamente in arte.

futurísta , agt, nm Definitzione chi o chie est amantiosu de su futurismu.

futúru , nm Definitzione su tempus chi depet bènnere Sinònimos e contràrios benidore Terminologia iscientìfica tpc.

fuxilàda fusilàda

fuxilài foxilài

fuxiléri fusiléri

fuxiléri 1 foxiléri

fuxíli fosíle

fuxíli 1 , nm Definitzione genia de forredha cun is forredhos inue si ponet braxa alluta a còere cosa, coghina; fintzes su tretu de sa domo inue si faet su fogu Sinònimos e contràrios forratzu, forredhu / fochile* Frases alluiat su fogu a craboni in su fuxili ◊ mamma e filla nc'intrant in fuxili e preparant sa cena 2. sa nura narat chi sa sorga si fichit in is fuxilis de domu sua, chi dh'iscoberit fintzas sa pingiara! ◊ candu fiat tempus malu giogau in fuxili.

fuxína foghína

fuxinedhàra , nf Definitzione si narat de cantidade manna de cosas: cosa meda Sinònimos e contràrios fochilada, foxina 1, foxinada Ètimu srd.

fuzída , nf Definitzione su fuzire, su illascinare; lassare una cosa po ndhe fàere un'àtera, unu pagu impresse, pag'ora Sinònimos e contràrios alliscinada, iscadriada, iscafudhida, lascinada, liscigada / fritida / cdh. busciconi Frases apo fatu una fuzida in cuss’astrau azummai m'ischérbigo! 2. no apo pótidu fàghere una fuzida pro cussu cumandhu e pro cussu est chentza fatu Ètimu srd. Tradutziones Frantzesu glissade Ingresu slip Ispagnolu resbalón Italianu scivolóne Tedescu Rutsch.