A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bàbbu , nm: ibbabbu, ubbabbu Definitzione ómine chi at fatu o tenet fígios: foedhandho in 1ˆ p., fintzes chentza art. e ne agt. possessivu, babbu est sèmpere su meu, su nostru; in cobertantza, ccn. o ccn. cosa de inue ndhe dipendhet o ndhe at dipéndhiu àteras / Babbu Mannu = Deus, su Babbu, sa prima Pessone de sa Divinidade segundhu sa dotrina cristiana; vocativu, sa peràula si truncat: O bà, benide!; andhare, bènnere a babbu = itl. da/dal babbo Sinònimos e contràrios babbai Maneras de nàrrere csn: cicai babbu a Deus = chircare una parentella chi no si connoschet; no si cumprèndhere su b. cun su fizu = èssere totu betadu apare, cufusione manna Frases maridu meu est su babbu de fizos mios ◊ Bà, perdònalos ca no ischint su chi sunt faghindhe! ◊ a su chi mi donat pani nau babbu ◊ dèu meinnoxi mi parit ca in dógnia logu biu a babbu o a mamma ◊ no apo tzessadu mai de istimare a babbu tou ◊ bae a babbu ca ti cheret! 2. non si cumprendit su babbu cun su fillu Sambenados e Provèrbios prb: su pecau de babbu dhu prangit fillu Ètimu ltn. *babbus Tradutziones Frantzesu père, papa Ingresu father, dad Ispagnolu padre, papá Italianu padre, babbo Tedescu Vater, Papa.

babbuàssu babbàssu

babbucèdha , nf Definitzione min. de babbúcia; genia de animale de mare, minudedhedhu, de diferentes calidades, chi si assimbígiat a su calamaru (portat su matessi deghe farrancas) Sinònimos e contràrios prupedha, sepiedha Terminologia iscientìfica anb, sepiola rondeleti, s. vulgaris, rossia macrosoma Tradutziones Frantzesu petite seiche Ingresu little cuttlefish Ispagnolu globito Italianu seppiolina Tedescu kleine Sepie, Tintenfischlein, Kuttelfischlein.

babbucéri , nm Definitzione maistu, sabbateri chi faet babbúcias Ètimu srd. Tradutziones Frantzesu pantouflier Ingresu maker of slippers Ispagnolu zapatillero Italianu pantofolàio Tedescu Hausschuhmacher.

babbúcia , nf: bubbúcia, babbutza Definitzione genia de iscarpa; genia de animale de mare Sinònimos e contràrios caciola, calòscia, pédula / sélpia Ètimu itl. babbuccia Tradutziones Frantzesu pantoufle, seiche Ingresu slipper, little cuttlefish Ispagnolu pantofla, sepia Italianu pantòfola, seppiolina Tedescu Hausschuh, Tintenfischlein.

babbúciu , nm Definitzione genia de tzintzigorru mannu, matucu Sinònimos e contràrios boveri, brabballoca, tzintzorra Terminologia iscientìfica crp, helix aspersa.

babbuínu , nm Definitzione genia de martinica; persona pagu giusta de conca Sinònimos e contràrios babbassu Terminologia iscientìfica anar, papio cynocephalus Tradutziones Frantzesu babouin, ballot Ingresu babboon Ispagnolu babuino Italianu babbuino Tedescu Pavian.

babbuliscàre , vrb: barbuliscare Definitzione nàrrere isciolórios, tontesas, cosas chi no tenent sensu, babbuliscos Sinònimos e contràrios isciolloriai Frases ite ses, babbuliscandhe?! Ètimu srd.

babbulíscu , agt, nm: barbuliscu Definitzione chi o chie narat isciolórios, machines, cosas chi no tenent sétiu, chentza fundhóriu, unu chi est de pagu abbistesa Sinònimos e contràrios baliodha, bambarru, bichimmeo, gingiorre, nuscentri, tolondro, tontorrone Frases babbuliscu, ite so nandhe?! ◊ babbulisca, a ti sègheras?!

babbullíca, babbullísca , nf: bubbulica, bubbullica, bubbuluca, bumbullica Definitzione genia de bubburuca de unu velighedhu de abba prenu de ària Sinònimos e contràrios bobbollonca, bollonca, brubbulluga, burbuida Frases de su fundu de su mari si pesat una trumma de babbullicas ◊ su mustu budhinne faet sas babbullicas Ètimu srd. Tradutziones Frantzesu bulle Ingresu little bubble Ispagnolu burbuja Italianu bollicina Tedescu Bläschen.

babbumàu! , iscl Definitzione boghe chi si betat po meravíglia, assíchidu, grisu Ètimu srd.

babbunostràre , vrb Definitzione arrasai, nàrrere babbunostros Frases fit babbunostrendhe cun d-unu rosàriu imbenujadu in s'altare Ètimu srd.

babbunóstru , nm Definitzione sa nódida pregadoria chi at incumandhau Cristos, nada deosi de is primos duos foedhos, Babbu nostru; cadaunu de is granos de una corona o orrosàriu Sinònimos e contràrios padennoste Maneras de nàrrere csn: nàrrere, rasare unu o su b.; andhare che b. = èssiri in buca de totus; colare dae su b. a s'avemmaria = andhare de una cosa a s'àtera chentza órdine, chentza régula Frases segundhu tue, a Deus l'as pagadu cun d-unu Babbunostru male nadu! ◊ si cuncedit s'indulgéntzia a totu cudhos chi dent resare chimbe Babbunostos 2. in bidhas minores sas novas andhant dae unu a s'àteru che babbonnostros e avemmarias Ètimu srd. Tradutziones Frantzesu Notre Père Ingresu lord's prayer Ispagnolu padrenuestro Italianu Padre nòstro Tedescu Vaterunser, Paternoster.

babbúrru , agt, nm Definitzione chi o chie est pagu abbistu Sinònimos e contràrios babbalocu, baliodha, bambarru, bichimmeo, bucalloto, gingiorre, prantamone, tolondro.

babbutíu babbatzíu

babbútza babbúcia

babbutzíu babbatzíu

babbútzu , nm Definitzione su bobboi chi faet a usu de pedruvae in su pisucre e in su pisu sicau Ètimu srd.

babèra , nf: baera, bavera 1 Definitzione trastighedhu chi si apicat a su tzugu de su pipiedhu, a calare in petorras, po no s'imbrutare de abbau o papandho Sinònimos e contràrios babajolu, babarinu, babarola, baberi, barbisa, baulera, cabitzola, parabbae Terminologia iscientìfica bst Ètimu spn. babera.

babéri , nm Sinònimos e contràrios babera Ètimu spn. babero.