Ditzionàriu in línia
de sa limba e de sa cultura sarda

éliche , nm, nf: éliga, élighe, élighi, éligi, íliche Definitzione mata manna, de sa matessi famíglia de su crecu e de su suérgiu: faet landhe e linna bona, forte e tostada Sinònimos e contràrios ttrs. érighi Frases sos élighes sunt barriados de landhe ◊ est che élighe sica in s'angustia de una pèlcia tra tetis e ruos (Puntziudu)◊ su monte est inghiriadu d'éligas altas ◊ sas élighes trement a s'úrtima lughe ◊ ndhe lis depo landhe a cussas éliches!… Terminologia iscientìfica mtm, Quercus ilex Ètimu ltn. elice Tradutziones Frantzesu chêne vert Ingresu ilex Ispagnolu encina, carrasca Italianu léccio Tedescu Steineiche.

íliche , nm: éliche*, ígili, ílige, ílighe, íligi, ílixi, íllighe, ixi, íxibi, íxigui, íxugui Definitzione mata manna, de sa matessi arratza de su crecu e de su suérgiu, bogat landhe e faet linna bona / min. iligedha Frases incui dhue sunt is forestas cun su landhe de ílige Terminologia iscientìfica mtm, Quercus ilex Tradutziones Frantzesu chêne vert Ingresu holm-oak Ispagnolu encina Italianu léccio Tedescu Steineiche.