A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

eletrizài, eletrizàre , vrb Definitzione pònnere s'elétricu, carrigare de elétricu una cosa Frases frighendi a forti duas cosas s'una cun s'àtera, si funt isoladas si eletrizant.

eletrodomésticu , nm Definitzione cumbénia, trastu de domo a elétricu, prus che àteru màchina po fàere fainas de domo (mantènnere cosa in friscu, samunare, suspire s’àliga o àteru).

eletrólisi , nf Definitzione genia de manígiu chi si faet cun s'elétricu po pònnere unu pígiu de metallu a cosas de metallu etotu o de àteru materiale, o fintzes arrefinare o separare chimicamente e fàere a cumossu unu metallu o àteros materiales ispimpirillaos in s'abba ue si faet colare s'elétricu.

eletromagnéticu , agt Definitzione chi pertocat su magnetísimu chi naschit de s'elétricu.

eletròne, eletròni , nm Definitzione una de is partes elementares de sa matéria (àtomu) cun sa càrriga elétrica prus pitica chi si agatat Tradutziones Frantzesu électron Ingresu electron Ispagnolu electrón Italianu elettróne Tedescu Elektron.

eletrónicu , agt Definitzione chi andhat o funtzionat a eletrones, chi pertocat is eletrones.

elétu , pps, agt Definitzione de elèzere; nau de is candhidaos, chi est essiu de is prus votaos, de is primos, e faet parte de su tanti previstu po pigare un'incàrrigu.

eletziòne, eletziòni elessiòne

elèzere , vrb: eligi, elígiri Definitzione fàere is eletziones, votare po isceberare is candhidaos chi depent pigare un'incàrrigu / pps. eletu, elígiu Sinònimos e contràrios eligire.

elfàta , nf Sinònimos e contràrios falta, infarta Frases iscusa s'elfata, elmosa Elene, chi as àpitu fintzas a como.

elgàtzu , nm Definitzione s'incàsciu chi, in is duas puntas, si faet a is doas de una carrada po incasciare is fundhos Sinònimos e contràrios angina, àrgheda, gàrgaru, incartzu, incrava, ràglia 1 Terminologia iscientìfica fst Ètimu ctl. engalz.

éli , nm Sinònimos e contràrios eni, longhivresu.

élia , nf Sinònimos e contràrios cuntentesa, prexu.

élica , nf Definitzione genia de ala cun duas partes fadhias (orientadas a betu contràriu) chi girandho impare cun su fusu ispinghent s'ària (o àteru) cun fortza totu a una bandha o (faendho passare cun fortza vapore o abba aintru de una turbina) movent su fusu comente faet unu motore.

elicàrju, elicàgliu , nm Definitzione padente de íllighe Sinònimos e contràrios elichetu.

éliche , nm, nf: éliga, élighe, élighi, éligi, íliche Definitzione mata manna, de sa matessi famíglia de su crecu e de su suérgiu: faet landhe e linna bona, forte e tostada Sinònimos e contràrios ttrs. érighi Frases sos élighes sunt barriados de landhe ◊ est che élighe sica in s'angustia de una pèlcia tra tetis e ruos (Puntziudu)◊ su monte est inghiriadu d'éligas altas ◊ sas élighes trement a s'úrtima lughe ◊ ndhe lis depo landhe a cussas éliches!… Terminologia iscientìfica mtm, Quercus ilex Ètimu ltn. elice Tradutziones Frantzesu chêne vert Ingresu ilex Ispagnolu encina, carrasca Italianu léccio Tedescu Steineiche.

elichedhàrju , nm Definitzione logu de élighes, íllighes Sinònimos e contràrios elichetu Ètimu srd.

elichesuerínu , nm Definitzione mata de suérgiu Sinònimos e contràrios subérgiu Terminologia iscientìfica mtm, Quercus suber.

elichétu , nm: elighedu Definitzione litu, padente, catza de élighes, de íllighes Sinònimos e contràrios elicarju, elichedharju, elichinu, landari Ètimu srd. Tradutziones Frantzesu bois de chênes verts Ingresu ilex wood Ispagnolu quejigar, encinar Italianu leccéto Tedescu Steineichenwald.

elichínu , agt, nm: elighinu, ilighinu, iliginu Definitzione de íllighe; padente de íllighes / pedra elighina = àrbures de àteras eras fatas a pedra, comente si ndhe agatat in su de Pérfugas, in su riu Altana, e in Tadasuni Sinònimos e contràrios elichetu Frases sos porcos sunt in s'ingrassa de sa landhe elichina ◊ linna elighina, àlvore elighinu 2. passandhe in camineras de carru o segandhe in s'elighinu che arrivaimis a Sa Menta Ètimu srd.